ನೂರು ದಿನಗಳ ಕ್ಷಯ ರೋಗ ಮುಕ್ತ ಭಾರತ ಅಭಿಯಾನ

ಧಾರವಾಡ 30 : ನಿ-ಕ್ಷಯ ಅಭಿಯಾನ ಎಂಬ ಕಾರ್ಯಕ್ರಮವನ್ನು ಭಾರತ ಸರ್ಕಾರದ ಆಯುಷ್ ಮಂತ್ರಾಲಯವು ದೇಶದಾದ್ಯಂತ ಡಿಸೆಂಬರ 07,  2024 ರಿಂದ  ಮಾರ್ಚ್‌ 24, 2025 ರವರೆಗೆ ನೂರು ದಿನಗಳ ಅವಧಿಗೆ ಕ್ಷಯ ರೋಗ ಮುಕ್ತ ಭಾರತ ಎಂಬ ಘೋಷ ವಾಕ್ಯದೊಂದಿಗೆ ಅಭಿಯಾನವನ್ನು ಆಯೋಜಿಸಲಾಗಿದೆ. 

ಜಾತಾ ಕಾರ್ಯಕ್ರಮವನ್ನು ಆಯುಷ್ ಇಲಾಖೆಯಿಂದ ಧಾರವಾಡ ಹಳ್ಳಿಯಾಳ ರಸ್ತೆಯ ಶ್ರೀ ಮಹಾಗಣಪತಿ ಆಯುರ್ವೇದ ಮಹಾವಿದ್ಯಾಲಯದಲ್ಲಿ ಇಂದು (ಜ.30) ಬೆಳಿಗ್ಗೆ 10 ಘಂಟೆಗೆ ನಿ-ಕ್ಷಯ ಅಭಿಯಾನವನ್ನು  ಹಮ್ಮಿಕೊಳ್ಳಲಾಗಿತ್ತು. 

ಕಾರ್ಯಕ್ರಮದಲ್ಲಿ ಜಿಲ್ಲಾ ಆಯುಷ್ ಅಧಿಕಾರಿ ಡಾ. ಗಣೇಶ ಕಬಾಡ ಅವರು  ಅಧ್ಯಕ್ಷತೆ ವಹಿಸಿ, ಜಾತಾ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಧಾರವಾಡ ಹಳ್ಳಿಯಾಳ ರಸ್ತೆಯ ಶ್ರೀ ಮಹಾಗಣಪತಿ ಆಯುರ್ವೇದ ಮಹಾವಿದ್ಯಾಲಯ ಪ್ರಾಂಶುಪಾಲ ಡಾ.ತಗ್ಗಿ ಅವರು  ಟಿಬಿ ಹರೇಗಾ ದೇಶ ಜಿತೇಗಾ ಎಂಬ ಪ್ರತಿಜ್ಞೆ ಕುರಿತಾಗಿ ಮಾತನಾಡಿದರು.  

ಜಾತಾ ಕಾರ್ಯಕ್ರಮದಲ್ಲಿ ಅಧಿಕಾರಿಗಳು, ಸಿಬ್ಬಂದಿಯವರು ಮತ್ತು ಮಹಾವಿದ್ಯಾಲಯದ ಎಲ್ಲ ವಿದ್ಯಾರ್ಥಿಗಳು ಮತ್ತು ಎ.ಎಫ್‌.ಐ. ರಾಜ್ಯ ಉಪಾಧ್ಯಕ್ಷ ಡಾ.ಅಮೀತ ಮತ್ತು ಎ.ಎಫ್‌.ಐ ಜಿಲ್ಲಾಧ್ಯಕ್ಷ ಡಾ. ರವೀಂದ್ರ ವಾಯ್‌. ಮಾಂಡ್ರೆ, ಧಾರವಾಡ  ಎ.ಎಫ್‌.ಐ ಹಾಗೂ ಧಾರವಾಡ ಜಿಲ್ಲೆಯ ಆಯುಷ್ ಇಲಾಖೆಯ ಹಿರಿಯ ವೈದ್ಯಾಧಿಕಾರಿಗಳು ಭಾಗವಹಿಸಿದ್ದರು.