ರಾಣೇಬೆನ್ನೂರು 02:  ಇತ್ತೀಚೆಗೆ ನಡೆದ 2026-27ನೇ ಸಾಲಿನ ತಾಲೂಕು ಮಟ್ಟದ ಕ್ರೀಡಾಕೂಟದಲ್ಲಿ ಸ್ಥಳೀಯ ಆರಿ​‍್ಟ.ಇಎಸ್ ಪಿಯು ಕಾಲೇಜಿನ ವಿದ್ಯಾರ್ಥಿಗಳು ವಿವಿಧ ಕ್ರೀಡಾ ವಿಭಾಗಗಳಲ್ಲಿ ಭಾಗವಹಿಸಿ ಗಮನಾರ್ಹ ಸಾಧನೆ ಮಾಡಿದ್ದಾರೆ.  

ತಾಲೂಕು ಮಟ್ಟದ ಸ್ಪರ್ಧೆಗಳಲ್ಲಿ ಉತ್ತಮ ಪ್ರದರ್ಶನ ನೀಡಿ 25ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಜಿಲ್ಲಾ ಮಟ್ಟದ ವಿವಿಧ ಕ್ರೀಡಾಕೂಟಗಳಿಗೆ ಆಯ್ಕೆಯಾಗುವ ಮೂಲಕ ಕಾಲೇಜಿಗೆ ಕೀರ್ತಿ ತಂದಿದ್ದಾರೆ.  

ಬಾಲಕಿಯರ ವೈಯಕ್ತಿಕ ವಿಭಾಗ  

ಬಾಲಕಿಯರ ವಿಭಾಗದಲ್ಲಿ ವೇಗದ ನಡಿಗೆ, 3000 ಮೀ. ಓಟ, ಗುಡ್ಡಗಾಡು ಓಟ, ಎತ್ತರ ಜಿಗಿತ, ಚೆಸ್ ಹಾಗೂ 100 ಮೀ. ಹರ್ಡಲ್ಸ್ನಲ್ಲಿ ಪ್ರಥಮ ಸ್ಥಾನ ಪಡೆದಿದ್ದಾರೆ. 1500 ಮೀ., 3000 ಮೀ., 100 ಮೀ., ವೇಗದ ನಡಿಗೆ, 800 ಮೀ. ಓಟ, ಉದ್ದ ಜಿಗಿತ, 4ಸ400 ಮೀ. ರಿಲೇ ಹಾಗೂ ಪೋಲ್ವಾಲ್ಟ್ನಲ್ಲಿ ದ್ವಿತೀಯ ಸ್ಥಾನ ಗಳಿಸಿದ್ದಾರೆ.  

ಬಾಲಕರ ವೈಯಕ್ತಿಕ ವಿಭಾಗ  

ಬಾಲಕರ ವಿಭಾಗದಲ್ಲಿ 100 ಮೀ. ಓಟ, ಎತ್ತರ ಜಿಗಿತ, ವೇಗದ ನಡಿಗೆ ಹಾಗೂ ಗುಡ್ಡಗಾಡು ಓಟದಲ್ಲಿ ಪ್ರಥಮ ಸ್ಥಾನ ಪಡೆದಿದ್ದಾರೆ. 4ಸ400 ಮೀ. ರಿಲೇ, 400 ಮೀ. ಹರ್ಡಲ್ಸ್‌, ಪೋಲ್ವಾಲ್ಟ್‌ ಹಾಗೂ ವೇಗದ ನಡಿಗೆಯಲ್ಲಿ ದ್ವಿತೀಯ ಸ್ಥಾನ ಗಳಿಸಿದ್ದಾರೆ.  

ಗುಂಪು ಕ್ರೀಡೆಗಳಲ್ಲೂ ಸಾಧನೆ  

ಬಾಲಕಿಯರ ತಂಡವು ಹ್ಯಾಂಡ್ಬಾಲ್ ಮತ್ತು ಹಾಕಿಯಲ್ಲಿ ಪ್ರಥಮ ಸ್ಥಾನ ಪಡೆದು, ಖೋ-ಖೋ ಹಾಗೂ ಥ್ರೋಬಾಲ್ನಲ್ಲಿ ದ್ವಿತೀಯ ಸ್ಥಾನ ಗಳಿಸುವ ಮೂಲಕ ಜಿಲ್ಲಾ ಮಟ್ಟಕ್ಕೆ ಆಯ್ಕೆಯಾಗಿದೆ.  ಬಾಲಕರ ತಂಡವು ಥ್ರೋಬಾಲ್, ಖೋ-ಖೋ, ಕಬಡ್ಡಿ, ಬಾಲ್ ಬ್ಯಾಡ್ಮಿಂಟನ್ ಹಾಗೂ ಹಾಕಿಯಲ್ಲಿ ಪ್ರಥಮ ಸ್ಥಾನ ಪಡೆದು ಜಿಲ್ಲಾ ಮಟ್ಟದ ಸ್ಪರ್ಧೆಗಳಿಗೆ ಆಯ್ಕೆಯಾಗಿದೆ.  

ವಿದ್ಯಾರ್ಥಿಗಳ ಈ ಸಾಧನೆಗೆ ಕಾಲೇಜಿನ ಅಧ್ಯಕ್ಷ ಡಾ. ಸಂಜಯ್ ಎಸ್‌. ಸಾವಕಾರ, ಕಾರ್ಯದರ್ಶಿ ಸೀತಾ ಕೋಟೆ, ತರಬೇತುದಾರ ಹಾಗೂ ದೈಹಿಕ ಶಿಕ್ಷಣ ಉಪನ್ಯಾಸಕ ಹನುಮಂತ ಮಸ್ತಿ, ಪ್ರಾಚಾರ್ಯೆ ಸುಧಾ ವಿ. ಹೊಸಮನಿ, ಹಿರಿಯ ಉಪನ್ಯಾಸಕ ಶಂಭು ಕಡುರ್, ಕಾಲೇಜಿನ ಎಲ್ಲ ಉಪನ್ಯಾಸಕರು ಹಾಗೂ ಸಿಬ್ಬಂದಿ ಅಭಿನಂದನೆ ಸಲ್ಲಿಸಿದ್ದಾರೆ.