ರಾಣೆಬೆನ್ನೂರು : 31 ರಾಜಸ್ಥಾನದ ಗಂಗಾ ನಗರದಲ್ಲಿ 14ನೇ  ರಾಷ್ಟ್ರೀಯ ಅಂದರ ಜೋಡೋ ಚಾಂಪಿಯನ್ಶಿಪ್ -2025 ಇತ್ತೀಚೆಗೆ ನಡೆಯಿತು.   ಸದರಿ ಕ್ರೀಡಾಕೂಟದಲ್ಲಿ ನಗರದ ಸ್ನೇಹ ದೀಪ ಅಂದ ಹಾಗೂ ಅಂಗವಿಕಲರ ಸಂಸ್ಥೆಯ ವಿದ್ಯಾರ್ಥಿಗಳು ಕರ್ನಾಟಕದಿಂದ ಪ್ರತಿನಿಧಿಸಿದ್ದರು. ಮಹಿಳೆಯರ ಮತ್ತು ಪುರುಷರ ಸಬ್ ಜೂನಿಯರ್ -30 ಕೆ.ಜಿ.  ವಿಭಾಗದಲ್ಲಿ ಹೆಚ್  ವಂಶಿ- ಮತ್ತು ಸಂಜನಾ ಜಿ. ಹುಲ್ಲಣ್ಣನವರ ಪ್ರಥಮ ಸ್ಥಾನ ಗಳಿಸಿ  ಚಿನ್ನದ  ಪದಕ ಪಡೆಡಿದ್ದಾರೆ. ಹಾಗೂ 45 ಕೆ.ಜಿ. (ಮಹಿಳೆಯರ)- ಕು. ಲತಾ ಫಕ್ಕೀರ​‍್ಪ ಹರಿಜನ ತೃತೀಯ ಸ್ಥಾನದಲ್ಲಿ  ಕಂಚಿನ ಪದಕ ಪಡೆದಿದ್ದಾರೆ.  ಮತ್ತು 70 ಕೆಜಿ, ಸಂಜಯಕುಮಾರ್ ಎಂ. ಮಿರ್ಜಿ, ತೃತಿಯ ಸ್ಥಾನ, ( ಕಂಚಿನ ಪದಕ ) ಗಳಿಸಿ ಶಾಲೆಗೆ ಮತ್ತು ಜಿಲ್ಲೆಗೆ ಮತ್ತು ನಾಡಿಗೆ ಕೀರ್ತಿ ತಂದಿದ್ದಾರೆ.

ಸಾಧಕ ವಿದ್ಯಾರ್ಥಿಗಳು ನಗರಕ್ಕೆ ಆಗಮಿಸುತ್ತಿದ್ದಂತೆ, ಭವ್ಯ ಸ್ವಾಗತವನ್ನು ನೀಡಿದ ಗಣ್ಯರು ಮೆರವಣಿಗೆ ನಡೆಸಿ ಸಂಭ್ರಮಿಸಿ, ಅಭಿನಂದಿಸಿದರು. ಕಾರ್ಯಕ್ರಮದಲ್ಲಿ ಮಾಜಿ ಶಾಸಕ ಅರುಣಕುಮಾರ ಪೂಜಾರ, ನಗರ ಯೋಜನಾ ಪ್ರಾಧಿಕಾರದ ಅಧ್ಯಕ್ಷ ವೀರೇಶ್ ಮೋಟಗಿ, ಗಣ್ಯರಾದ ಸುಧೀರ್ ಕುರುವತ್ತಿ, ವಿದ್ಯಾ ಕುರುವತ್ತಿ, ಡಾ. ಗೀರೀಶ್ ಕೆಂಚಪ್ಪನವರ, ವಸಂತಾ ಹುಲ್ಲತ್ತಿ, ಕೆ.ಸಿ. ಕೋಮಲಾಚಾರ, ಸ್ವಪ್ನ ಬತ್ತದ,, ಡಾ. ದೀಪಾಲಿ ಪುನಿತ, ಪರಮೇಶಪ್ಪ ಮುದಿಗೌಡ್ರ, ಗೀರೀಶ್ ಬುಡ್ಡನಗೌಡ್ರ, ಮಂಜುನಾಥ ಮುದ್ದಿ ಯವರ, ಉಪಸ್ಥಿತರಿದ್ದರು. ಸಾಧಕ ವಿದ್ಯಾರ್ಥಿಗಳು ಮತ್ತು ದಾನಿಗಳಿಗೂ ಸಂಸ್ಥೆಯ ಧರ್ಮದರ್ಶಿಗಳಾದ ಡಾ. ಪಾಲ್ ಮುದ್ದಾ, ಹಾಗೂ ಕೆ.ಜಿ. ಮೋಹನ್ ಮತ್ತು ಶಿಕ್ಷಕರು ಆಡಳಿತ ಮಂಡಳಿ ಸದಸ್ಯರು ಹಾರ್ದಿಕವಾಗಿ ಅಭಿನಂದಿಸಿದ್ದಾರೆ.