ನೂತನ ಪಿಎಸ್‌ಐ ರಾಘವೇಂದ್ರ ಖೋತ ಅಧಿಕಾರ ಸ್ವೀಕಾರ 

ಕಾಗವಾಡ, 02 ; ಕಳೆದ ಒಂದು ವರ್ಷದಿಂದ ಕಾಗವಾಡ ಪೊಲೀಸ್ ಠಾಣೆಯಲ್ಲಿ ಪಿಎಸ್‌ಐ ಆಗಿ ಕಾರ್ಯನಿರ್ವಹಿಸುತ್ತಿದ್ದ ಗಂಗಾ ಬಿರಾದಾರ ಅವರು ಬೆಳಗಾವಿಗೆ ವರ್ಗಾವಣೆಗೊಂಡಿದ್ದು, ಸಂಕೇಶ್ವರದಿಂದ ವರ್ಗಾವಣೆಗೊಂಡ ರಾಘವೇಂದ್ರ ಖೋತ ಅವರು ಶುಕ್ರವಾರ ದಿ.01 ರಂದು ಕಾಗವಾಡ ನೂತನ ಪಿಎಸ್‌ಐ ಅಧಿಕಾರ ಸ್ವೀಕರಿದ್ದಾರೆ. ರಾಘವೇಂದ್ರ ಖೋತ ಅವರು ಹಾರೂಗೇರಿ, ಬಣಹಟ್ಟಿ ಸೇರಿದಂತೆ ಹಲವು ಕಡೆ ಸೇವೆ ಸಲ್ಲಿಸಿ, ಕಾಗವಾಡ ಠಾಣೆಗೆ ಈ ವರ್ಗವಾಗಿ ಅಧಿಕಾರ ಸ್ವೀಕರಿಸಿದ್ದಾರೆ. ಈ ವೇಳೆ ಮಾತನಾಡಿದ ಅವರು ಕಾಗವಾಡ ಪೋಲಿಸ್ ಠಾಣಾ ವ್ಯಾಪಿಯ ಗ್ರಾಮಸ್ಥರು ಮತ್ತು ಸಾರ್ವಜನಿಕರು ಜೊತೆಗೆ ಇಲ್ಲಿಯ ಸಿಬ್ಬಂದಿ ವರ್ಗದವರು ಈ ಹಿಂದಿನ ಅಧಿಕಾರಿಗಾಳಿಗೆ ನೀಡಿದ ಸಹಕಾರ ನೀಡಬೇಕೆಂದರು. ಸರ್ಕಾರ ಇತ್ತೀಚಿಗೆ ಜಾರಿಗೊಳಿಸಿರುವ ಪೊಲೀಸ್ ಹಾಗೂ ಸಮುದಾಯದ ನಡುವೆ ವಿಶ್ವಾಸ ಮೂಡಿಸಲು ಮನೆ ಮನೆಗೆ ಪೊಲೀಸ್ ಕಾರ್ಯಕ್ರಮ ಸಹಕಾರಿಯಾಗಿದೆ ಅದನ್ನು ಕೂಡಲೆ ಮಾಡಲಾಗುವುದೆಂದರು.