ಹನುಮಸಾಗರ 08 :  ರೇಣುಕಾ ಕ್ಲಿನಿಕ್, ಹನುಮಸಾಗರ ಹಾಗೂ ಗೊಂಬಿ ತಾಯಿ ಮತ್ತು ಮಕ್ಕಳ ಆಸ್ಪತ್ರೆ, ಇಲಕಲ್ ಇವರ ಸಂಯುಕ್ತ ಆಶ್ರಯದಲ್ಲಿ ಫೆಬ್ರವರಿ 8ರಂದು ಆಯೋಜಿಸಿದ್ದ ಚಿಕ್ಕ ಮಕ್ಕಳ ಉಚಿತ ಆರೋಗ್ಯ ತಪಾಸಣಾ ಶಿಬಿರ ಯಶಸ್ವಿಯಾಗಿ ನೆರವೇರಿತು. 0ರಿಂದ 18 ವರ್ಷದೊಳಗಿನ ಅನೇಕ ಮಕ್ಕಳಿಗೆ ಉಚಿತ ತಪಾಸಣೆ ಮತ್ತು ವೈದ್ಯಕೀಯ ಸಲಹೆ ನೀಡಲಾಯಿತು. ನವಜಾತ ಶಿಶು ಮತ್ತು ಚಿಕ್ಕ ಮಕ್ಕಳ ತಜ್ಞರಾದ ಡಾ. ಕೇದಾರ ಗೊಂಬಿ ಹಾಗೂ ಜನರಲ್ ಮತ್ತು ಫ್ಯಾಮಿಲಿ ಫಿಜಿಶಿಯನ್ ಡಾ. ಸಂತೋಷಕುಮಾರ ಎಮ್ ಅವರು ಜ್ವರ, ಕೆಮ್ಮು, ಉಸಿರಾಟದ ಸಮಸ್ಯೆಗಳು, ಜೀರ್ಣಕ್ರಿಯೆಯ ತೊಂದರೆಗಳು, ಅಪೌಷ್ಟಿಕತೆ, ಅಲರ್ಜಿ ಸೇರಿದಂತೆ ವಿವಿಧ ಆರೋಗ್ಯ ಸಮಸ್ಯೆಗಳ ಪರೀಶೀಲನೆ ನಡೆಸಿ ಅಗತ್ಯ ಸಲಹೆ ನೀಡಿದರು.

ಜೊತೆಗೆ ಮಕ್ಕಳ ಬೆಳವಣಿಗೆ ಮತ್ತು ತೂಕ ಪರೀಕ್ಷೆಯೂ ಮಾಡಲಾಯಿತು.ಈ ಸಂದರ್ಭದಲ್ಲಿ ಮಾತನಾಡಿದ ಡಾ. ಕೇದಾರ ಗೊಂಬಿ, “ಮಕ್ಕಳಲ್ಲಿ ಸಾಮಾನ್ಯವಾಗಿ ಕಾಣಿಸುವ ಆರೋಗ್ಯ ಸಮಸ್ಯೆಗಳನ್ನು ಆರಂಭದಲ್ಲೇ ಗುರುತಿಸಿ ಚಿಕಿತ್ಸೆ ನೀಡುವುದು ಅತ್ಯಂತ ಮುಖ್ಯ. ಇಂತಹ ಉಚಿತ ಶಿಬಿರಗಳು ಗ್ರಾಮೀಣ ಭಾಗದ ಪೋಷಕರಿಗೆ ಬಹಳ ಸಹಾಯಕವಾಗುತ್ತವೆ,” ಎಂದು ಹೇಳಿದರು.ಡಾ. ಸಂತೋಷಕುಮಾರ ಎಮ್ ಅವರು, “ಪೋಷಕರು ಮಕ್ಕಳ ಆರೋಗ್ಯದ ಬಗ್ಗೆ ಹೆಚ್ಚಿನ ಜಾಗೃತಿ ಹೊಂದಬೇಕು. ನಿಯಮಿತ ತಪಾಸಣೆ ಮೂಲಕ ಅನೇಕ ಕಾಯಿಲೆಗಳನ್ನು ತಡೆಯಬಹುದು,” ಎಂದು ತಿಳಿಸಿದರು. ರಾಘವೇಂದ್ರರ ಬಸ್ವಾ, ಆಯೋಜಕರು. ರಾಘವೇಂದ್ರ ಬಸವಾ ಶ್ರೀ.ಅರುಣ್ ಬಸವಾ ಸಂದರ್ಶಕ ವೈದ್ಯರು.ಡಾಕ್ಟರ್‌. ಕೇದಾರ ಗೊಂಬಿ ಚಿಕ್ಕ ಮಕ್ಕಳ ತಜ್ಞರು.ಡಾಕ್ಟರ್‌. ಸಂತೋಷಕುಮಾರ್ ಎಂ. ಫ್ಯಾಮಿಲಿ ಫಿಜಿಶಿಯನ್‌ಇತರರು ಇದ್ದರು