ಯಮಕನಮರಡಿ, 22 : ಸಮೀಪದ ಹತ್ತರಿಗಿ ಮಾಜಿ ಗ್ರಾಮ ಪಂಚಾಯಿತಿ ಸದಸ್ಯ ಸುರೇಶ ಆಡಿನವರ ಇವರು ತಮ್ಮ ದಿನನಿತ್ಯ ಕಾಯಕವನ್ನು ಬಿಡದೆ ಕಾಯಕವೇ ಕೈಲಾಸ ಎಂಬುದನ್ನು ಸಾಬೀತು ಪಡಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಇವರು ಆರ್‌ಸಿ ಯಮಕನಮರಡಿ ಪುನರ್ ವಸತಿ ಕೇಂದ್ರದಲ್ಲಿ ಗ್ರಾಮ ಪಂಚಾಯತಿ ಸದಸ್ಯರಾಗಿ ಆಯ್ಕೆಯಾಗಿ ಜನಸೇವೆ ಮಾಡುವಲ್ಲಿ ಯಶಸ್ವಿ ಯಾಗುವ ಜೊತೆಗೆ ತಮ್ಮ ದಿನನಿತ್ಯ ಕಾಯಕವನ್ನು ಮುಂದುವರಿಸಿಕೊಂಡು ಹೋಗಿತ್ತಿರುವುದನ್ನು ಇಲ್ಲಿ ಸ್ಮರಿಸಬಹುದಾಗಿದೆ 12ನೇ ಶತಮಾನದಲ್ಲಿ ಬಸವಣ್ಣನವರು ಹೇಳಿದಂತೆ ಇವರು ಯಾವುದೇ ತರದ ಅಧಿಕಾರದಲ್ಲಿದ್ದರೂ ಸಹಿತ ತಮ್ಮ ಕಾಯಕವನ್ನು ಬಿಟ್ಟಿರುವುದಿಲ್ಲ ಇವರ ಕಾಯಕವು ಸಾರ್ವಜನಿಕರಲ್ಲಿ ಮಾದರಿಯದಂತಹಾಗಿದೆ ಇಂಥ ಜನಪ್ರತಿನಿಧಿಗಳು ಆಯ್ಕೆಯಾದಲ್ಲಿ ಗ್ರಾಮ ಪಂಚಾಯಿತಿಗಳು ಅಭಿವೃದ್ಧಿ ಆಗಲು ಸಾಧ್ಯವಾಗುತ್ತದೆ ಎಂದು ಹೇಳಲು ತಪ್ಪಾಗಲಾರದು.