ಹಾವೇರಿ 02 : ನಗರದ ಮುನ್ಸಿಪಲ್ ಹೈಸ್ಕೂಲ್ ಮೈದಾನದಲ್ಲಿ ದಿ, 08 ರಂದು ಸಂಜೆ 5 ಘಂಟೆಗೆ ಹಿಂದೂ ಸಮ್ಮೇಳನ ಸಮಿತಿ, ಹಾವೇರಿ ವತಿಯಿಂದ ಹಿಂದೂ ಸಮಾಜೋತ್ಸವ ಕಾರ್ಯಕ್ರಮ ಜರುಗಲಿದೆ ಹೆಚ್ಚಿನ ಸಂಖ್ಯೆಯಲ್ಲಿ ಹಿಂದೂ ಸಮಾಜದವರು ಪಾಲ್ಗೊಳಬೇಕೆಂದು ಸಂಘಟನೆಯ ಮುಖಂಡರಾದ ಎಸ್‌.ಪಿ .ಹೊಸಮನಿ ಹೇಳಿದರು. ಇಲ್ಲಿನ ಬಸವೇಶ್ವರ ನಗರದಲ್ಲಿ ಮನೆ ಮನೆಗೆ ಕರಪತ್ರ ವಿತರಣಾ ಕಾರ್ಯಕ್ರಮದಲ್ಲಿ ಭಾಗಿಯಾಗಿ ಅವರು ಮಾತನಾಡಿದರು. ಹಿಂದೂ ಧರ್ಮ ಜಾಗೃತಿ ಕಾರ್ಯಕ್ರಮಯಾಗಿದ್ದು, ಸಂಘಟನಾತ್ಮಕವಾಗಿ ಜಾಗೃತಿ ಮೂಡಿಸುವ ಕೆಲಸ ಮಾಡಲು ಹಿಂದೂ ಸಮಾಜೋತ್ಸವ ಕಾರ್ಯಕ್ರಮ ಜರುಗುವುದು. ಅಂದು ಮಧ್ಯಾಹ್ನ 2:30 ಘಂಟೆಗೆ ಹುಕ್ಕೇರಿಮಠದಿಂದ ಶೋಭಾಯಾತ್ರೆ ಪ್ರಾರಂಭವಾಗಿ ವಿವಿಧ ಕಲಾತಂಡ,ಮಾತೆಯರಿಂದ ಪೂರ್ಣ ಕುಂಭ, ವೇಷಭೂಷಣದೊಂದಿಗೆ ನಗರದ ಪ್ರಮುಖ ಬೀದಿಗಳಲ್ಲಿ ಸಂಚರಿಸಿ 5 ಘಂಟೆಗೆ ಮಗರದ ಮುನ್ಸಿಪಲ್ ಮೈದಾನ ತಲುಪುವುದು. 

ಈ ಕಾರ್ಯಕ್ರಮದಲ್ಲಿ ಹುಕ್ಕೇರಿಮಠದ ಸದಾಶಿವ ಮಹಾಸ್ವಾಮಿಗಳು, ಹೊಸಮಠದ ಬಸವಶಾಂತಲಿಂಗ ಸ್ವಾಮಿಗಳು,  ಗುರುಪಾದದೇವರಮಠದ ಷ.ಬ್ರ.ಶಿವಯೋಗಿ ಶಿವಾಚಾರ್ಯರು, ಹರಸೂರ ಬಣ್ಣದಮಠದ  ಷ.ಬ್ರ.ಅಭಿನವರುದ್ರ ಚನ್ನಮಲ್ಲಿಕಾರ್ಜುನ ಮಹಾಸ್ವಾಮಿಗಳು, ಹಿಂದೂ ಸಮ್ಮೇಳನ ಸಮಿತಿಯ ಗೌರವಾಧ್ಯಕ್ಷರಾದ ಆರ್‌.ಎಸ್ ಮಾಗನೂರ, ಅಧ್ಯಕ್ಷರಾದ ವಿಜಯಕುಮಾರ ಗೊಡಚಿ, ವಕ್ತಾರರು, ಸಾಮಾಜಿಕ ಕಾರ್ಯಕರ್ತರಾದ ಹನುಮಂತ ಮಳಲಿ ಸೇರಿದಂತೆ ಅನೇಕ ಪಾಲ್ಗೊಳ್ಳುವರು. ಹಿಂದೂ ಸಮಾಜೋತ್ಸವ ಕಾರ್ಯಕ್ರಮಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ಹಿಂದೂ ಸಮಾಜದ ಬಾಂಧವರು ಆಗಮಿಸಿ ಯಶಸ್ವಿಗೊಳಿಸಬೇಕೆಂದು ಎಸ್‌.ಸಿ.ಹೊಸಮನಿ ಅವರು ಹೇಳಿದರು.ಈ ಸಂದರ್ಭದಲ್ಲಿ ಡಾ. ವಿಜಯಕುಮಾರ ಬಳಿಗಾರ, ಶಿವಬಸವ ಹೊನ್ನಳ್ಳಿ, ಮಹಾನಸ್ವಾಮಿ ಬ್ಯಾಟಿಮಠ, ಗೋಂವಿದ ಕಂಡೆವಾಲ್ ,ಲತಾ ಹೊರಡಿ,ಕಾವ್ಯಾ ಅಂಗಡಿ, ಶಿವಯೋಗಿ ಹುಲಿಕಂತಿಮಠ, ಜೆ ಎಸ್ ಬಣಕಾರ ಸೇರಿದಂತೆ ಅನೇಕರಿದ್ದರು.