ಅಂಬೇಡ್ಕರ ವೃತ್ತದಿಂದ ನೂರಾರು ಕೂಲಿ ಕಾರ್ಮಿಕರು ಘೋಷಣೆಗಳನ್ನು ಕೂಗುತ್ತಾ ತಾಲ್ಲೂಕು ಪಂಚಾಯತ ಕಾರ್ಯಾಲಯದ ಎದುರು ಆಗಮಿಸಿ ಪ್ರತಿಭಟನೆ   

ಬೀಳಗಿ 30 :  ಸುಮಾರು ಎರಡ ಮೂರು ತಿಂಗಳಿಂದ ಬೀಳಗಿ ತಾಲ್ಲೂಕಿನ 9 ಗ್ರಾಮ ಪಂಚಾಯತಿಗಳಲ್ಲಿ ಅಭಿವೃದ್ಧಿ ಅಧಿಕಾರಿಗಳು ಕೂಲಿ ಕಾರ್ಮಿಕರಿಗೆ ಕೆಲಸ ನೀಡದೆ ಸತಾಯಿಸುತ್ತಿದ್ದಾರೆ ಮತ್ತು ಜಾಬ್ ಕಾರ್ಡ್‌ಗಳನ್ನು ಸರಿಯಾಗಿ ಮಾಡಿಕೊಡುತ್ತಿಲ್ಲ ಎಂದು ಗ್ರಾಮೀಣ ಕೂಲಿ ಕಾರ್ಮಿಕ ಸಂಘದ ಜಿಲ್ಲಾ ಸಂಚಾಲಕ ಮಾಹಾಂತೇಶ ಹೊಸಮನಿ ಹೇಳಿದರು. 

ಪಟ್ಟಣದ ಅಂಬೇಡ್ಕರ ವೃತ್ತದಿಂದ ನೂರಾರು ಕೂಲಿ ಕಾರ್ಮಿಕರು ಘೋಷಣೆಗಳನ್ನು ಕೂಗುತ್ತಾ ತಾಲ್ಲೂಕು ಪಂಚಾಯತ ಕಾರ್ಯಾಲಯದ ಎದುರು ಆಗಮಿಸಿ  ಸಾಯಂಕಾಲ 5 ಗಂಟೆಯವರೆಗೆ ನಡೆದ ಪ್ರತಿಭಟನೆ ಉದ್ದೇಶಿಸಿ ಮಾತನಾಡಿದರು.  

ನಾಗರಾಳ,ಕಂದಗಲ್ಲ, ತೆಗ್ಗಿ,ಕಾತರಕಿ,ಜಾನಮಟ್ಟಿ,ಅರಕೇರಿ,ಅನಗವಾಡಿ,ಹೊನ್ನಿಹಾಳ,ಹೆರಕಲ್ಲ ಗ್ರಾಮ ಪಂಚಾಯತ ಅಭಿವೃದ್ಧಿ ಅಧಿಕಾರಿಗಳ ನಿರ್ಲಕ್ಷ್ಯ ದೊರಣೆ ಕೂಲಿ ಕಾರ್ಮಿಕರನ್ನು  ಸಮಸ್ಯೆಗಳ ಸಂಕೊಲೆಗೆ ನೂಕಿದೆ  

ಕೆಲವು ಪಂಚಾಯಿತಿಗಳಲ್ಲಿ ಉದ್ಯೋಗ ಖಾತ್ರಿ ಕೆಲಸ ನೀಡಿದರು ಅಳತೆಯಲ್ಲಿ ಮೊಸಮಾಡಿ ಕಡಿಮೆ ಕೂಲಿ ಹಾಕುವ ಕೂಲಿ ಕಳ್ಳರು ಎಂದು ಕೂಲಿಕಾರ್ಮಿಕರು ನೇರವಾಗಿ ಪಿಡಿಒಗಳ ಮೇಲೆ ಆರೋಪಿಸಿದರು.ಕೂಲಿ ಕಾರ್ಮಿಕರ ಸಂಘಟನೆಯ ಕಾರ್ಯಕರ್ತೆ ಸುರೇಖಾ ತೆಗ್ಗಿ ಮಾತನಾಡಿ ನಾವು ಇಲ್ಲಿಯವರೆಗೆ ಹಲವಾರು ಬಾರಿ ತಾಲ್ಲೂಕು  ಅಧಿಕಾರಿಗಳಿಗೆ ಮನವಿ ಸಲ್ಲಿಸಿದರು ಅವುಗಳಿಗೆ ಪ್ರಾಮುಖ್ಯತೆ ನೀಡದೆ ಕಸದ ಬುಟ್ಟಿಗೆ ಎಸೆದಿದ್ದಾರೆ ಈಗ 10 ದಿನಗಳಲ್ಲಿ ನಿಮ್ಮ ಎಲ್ಲಾ ಸಮಸ್ಯೆಗಳನ್ನು ಬಗೆಹರಿಸುತ್ತೆನೆ ಎಂದು ಲಿಖಿತವಾಗಿ ಪತ್ರವನ್ನು ನೀಡಿದ್ದಾರೆ ಬರುವ 10 ದಿನಗಳಲ್ಲಿ ನಮ್ಮ ಸಮಸ್ಯಗಳಿಗೆ ಸ್ಪಂದಿಸದಿದ್ದರೆ ಸಾವಿರಾರು ಜನರು ಕೂಡಿ ಉಗ್ರ ಹೋರಾಟ ಮಾಡುತ್ತವೆ ಎಂದು ಎಚ್ಚರಿಸಿದರು. 

ತಾ.ಪಂ. ಕಾರ್ಯನಿರ್ವಾಹಕ ಅಧಿಕಾರಿ ಅಭಯಕುಮಾರ ಮೊರಭ ಮಾತನಾಡಿ ಒಂಬತ್ತು ಜನ ಗ್ರಾಮ ಪಂಚಾಯತಿಗಳಲ್ಲಿ ಅಭಿವೃದ್ಧಿ ಅಧಿಕಾರಿಗಳಿಂದ ಒಂಬತ್ತು ಗ್ರಾ.ಪಂ.ಗಳಲ್ಲಿನ ತಾವು ನೀಡಿರುವ ಸಮಸ್ಯೆಗಳನ್ನು ಬಗೆಹರಿಸುವಂತೆ ಸುಚಿಸಿದ್ದು ಲಿಖಿತ ರೂಪದಲ್ಲಿ ತೆಗೆದುಕೊಂಡಿದ್ದೆನೆ ಅಲ್ಲದೆ ನಾವು ಕೂಡಾ ಈ ಗ್ರಾ.ಪಂ.ಅಧಿಕಾರಿಗಳು ನೀಡಿರುವ ಇನ್ನು ಹತ್ತು ದಿನಗಳಲ್ಲಿ ತಾವುಗಳು ನೀಡಿರುವ ಎಲ್ಲ ಸಮಸ್ಯೆಗಳಿಗೆ ಪರಿಹಾರ ನೀಡಲಾಗುತ್ತದೆ ಎಂದು ಹೇಳಿ ಒಂಬತ್ತು ಗ್ರಾ.ಪಂ. ಅಧೀಕಾರಿಗಳಿಗೆ ಮತ್ತು ಡಿ.ಓ ಗಳಿಗೆ ಪಂಚಾಯತಿಗೆ ಆಗಮಿಸಿದ ಸಾರ್ವಜನಿಕರೊಂದಿಗೆ ಸಭ್ಯತೆಯಿಂದ ನಡೆದುಕೊಳ್ಳಿ ಅವರು ನಮ್ಮ ಗುಲಾಮರಲ್ಲ ನಾವೆಲ್ಲ ಇರುದೇ ಅವರ ಸೇವೆಗೆ ಎಂದು ಎಚ್ಚರಿಸಿದರು.ಬಾಕ್ಸ್‌ : ಕೂಲಿ ಕಾರ್ಮಿಕರ ಬೇಡಿಕೆಗಳು 

ಜಾಬ್ ಕಾರ್ಡ ಸೂಕ್ತ ಸಮಯಕ್ಕೆ ನೀಡಬೇಕು. 

ಅಧಿಕಾರಿಗಳು ಕೂಲಿ ಕಾರ್ಮಿಕರ ಸಮಸ್ಯಗಳಿಗೆ ಸ್ಪಂದಿಸಬೇಕು.ಸಂದರ್ಭದಲ್ಲಿ ಸಕ್ಕು ಪುಚಗುಂಡಿ,ರವಿ ತೆಗ್ಗಿ,ಅಂಜನಾ ಗೂಡನ್ನವರ,ಶಿಲ್ಪಾ ಗೂಡನ್ನವರ,ಈರಮ್ಮ ತಳವಾರ,ರವೀಂದ್ರ ಕಾಡನ್ನವರ  ಪ್ರತಿಭಟನೆಯಲ್ಲಿ ಭಾಗವಹಿಸಿದ್ದರು.