ರಬಕವಿ-ಬನಹಟ್ಟಿ 28: ತಾಲೂಕಿನ ಮಹಾಲಿಂಗಪುರದ ಪತ್ರಕರ್ತ ಲಕ್ಷ್ಮಣ ಭೀ. ಕಿಶೋರ ಅವರಿಗೆ 77 ನೇ ಗಣರಾಜ್ಯೋತ್ಸವದ ಅಂಗವಾಗಿ ಪತ್ರಿಕಾರಂಗದಲ್ಲಿ ಸಲ್ಲಿಸಿದ ಸೇವೆಯನ್ನು ಪರಿಗಣಿಸಿ ಪ್ರಶಸ್ತಿ ನೀಡಿಗೌರವಿಸಲಾಗಿದೆ. 

ರಬಕವಿಯ ಚಿಕ್ಕೋಡಿ ಮೈದಾನದಲ್ಲಿ ತಾಲೂಕಾ ಆಡಳಿತದಿಂದ ನಡೆದ ಸಮಾರಂಭದಲ್ಲಿ ಶಾಸಕ ಸಿದ್ದು ಸವದಿ ಪ್ರಶಸ್ತಿ ಪ್ರದಾನ ಮಾಡಿದರು. ಕಳೆದ 30 ವರ್ಷಗಳಿಂದ ಸಾಮಾಜಿಕ, ಸಾಂಸ್ಕೃತಿಕ ಹಾಗೂ ಪತ್ರಿಕಾರಂಗದಲ್ಲಿ ಸೇವೆ ಸಲ್ಲಿಸಿರುವ ಕಿಶೋರ ಅತ್ಯುತ್ತಮ   ಕ್ರೀಡಾಪಟುವಾಗಿದ್ದಾರೆ. ಲಕ್ಷ್ಮಣರವರನ್ನು ಮಹಾಲಿಂಗಪುರದ ವಿವಿಧ ಸಂಘಟನೆಗಳ ಪದಾಧಿಕಾರಿಗಳು ಅಭಿನಂದಿಸಿದ್ದಾರೆ.