ಮಾಂಜರಿ 10: ಯುವ ಪೀಳಿಗೆಯು ಲಿಂಗರಾಜರ ತ್ಯಾಗ ಮತ್ತು ಸಮಾಜಮುಖಿ ಚಿಂತನೆಗಳನ್ನು ಹಾಗೂ ಧರ್ಮದ ಕಾರ್ಯಗಳನ್ನು ನಡೆಸಿ ಸತ್ಯ ಮಾರ್ಗದಲ್ಲಿ ಜೀವನವನ್ನು ಸವಿಸಬೇಕು ಲಿಂಗರಾಜರು ನೀಡಿದ ದಾನದ ಫಲವಾಗಿ ಇಂದು ಲಕ್ಷಾಂತರ ಕುಟುಂಬಗಳು ಶೈಕ್ಷಣಿಕವಾಗಿ ಅಭಿವೃದ್ಧಿ ಹೊಂದಿವೆ. ಅವರ ತ್ಯಾಗದ ಗುಣ ನಮಗೆಲ್ಲರಿಗೂ ದಾರೀದೀಪವಾಗಲಿದೆ ಎಂದು ಕೆಎಲ್‌ಇ ಶಿಕ್ಷಣ ಸಂಸ್ಥೆಯ ಚಿಕ್ಕೋಡಿಯ ಬಸಪ್ರಭು ಕೋರೆ ಪದವಿ ಮಹಾವಿದ್ಯಾಲಯದ ನಿವೃತ್ ಪ್ರಾಚಾರ್ಯ ಎಂ ಟಿ ಕುರಣಿ ಹೇಳಿದರು. 

ಅವರು ಎಂದು ಚಿಕ್ಕೋಡಿ ತಾಲೂಕಿನ ಅಂಕಲಿ ಗ್ರಾಮದಲ್ಲಿರುವ ಕೆಎಲ್‌ಇ ಶಿಕ್ಷಣ ಸಂಸ್ಥೆಯ ಶಾರದಾದೇವಿ ಪದವಿ ಪೂರ್ವ ಮಹಾವಿದ್ಯಾಲಯ ಮತ್ತು ಎಸ್‌ಸಿ ಪಾಟೀಲ ಕನ್ನಡ ಮಾಧ್ಯಮ ಪ್ರಾಥಮಿಕ ಶಾಲೆ ಬಸಪ್ರಭು ಕೋರೆ ಸಿಬಿಎಸ್‌ಸಿ ಆಂಗ್ಲ ಮಾಧ್ಯಮ ಶಾಲೆ ಮತ್ತು ಪದವಿ ಮಹಾವಿದ್ಯಾಲಯದ ಸಂಯುಕ್ತ ಆಶ್ರಯದಲ್ಲಿನಾಡಿನ ಹೆಸರಾಂತ ದಾನಿ, ಶಿಕ್ಷಣ ಪ್ರೇಮಿ ಮತ್ತು 'ತ್ಯಾಗವೀರ' ಎಂದೇ ಖ್ಯಾತರಾದ ಶಿರಸಂಗಿ ಲಿಂಗರಾಜ ದೇಶಾಯಿ ಅವರ 165 ನೇಯ ಜಯಂತಿ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಯಾಗಿ ಪಾಲ್ಗೊಂಡು ಅವರು ಮಾತನಾಡುತ್ತಿದ್ದರು. 

ಮೊದಲಿಗೆ ಕೆಎಲ್‌ಇ ಸಂಸ್ಥೆಯ ಆವರಣದಲ್ಲಿ ನಡೆದ ಪ್ರಮುಖ ಕಾರ್ಯಕ್ರಮದಲ್ಲಿ ಲಿಂಗರಾಜರ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಮಾಡುವ ಮೂಲಕ ಗೌರವ ಸಲ್ಲಿಸಲಾಯಿತು.  ಶಿರಸಂಗಿ ಲಿಂಗರಾಜರು ಕೇವಲ ಒಬ್ಬ ವ್ಯಕ್ತಿಯಲ್ಲ, ಅವರು ದೇವರ ಪ್ರತಿರೂಪ. ಅಂದು ಅವರು ತಮ್ಮ ಆಸ್ತಿಯನ್ನೆಲ್ಲ ಧಾರೆ ಎರೆದು ನವಲಗುಂದ-ಶಿರಸಂಗಿ ಟ್ರಸ್ಟ್‌ ಸ್ಥಾಪಿಸದಿದ್ದರೆ ಇಂದು ಸಾವಿರಾರು ಗ್ರಾಮೀಣ ವಿದ್ಯಾರ್ಥಿಗಳು ಉನ್ನತ ಶಿಕ್ಷಣದಿಂದ ವಂಚಿತರಾಗುತ್ತಿದ್ದರು ಎಂದು ಎಂ ಟಿ ಕುರಣಿ ಹೇಳಿದರು. 

ಸ್ಥಳೀಯ ಆಡಳಿತ ಮಂಡಳಿಯ ಸದಸ್ಯರಾದ ಸುರೇಶ ಪಾಟೀಲ್ ಮಾತನಾಡಿ ತ್ಯಾಗವೀರ ಶಿರಸಂಗಿ ಲಿಂಗರಾಜರು ತಮ್ಮ ಕಾಲದಲ್ಲಿಯೇ ಬಡ ವಿದ್ಯಾರ್ಥಿಗಳ ವಿದ್ಯಾಭ್ಯಾಸಕ್ಕಾಗಿ ಕೋಟ್ಯಂತರ ರೂಪಾಯಿ ಮೌಲ್ಯದ ಆಸ್ತಿಯನ್ನು ದಾನ ಮಾಡಿದ್ದರು.  ಕರ್ನಾಟಕ ಲಿಬರಲ್ ಎಜುಕೇಶನ್ (ಏಐಇ) ಸಂಸ್ಥೆಯು ಇಷ್ಟೊಂದು ಬೃಹತ್ತಾಗಿ ಬೆಳೆಯಲು ಲಿಂಗರಾಜರ ಉದಾರ ಧನಸಹಾಯವೇ ಅಡಿಪಾಯ ಎಂಬ ಅಂಶವನ್ನು ಅವರು ಹೇಳಿದರು. 

ಅಂಕಲಿಯ ಕೆಎಲ್‌ಇ ಅಂಗ ಸಂಸ್ಥೆಗಳ ಆಡಳಿತ ಮಂಡಳಿಯ ಸದಸ್ಯರೂ, ಸಂಸ್ಥೆಯ ಆಜೀವ ಸದಸ್ಯರು, ಮುಖ್ಯಸ್ಥರು ಸಿಬ್ಬಂದಿವರ್ಗ ಹಾಗೂ ವಿದ್ಯಾರ್ಥಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡಿದ್ದರು. ಜೆ ಎಸ್ ತಮಗೊಂಡ ಸ್ವಾಗತಿಸಿ ಪ್ರಸ್ತಾವಿಕ ನೂಡಿಗಳನ್ನಾಡಿದರು. ಪ್ರಮೋದ ಅಸೂದೆ ಅತಿಥಿಗಳನ್ನು ಪರಿಚಯಿಸಿದರು. ಡಿ ಎಸ್ ಬಾಕಳೆ ಕಾರ್ಯಕ್ರಮ ನಿರೂಪಿಸಿ ಆರ್ ಉಮರಾಣೆ ವಂದಿಸಿದರು.