ರಾಯಬಾಗ 09: ವಿದ್ಯಾರ್ಥಿಗಳಲ್ಲಿರುವ ಪ್ರತಿಭೆ ಅನಾವರಣ ಮಾಡಲು ಕೆ.ಎಲ್‌.ಇ ಸಂಸ್ಥೆಯ ಮಲಗೌಡ ಪಾಟೀಲ ಕಾಲೇಜಿನಲ್ಲಿ ಅವಿಸ್ಕಾರ ವಿಜ್ಞಾನ ಪ್ರಯೋಗ ವಸ್ತು ಪ್ರದರ್ಶನ ಆಯೋಜಿಸಿದ್ದು ಅತ್ಯಂತ ಶ್ಲಾಘನೀಯವಾಗಿದೆ ಎಂದು ರಾಯಬಾಗ ಕೃಷಿ ಇಲಾಖೆ ಸಹಾಯಕ ನಿರ್ದೇಶಕ ವಿನೋದ ಮಾವರಕರ ಮೆಚ್ಚುಗೆ ವ್ಯಕ್ತಪಡಿಸಿದರು.  

ಮಂಗಳವಾರ ಪಟ್ಟಣದ ಕೆ.ಎಲ್‌.ಇ ಸಂಸ್ಥೆಯ ಮಲಗೌಡ ಪಾಟೀಲ ವಿಜ್ಞಾನ ಮತ್ತು ವಾಣಿಜ್ಯ ಪದವಿಪೂರ್ವ ಕಾಲೇಜಿನಲ್ಲಿ ಆಯೋಜಿಸಿದ್ದ ಅಂತರ ಶಾಲೆ ವಿಜ್ಞಾನ ವಸ್ತು ಪ್ರದರ್ಶನ ಮತ್ತು ವಿವಿಧ ಸ್ಪರ್ಧಾ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಅವರು, ಪಾಲಕರು ಮತ್ತು ಉಪನ್ಯಾಸಕರು ವಿದ್ಯಾರ್ಥಿಗಳಲ್ಲಿರುವ ಪ್ರತಿಭೆಯನ್ನು ಗುರುತಿಸಿ ಅವರಿಗೆ ಪ್ರೋತ್ಸಾಹ ನೀಡಬೇಕು. ವಿದ್ಯಾರ್ಥಿಗಳು ಮಾದಕದ್ರವ್ಯಗಳಿಗೆ ಮತ್ತು ಮೊಬೈಲ ವ್ಯಸನಕ್ಕೆ ಒಳಗಾಗಬಾರದು. ಒಳ್ಳೆಯ ಹವ್ಯಾಸಗಳನ್ನು ಬೆಳೆಸಿಕೊಂಡು, ಕಲಿಕೆಯಲ್ಲಿ ನಿರತವಾಗಿ, ವಿದ್ಯಾರ್ಥಿ ಜೀವನವನ್ನು ಉತ್ತಮ ರೀತಿಯಲ್ಲಿ ರೂಪಿಸಿಕೊಳ್ಳಬೇಕೆಂದರು.  

ಪ್ರಾಚಾರ್ಯ ಡಾ. ಆರ್‌.ಕೆ.ಪಾಟೀಲ ಅಧ್ಯಕ್ಷತೆಯನ್ನು ವಹಿಸಿದ್ದರು. ಕಾರ್ಯಕ್ರಮದಲ್ಲಿ ಸ್ಥಳೀಯ ಆಡಳಿತ ಮಂಡಳಿಯ ಸದಸ್ಯರಾದ ಎಮ್‌.ಎಮ್‌.ನಿಶಾನದಾರ, ಡಿ.ಎಲ್‌.ಮಿರ್ಜೆ, ವಿ.ಪಿ.ಪಾಟೀಲ, ಎಲ್‌.ಬಿ.ಪಾಟೀಲ ಉಪನ್ಯಾಸಕರಾದ ಎಮ್‌.ಆರ್‌.ಹೊಸಮನಿ, ವಿ.ಎ.ಮಂಡಕಿ, ಪ್ರಶಾಂತ ಪವಾರ ಹಾಗೂ ವಿದ್ಯಾರ್ಥಿಗಳು ಇದ್ದರು.  ಉಪನ್ಯಾಸಕ ಆರ್‌.ಎಸ್‌.ಬುಗಡಿಕಟ್ಟಿ ಸ್ವಾಗತಿಸಿದರು. ಅಂಕಿತಾ ಚೌಗಲಾ ಮತ್ತು ವೇದಾಂತ ಯಮಕನಮರಡಿ ನಿರೂಪಿಸಿದರು. ಅರ​‍್ಿತಾ ಕಮತೆ ವಂದಿಸಿದರು.