ರಾಣೆಬೆನ್ನೂರು: 22 ವಾಣಿಜ್ಯ ನಗರದಲ್ಲಿ  ಲಯನ್ಸ್‌ ಅಂತರಾಷ್ಟ್ರೀಯ  ಸೇವಾ ಸಂಸ್ಥೆಯ, "ಜಿಲ್ಲಾ-317- ಬಿ ಪ್ರಾದೇಶಿಕ ಸಮಾವೇಶ" 2026.ರಾಣೆಬೆನ್ನೂರು ಲಯನ್ಸ್‌ ಸೇವಾ ಸಂಸ್ಥೆ ಆಥಿತ್ಯದಲ್ಲಿ ಏರಿ​‍್ಡಸಲಾಗಿದೆ ಎಂದು ರಿಜನ್ ಚೇರ್ಮನ್, ಎಂಜೆಎಫ್, ಲ : ಟಿ. ವೀರಣ್ಣ ಹೇಳಿದರು. ಬುಧವಾರ ಈ ಕುರಿತು ಪತ್ರಿಕೆಯೊಂದಿಗೆ ಮಾತನಾಡಿದ ಅವರು, ಪ್ರಾದೇಶಿಕ ಸಮಾವೇಶವು, ಜನೇವರಿ 25, 2026 ನೇ ರವಿವಾರ ಮುಂಜಾನೆ 10:00 ಗಂಟೆಗೆ ಪಿ.ಬಿ.ರಸ್ತೆ, ಕೆಎಸ್ ಎಸ್ ಐಡಿಸಿ  ಇಂಡಸ್ಟ್ರಿಯಲ್  ಸಭಾಂಗಣದಲ್ಲಿ ನಡೆಯಲಿದೆ. ಅಂದಿನ ಸಮಾವೇಶದಲ್ಲಿ ಹಾವೇರಿ ಜಿಲ್ಲೆಯ, ರಾಣೆಬೆನ್ನೂರು ಲಯನ್ಸ್‌,  ಸಿಟಿ ಲೈನ್ಸ್‌, ರಟ್ಟಿಹಳ್ಳಿ, ಹಾವೇರಿ ಜಿಲ್ಲೆ ಮತ್ತು ಹಾವೇರಿ ಪರಿವಾರ, ಬಂಕಾಪುರ, ಸವಣೂರ, ಹಿರೇಕೇರೂರ ಸೇರಿ ಗೋವಾ ರಾಜ್ಯದ ವಿವಿಧ ಜಿಲ್ಲೆಗಳ 8 ಸೇವಾ ಸಂಸ್ಥೆಗಳ ಅಧ್ಯಕ್ಷರು ಪದಾಧಿಕಾರಿಗಳು ಮಹಿಳಾ ಸದಸ್ಯರು ಸೇರಿ 500ಕ್ಕೂ ಹೆಚ್ಚು ಸದಸ್ಯರು ಸಮಾವೇಶದಲ್ಲಿ ಪಾಲ್ಗೊಳ್ಳವರು.ನಡೆಯುವ ಪ್ರಾದೇಶಿಕ ಸಮಾವೇಶದಲ್ಲಿ ಮುಖ್ಯ ಅತಿಥಿಗಳಾಗಿ ಎಂಜೆಎಫ್ ನೀಲಕಂಠ ಎಂ. ಹೆಗಡೆ, ಭಾಗವಹಿಸುವರು.

           ಲಯನ್ ಎಂಜೆಎಫ್, ಸುಧೇಶ ಬೋರ್ಕರ್  ಸಮಾವೇಶ ಉದ್ಘಾಟಿಸುವರು. ಪಿಡಿಜಿ, ಎಂಜೆಎಫ್, ಹರ್ಸ ದೇಸಾಯಿ ಅವರು ಉಪಸ್ಥಿತರಿರುವರು. ರಾಣೆಬೆನ್ನೂರು ಲಯನ್ ಸೇವಾ ಸಂಸ್ಥೆಯು ಆರಂಭವಾಗಿ ಇಂದಿಗೆ 49 ವರ್ಷಗಳು ಕಳೆದಿವೆ, ಸಾಮಾಜಿಕವಾಗಿ ಉಚಿತ ಕಣ್ಣಿನ ತಪಾಸಣೆ ಮತ್ತು ಚಿಕಿತ್ಸೆ, ಕೃತಕ ಕಾಲು ಜೋಡಣೆ, ಆರೋಗ್ಯ ತಪಾಸಣೆ, ಕ್ರೀಡಾ ಚಟುವಟಿಕೆ, ಸಾಹಿತಿಕ  ಸಾಂಸ್ಕೃತಿಕ ಮತ್ತು ಶೈಕ್ಷಣಿಕವಾಗಿ ಚಿತ್ರಕಲೆ, ಲಲಿತ ಕಲೆ, ಸಾಂಸ್ಕೃತಿಕ ಚಟುವಟಿಕೆ ಸೇರಿದಂತೆ ಮತ್ತಿತರೆ ಕ್ಷೇತ್ರದಲ್ಲಿ ತನ್ನದೇ ಆದ ಸೇವೆ ಸಲ್ಲಿಸುತ್ತಾ ಜನಮನ್ನಣೆಯಲ್ಲಿ ಸಾಗಿದೆ.  ಇದೇ ಸಂದರ್ಭದಲ್ಲಿ ಸಮಾವೇಶದ ಸವಿ ನೆನಪಿಗಾಗಿ, ಲಯನ್ಸ್‌ ಮಾಜಿ ಅಧ್ಯಕ್ಷ ಲ: ಟಿ. ಕೆ. ಎಂ. ಬಸವರಾಜಯ್ಯ ಅವರು, ರೋಟರಿ ಶಾಲೆಯ ಗ್ರಂಥಾಲಯಕ್ಕಾಗಿ, ಕನ್ನಡ- ಆಂಗ್ಲ ಮತ್ತು ಇತರೆ ವಿಷಯಕ್ಕೆ ಸಂಬಂಧಿಸಿದ ಒಟ್ಟು  108875  ರೂಪಾಯಿಗಳ ಮೊತ್ತದ 1705 ಮೌಲ್ಯಯುತ ಪುಸ್ತಕಗಳನ್ನು ದೇಣಿಗೆಯಾಗಿ ವಿತರಿಸಲಿದ್ದಾರೆ ಎಂದರು.