ರಾಣೇಬೆನ್ನೂರಲ್ಲಿ ಇಂದು ಶರಣರ ಸ್ಮರಣೋತ್ಸವ: ಸಾಧಕರ ಅಭಿನಂದನಾ ಸನ್ಮಾನ   

ರಾಣೇಬೆನ್ನೂರು:29 ಇಲ್ಲಿನ  ಅನುಭವ ಮಂಟಪದ ಶರಣರ ಬಳಗ, ಬಸವ ಕೇಂದ್ರ, ಶ್ರೀ ಬಸವಜ್ಯೋತಿ ಮಹಿಳಾ ಮಂಡಳ, ಶ್ರೀ ಗುರು ಬಸವ ಜ್ಞಾನಜ್ಯೋತಿ ಸೇವಾ ಸಮಿತಿ ಸಹಯೋಗದಲ್ಲಿ  ನಾಳೆ 30 ರಂದು ಗುರುವಾರ ಮುಂಜಾನೆ 10:30 ಗಂಟೆಗೆ, ರೋಟರಿ ಶಾಲಾ ವ್ಯಾಪ್ತಿಯಲ್ಲಿರುವ ಭಕ್ತಿ ಭವನದಲ್ಲಿ ಶರಣರ ಸ್ಮರಣೋತ್ಸವ, ಪ್ರಶಸ್ತಿ ಪ್ರಧಾನ ಹಾಗೂ ಸುವರ್ಣ ಸಿರಿ ಅಭಿನಂದನ ಗ್ರಂಥ ಬಿಡುಗಡೆ ಸಮಾರಂಭವು ನಡೆಯಲಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.  ಇಳಕಲ್ ವಿಜಯ ಮಹಾಂತೇಶ್ವರ ಮಠದ ಗುರುಮಹಾಂತ ಸ್ವಾಮೀಜಿಗಳು, ಕೂಡಲ ಸಂಗಮ ಪೀಠದ ಬಸವಜಯ ಮೃತ್ಯುಂಜಯ ಸ್ವಾಮೀಜಿಗಳು, ಲಿಂಗನಾಯಕನಹಳ್ಳಿ ಜಂಗಮ ಕ್ಷೇತ್ರದ ಚನ್ನವೀರ ಸ್ವಾಮೀಜಿಗಳು ಸಾನ್ನಿಧ್ಯ ವಹಿಸುವರು.  

ವರ್ತಕ ಎಂ.ಎಸ್‌. ಅರಕೇರಿ ಷಟಸ್ಥಲ ಧ್ವಜಾರೋಹಣ ನೆರವೇರಿಸುವರು. ಹಾವೇರಿ ವಿಶ್ವವಿದ್ಯಾಲಯ  ಕುಲಪತಿ ಡಾ. ಸುರೇಶ ಜಂಗಮಶೆಟ್ರ ಅವರು ಸಮಾರಂಭ ಉದ್ಘಾಟಿಸುವರು. ದಾವಣಗೆರೆ ಶಂಭುಲಿಂಗಪ್ಪ ಅಜ್ಜಂಪುರಶೆಟ್ರು, ಶಾಸಕ ಪ್ರಕಾಶ ಕೋಳಿವಾಡ, ಮಾಜಿ ಶಾಸಕ ಅರುಣಕುಮಾರ ಪೂಜಾರ, ಪುಣೆ ಅಂತಾರಾಷ್ಟ್ರೀಯ ವಚನ ಅಧ್ಯಯನ ಕೇಂದ್ರದ ಡಾ. ಶಶಿಕಾಂತ ಪಟ್ಟಣ ಅವರುಗಳು ಮುಖ್ಯ ಅತಿಥಿಗಳಾಗಿ ಪಾಲ್ಗೊಳ್ಳಲಿದ್ದಾರೆ.