ಗೃಹ ಸಚಿವ ಅಮಿತ್ ಶಾ ತಕ್ಷಣ ಕ್ಷಮೆ ಕೇಳಬೇಕು: ಪ್ರಕಾಶ ಬಡೆಣ್ಣವರ

ಶಿರಹಟ್ಟಿ 24 : ಸಂವಿಧಾನ ಶಿಲ್ಪಿ ಡಾ. ಬಿ.ಆರ್‌.ಅಂಬೇಡ್ಕರ್ ಕುರಿತು ಕೇಂದ್ರ ಗೃಹ ಸಚಿವ ಅಮಿತ್ ಶಾ ನೀಡಿದ್ದ ಅವಹೇಳನಾ ಹೇಳಿಕೆಯನ್ನು ಖಂಡಿಸಿ ಶಿರಹಟ್ಟಿ ಪಟ್ಟಣದ ನೆಹರು ವೃತ್ತದಲ್ಲಿ ತಾಲೂಕಾ ಎಸ್‌ಡಿಪಿಐ ಕಾರ್ಯಕರ್ತರು ದೀಡೀರನೆ ಪ್ರತಿಭಟನೆಗೆ ಮುಂದಾದರು.ಈ ಸಂದರ್ಭದಲ್ಲಿ ಎಸ್‌ಡಿಪಿಐ ಮುಖಂಡ ಪ್ರಕಾಶ್ ಬಡೆಣ್ಣವರ ಮಾತನಾಡಿ, ಇಡೀ ರಾಷ್ಟ್ರಕ್ಕೆ ಸಂವಿಧಾನವನ್ನು ನೀಡಿದ ಸಂವಿಧಾನ ಪಿತಾಮಹ ಡಾ. ಬಾಬಾ ಸಾಹೇಬ್ ಅಂಬೇಡ್ಕರ್ ಅವರ ಬಗ್ಗೆ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಮಾತನಾಡಿದ ಮಾತುಗಳು ನಮ್ಮೆಲ್ಲರಿಗೂ ಬಹಳ ನೋವನ್ನುಂಟು ಮಾಡಿದೆ, ತಕ್ಷಣವೇ ಗೃಹ ಸಚಿವ ಅಮಿತ್ ಶಾ ಅವರು ಕ್ಷಮೆ ಯಾಚಿಸಬೇಕು. ಇಲ್ಲವಾದಲ್ಲಿ ರಾಷ್ಟ್ರ ವ್ಯಾಪಿ ಪ್ರತಿಭಟನೆಗೆ ಮುಂದಾಗಬೇಕಾಗುತ್ತದೆ ಎಂದು ಕೇಂದ್ರ ಸರ್ಕಾರಕ್ಕೆ ಎಚ್ಚರಿಕೆ ನೀಡಿದರು.ವಕೀಲರಾದ ಎಎ ಬೇವಿನಮರದ, ಅಬ್ದುಲ್ ಕಾಗದಗಾರ, ಹಜರತಲಿ ತಹಸೀಲ್ದಾರ, ಸಯ್ಯದ್ ಮಂಡಳ, ಇಸ್ಮಾಯಿಲ್ ನದಾಫ, ದಸ್ತಗೀರ ಜಂಗಿ, ಇಜಾಜ್ ಮುಕಾನದಾರ, ಮಂಜುನಾಥ ಗುಡಿಮನಿ, ಗೌಸ್ ಮಕಾನದಾರ, ಇಮಾಮಹುಸೇನ ಹಮ್ಮಗಿ, ಮಿನಾಜ ಬಳಿಗೇರ, ಬಾಬುಸಾಬ ಢಾಲಾಯುತ, ಬಾಬುಸಾಬ ಕನಕವಾಡ ಸೇರಿದಂತೆ ನೂರಾರು ಎಸ್ ಡಿ ಪಿ ಐ ಕಾರ್ಯಕರ್ತರು ಭಾಗವಹಿಸಿದ್ದರು.