ಇಂಡಿ 20: ತಾಲೂಕಿನ ಸುಕ್ಷೇತ್ರ ತಡವಲಗಾ ( ಜೋಡಗುಡಿ) ಗ್ರಾಮದ ಮರುಳಸಿದ್ದೇಶ್ವರ ನೂತನ ರಥೋತ್ಸವ ಸೋಮವಾರ ಕಾಶಿ ಜಗದ್ಗುರು ಡಾ.ಮಲ್ಲಿಕಾರ್ಜುನ ವಿಶ್ವಾರಾಧ್ಯ ಶಿವಾಚಾರ್ಯರು ನೂತನ ರಥಕ್ಕೆ ಪೂಜೆ ಸಲ್ಲಿಸಿ ಅವರೇ ರಥದ ಮೇಲೆ ಕುಳಿತು ನೂತನ ರಥೋತ್ಸವಕ್ಕೆ ಚಾಲನೆ ನೀಡುತ್ತಿದ್ದಂತೆ ಭಕ್ತರ ಜಯಕಾರ ಹರ್ಷೋದ್ಗಾರ ಮುಗಿಲು ಮುಟ್ಟಿತ್ತು. 

           ಬೆಳಿಗ್ಗೆ ಎಂಟು ಗಂಟೆಗೆ ನೂತನ ರಥಕ್ಕೆ ಉಜ್ಜೈನಿ ಜಗದ್ಗುರು ಸಿದ್ದಲಿಂಗ ರಾಜದೇಶಿಕೇಂದ್ರ ಶಿವಾಚಾರ್ಯರು ವಿಶೇಷ ಪೂಜೆ ಸಲ್ಲಿಸಿದರು. ನಂತರ ಮಧ್ಯಾಹ್ನ ಮೂರು ಘಂಟೆ ಇಂಡಿ ತಾಲೂಕಿನ ಹೀರೆಬೇವನೂರ ಗ್ರಾಮದಿಂದ ನೂತನ ರಥಕ್ಕೆ ಕಳಸವನ್ನು ಹಾಗೂ ತಡವಲಗಾ ಗ್ರಾಮದ ಮೂಲ ದೇವಾಲಯದಿಂದ ಮರುಳಸಿದ್ದೇಶ್ವರ ಪಲ್ಲಕ್ಕಿ ಉತ್ಸವ ವಾದ್ಯ ವೃಂದ ಸಂಗೀತ ನೃತ್ಯ ವೈಭವದೊಂದಿಗೆ ಮೆರವಣಿಗೆ ಮೂಲಕ ಜೋಡಗುಡಿ ತಲುಪಿತು. ನಂತರ ನೂತನ ರಥೋತ್ಸವಕ್ಕೆ ಚಾಲನೆ ದೊರೆಯಿತು. 

               ತಡವಲಗಾ ಗ್ರಾಮದ ಹಿರೇಮಠದ ಅಭಿನವ ರಾಚೋಟೇಶ್ವರ ಶಿವಾಚಾರ್ಯರು, ಆಲಮೇಲದ ಚಂದ್ರಶೇಖರ ಶಿವಾಚಾರ್ಯರು ಜಿಗಜಿಣಗಿಯ ಮುಪ್ಪಿನಾರ್ಯ ಶಿವಾಚಾರ್ಯರು ಶಿವಾನಂದಯ್ಯ ಶಾಸ್ತ್ರಿಗಳು ಗ್ರಾಮದ ಹಿರಿಯರು ಬಾಬುಸಾವುಕಾರ ಮೇತ್ರಿ, ಬಸವರಾಜ ಇಂಡಿ, ಚಂದ್ರಶೇಖರ ರೂಗಿ, ತಮ್ಮಣ್ಣ ಪೂಜಾರಿ, ಅಣ್ಣಾರಾಯ ಮದರಿ, ಅಶೋಕ ಮಿರ್ಜಿ, ಮಳಸಿದ್ದಪ್ಪ ಖಸ್ಕಿ, ಅಪ್ಪು ಇಂಡಿ, ಮಲ್ಕಪ್ಪ ತೆನ್ನಹಳ್ಳಿ, ಶ್ರೀಶೈಲ ಕಟಾಯಿ, ಮಲ್ಲಿಕಾರ್ಜುನ ಇಂಡಿ, ಕುತಬುದ್ದಿನ್ ಬಾಗವಾನ, ಮಲ್ಲಿಕಾರ್ಜುನ ಇಂಡಿ, ವಿಠೋಬಾ ಖಸ್ಕಿ, ಜೇಟ್ಟಪ ಪಂತೋಜಿ, ಮಲ್ಲಿಕಾರ್ಜುನ ನೇಂದ್ಯಾಳ, ಸಾಹೇಬಗೌಡ ಇಂಡಿ, ಬಸವರಾಜ ಚವಡಿಹಾಳ, ಹಣಮಂತ ಅಗಸಿಮನಿ, ರಾಜು ಮಿರ್ಜಿ ಸೇರಿದಂತೆ ಸಹಸ್ರಾರು ಭಕ್ತರು ಉಪಸ್ಥಿತರಿದ್ದರು.