ರನ್ನ ಬೆಳಗಲಿ 31: ಸಾಮಾನ್ಯ ಜನರಿಗೆ ರೀತಿ ಲೈಫ್ ಕೇರ್ ಆಧಾರವಾಗಿದೆ. ಪ್ರಸ್ತುತ ದಿನಗಳಲ್ಲಿ ಆರ್ಥಿಕ ತೊಂದರೆಯಿಂದ ಅನೇಕ ರೋಗಿಗಳು ಮನೆಯಲ್ಲೇ ಇದ್ದು, ಮತ್ತಷ್ಟು ಅನಾರೋಗ್ಯಕ್ಕೆ ಒಳಗಾಗುತ್ತಿದ್ದಾರೆ. ಇಂಥ ಪರಿಸ್ಥಿತಿಯಲ್ಲಿ ಉಚಿತ ಆರೋಗ್ಯ ತಪಾಸಣಾ ಶಿಬಿರ ಏರಿ​‍್ಡಸಿ, ಆರ್ಥಿಕ ಸಂಕಷ್ಟದಲ್ಲಿರುವ ಅನೇಕ ರೋಗಿಗಳಿಗೆ ವರದಾನವಾಗಿದೆ ಎಂದು ಧರ​‍್ಪ ಸಾಂಗ್ಲೀಕರ  ಹೇಳಿದರು.  

ಮಹಾಲಿಂಗಪುರದ ರೀತಿ ಲೈಫ್ ಕೇರ್ ವತಿಯಿಂದ ಪಟ್ಟಣದ ಶ್ರೀ ಬಂದ ಲಕ್ಷ್ಮೀ ದೇವಸ್ಥಾನದ ಆವರಣದಲ್ಲಿ ಆಯೋಜಿಸಲಾಗಿದ್ದ ಉಚಿತ ಆರೋಗ್ಯ ತಪಾಸಣಾ ಶಿಬಿರ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ  ಅವರು ಮಾತನಾಡುತ್ತಿದ್ದರು.  

ಈ ಒಂದು ಆರೋಗ್ಯ ತಪಾಸಾಣಾ ಶಿಬಿರದಲ್ಲಿ ಎಲ್ಲಾ ಬಗೆಯ ಖಾಯಿಲೆಯನ್ನು ಗುರುತಿಸಿ ಸರ್ಕಾರದ ವಿವಿಧ ಸೌಲಭ್ಯಗಳ ಜೊತೆಗೆ ಮತ್ತು ಅತಿ ಕಡಿಮೆ ವೆಚ್ಚದಲ್ಲಿ ಗುಣಪಡಿಸುವ ಕಾರ್ಯವನ್ನು ರೀತಿ ಲೈಫ್ ಕೇರ್ ಮಹಾಲಿಂಗಪುರ ಆಸ್ಪತ್ರೆ ಮಾಡುತ್ತಿದ್ದು, ಈ ಕಾರ್ಯಕ್ರಮವು  ಅಭಿನಂದನಾಹರ್ವಾಗಿದೆ. ಎಲ್ಲಾ ಸಾರ್ವಜನಿಕರು ಈ ಸೇವೆಯನ್ನು  ಪಡೆದುಕೊಳ್ಳಬೇಕೆಂದು ಸಾಂಗ್ಲೀಕರ ಅವರು ತಿಳಿಸಿದರು. ಡಾ. ಬಸವರಾಜ ನಾಗರಾಳ, ಡಾ. ಶ್ರೀದೇವಿ ತೇಲಿ, ಡಾ.ರಾಜೇಶ ಬಾವಲತ್ತಿ, ಡಾ.ಅರುಣ ಕುದರಿ ವೈದ್ಯರು ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಚಿಕ್ಕ ಮಕ್ಕಳ ಅರೋಗ್ಯ ಸಮಸ್ಯೆ, ಎಲುಬು-ಕೀಲು, ಬಿಪಿ, ಶುಗರ್ ಹಾಗೂ ದಂತ ವೈದ್ಯಕೀಯಗಳ ತಪಾಸನೆ ಹಾಗೂ ಉಚಿತ ಓಷಧಿ ವಿತರಣೆ ಜರುಗಿತು. 

ನೂರಾರು ಸಂಖ್ಯೆಯಲ್ಲಿ ರೋಗಿಗಳು ಭಾಗವಹಿಸಿ ವೈದ್ಯಕೀಯ ತಪಾಸನೆಯನ್ನು ಪಡೆದುಕೊಂಡರು. ಚಿಕ್ಕಪ್ಪ ನಾಯಕ, ಸಂದೀಪ ಕುಲಕರ್ಣಿ, ಅಲ್ಲಪ್ಪಗೌಡ ಶಂಕ್ರಟ್ಟಿ, ಚಿನ್ನಪ್ಪ ಪೂಜೇರಿ, ಗಿರಿಯಪ್ಪ ಬಳಗಾರ, ಮಹಾದೇವ ಹಾದಿಮನಿ, ಸಿದ್ದು ಪಾಟೀಲ, ಸಂಜು ಚನ್ನಾಳ, ಜ್ಯೋತಪ್ಪ ಕಡಪಟ್ಟಿ, ಚೆನ್ನಪ್ಪ ಹಳ್ಳಿ, ಶ್ರೀಶೈಲ ಸನಟ್ಟಿ, ಹನಮಂತ ಹೊಸೂರ, ಗಂಗಪ್ಪ ಕುಂಬಾಳಿ, ಮಹಾಂತೇಶ ಬ್ರೂಕ್ಲಿ, ಸುರೇಶ ಗೋರಬಾಳ, ಮಹಾಲಿಂಗಪ್ಪ ಕೊಣ್ಣೂರ, ನಾಗಪ್ಪ ಹುಣಸಿಕಟ್ಟಿ ವೇದಿಕೆ ಮೇಲೆ ಉಪಸ್ಥಿತರಿದ್ದರು. ಮಲ್ಲಪ್ಪ ಹೊಸಪೇಟೆ ನಿರೂಪಿಸಿದರು, ಪತ್ರಕರ್ತರ ರಾಘವೇಂದ್ರ ನೀಲನ್ನವರ ಸ್ವಾಗತಿಸಿ, ವಂದಿಸಿದರು.