ವಿದ್ಯಾರ್ಥಿಗಳಿಗೆ ರಸಪ್ರಶ್ನೆ ಕಾರ್ಯಕ್ರಮ  

ಯಮಕನಮರಡಿ 02: ಸ್ಥಳೀಯ ಎಸ್‌ಆರ್‌ಎಮ್ ಸರ್ಕಾರಿ ಪದವಿ ಪೂರ್ವ ಮಹಾವಿದ್ಯಾಲಯ, ಯಮಕನಮರಡಿಯಲ್ಲಿ ಗುರುವಾರ ದಿ. 31 ರಂದು ಬಿಸ್ ಸ್ಟಾಂಡರ್ಸ್‌ ಕ್ಲಬ್ ಅಡಿಯಲ್ಲಿ ರಸಪ್ರಶ್ನೆ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು.  

ಈ ಕಾರ್ಯಕ್ರಮದಲ್ಲಿ ಪ್ರಾಚಾರ್ಯರಾದ  ಎಸ್‌.ಎ ರಾಮನಕಟ್ಟಿ ಅಧ್ಯಕ್ಷತೆ ವಹಿಸಿ ಮಾತನಾಡುತ್ತಾ ಬಿಸ್ ಕೆಲಸಗಳು ಹಾಗೂ ಸಾಮಾನ್ಯ ವಿಜ್ಞಾನದ ಕುರಿತು ಮಾತನಾಡಿದರು. ಎಸ್ ಆರ್ ತಬರಿ ಮಾತನಾಡಿ ಇಂದಿನ ಆಧುನಿಕ ಯುಗದಲ್ಲಿ, ವಿಜ್ಞಾನದ ಪದವಿ ಮಹತ್ವದ ಕುರಿತು ತಿಳಿಸಿದರು.  

ರಸಪ್ರಶ್ನೆ ಕಾರ್ಯಕ್ರಮದಲ್ಲಿ 75 ಸ್ಟಾಂಡರ್ಸ್‌ ಕ್ಲಬ್‌ನ ವಿದ್ಯಾರ್ಥಿಗಳು ಭಾಗವಹಿಸಿದ್ದರು. ಈ ಸಂದರ್ಭದಲ್ಲಿ ಸ್ಟಾಂಡರ್ಸ್‌ ಕ್ಲಬ್ ಮಾರ್ಗದರ್ಶಕರು ಹಾಗೂ ರಸಾಯನಶಾಸ್ತ್ರ ಉಪನ್ಯಾಸಕರಾದ ಅಖಿಲ ಕಿವಂಡಾ ಹಾಜರಿದ್ದರು.