ಕೊಪ್ಪಳ 28: ಪಕ್ಕದ ವಿಜಯನಗರ ಜಿಲ್ಲೆ ಹೊಸಪೇಟೆ ನಗರದ ಅಂಜುಮನ್ ಶಾದಿ ಮಹಲ್ ಸಭಾಭವನದಲ್ಲಿ .ಶೈಕ್ಷಣಿಕ ವಿದ್ಯಾಭ್ಯಾಸ ಮತ್ತು ಸಂಶೋಧನೆಯ ಸಂಯೋಜನೆಯನ್ನು ಉತ್ತೇಜಿಸುವುದಕ್ಕಾಗಿ ಹೊಸಪೇಟೆ ಅಂತರ-ಶಾಲಾ ವಿಜ್ಞಾನ ಮೇಳವನ್ನು  ದಿ 29ರ ಶನಿವಾರ ಬೆಳಿಗ್ಗೆ ಹಮ್ಮಿಕೊಳ್ಳಲಾಗಿದೆ.ಸದರಿ ಮೇಳದಲ್ಲಿ ಉಪಕುಲಪತಿ ಡಾ, ಸಂಗಮೇಶ್ ಪಾಟೀಲ್ ವಿಜಯನಗರ ಜಿಲ್ಲಾ ಪಂಚಾಯತ್ ಸಿಇಓ ಏನ್ ಮಹಮ್ಮದ್ ಅಲಿ ಅಕ್ರಮ ಶಹಾ, ಪ್ರಾಧಿಕಾರದ ಅಧ್ಯಕ್ಷ ಹೆಚ್ ಏನ್ ಎಫ್ ಇಮಾಮ್ ನಿಯಾಜಿ, ಬಿಇಒ ಶೇಖರ್ ಹೊರಪೇಟೆ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಎಸ್ ಜಾನವಿ ರವರು ವಿಶೇಷ ಆಮಂತ್ರಿತರಾಗಿ  ಪಾಲ್ಗೊಳ್ಳಲಿದ್ದಾರೆ,

               ಈ ವಿಜ್ಞಾನ ಮೇಳವು ಸಂಶೋಧನೆ ಆಧಾರಿತ ಶಿಕ್ಷಣಕ್ಕೆ ಒತ್ತು ನೀಡಲು ಹಾಗೂ ವಿದ್ಯಾರ್ಥಿಗಳಲ್ಲಿ ವೈಜ್ಞಾನಿಕ ಮನೋಭಾವ ಬೆಳೆಸಲು ಆಯೋಜಿಸಲಾಗಿದ್ದು, ಮ್ಯಾನೇಜಿಂಗ್ ಕಮಿಟಿ, ಮಸ್ಕಿದ್‌-ಎ-ತಯ್ಯಬಾ ವತಿಯಿಂದ ಎ.ಜೆ. ಅಕಾಡೆಮಿ ಫಾರ್ ರಿಸರ್ಚ್‌ ಅಂಡ್ ಡೆವಲಪ್ಮೆಂಟ್ ಇವರ ಸಹಯೋಗದಲ್ಲಿ ನಡೆಯಲಿದೆ. ಈ ಮೇಳದಲ್ಲಿ, 4 ರಿಂದ 10ನೇ ತರಗತಿಯ ವಿದ್ಯಾರ್ಥಿಗಳು ಭಾಗವಹಿಸುವವರುಎಂದು ಕಾರ್ಯಕ್ರಮ ಸಂಘಟಕರುಗಳಾದ ಹೊಸಪೇಟೆಯ ಮಸ್ಜಿದೆ ತೈಯಬಾ ಆಡಳಿತ ಮಂಡಳಿಯ ಕಾರ್ಯದರ್ಶಿ ಅವರು ಪ್ರಕಟಣೆಯಲ್ಲಿ ತಿಳಿಸಿ ಸರ್ವರನ್ನು ಸ್ವಾಗತಿಸಿದ್ದಾರೆ.