ಮುಂಡಗೋಡ  28: ತಾಲ್ಲೂಕಿನ ಬಾಚಣಕಿ ಗ್ರಾಮದ ಅರಣ್ಯ ವೀಕ್ಷಕರಾದ ಗುತ್ತೇಪ್ಪ ಪಕೀರ​‍್ಪ ಗೊನೆನವರ ಅವರ ಮನೆಯ ಹತ್ತಿರ ದೊಡ್ಡ ಗಾತ್ರದ ಕೊಳಕು ಮಂಡಲ ಹಾವು ಹಾಗೂ ನಾಗರಹಾವು ಕಾಣಿಸಿಕೊಂಡ ಘಟನೆ ನಡೆದಿದೆ. ವಿಷಯ ತಿಳಿದ ಕೂಡಲೇ ಮುಂಡಗೋಡ ತಾಲೂಕಿನ ಗಸ್ತು ವನಪಾಲಕ ಮುತ್ತುರಾಜ್ ಹಳ್ಳಿ ಅವರು ಸ್ಥಳಕ್ಕೆ ಆಗಮಿಸಿ, ಎರಡೂ ವಿಷಕಾರಿ ಹಾವುಗಳನ್ನು ಯಾವುದೇ ಅಪಾಯವಾಗದಂತೆ ಸುರಕ್ಷಿತವಾಗಿ ಹಿಡಿದು ಅರಣ್ಯ ಪ್ರದೇಶಕ್ಕೆ ಬಿಡುವಲ್ಲಿ ಯಶಸ್ವಿಯಾದರು. ಒಂದೇ ಸ್ಥಳದಲ್ಲಿ ಎರಡು ವಿಭಿನ್ನ ವಿಜಾತಿಯ ವಿಷಕಾರಿ ಹಾವುಗಳು ಕಂಡುಬಂದಿರುವುದು ವಿಶೇಷವಾಗಿದ್ದು,  ಈ ಕಾರ್ಯಾಚರಣೆ ಅರಣ್ಯ ಇಲಾಖೆಯ ತ್ವರಿತ ಸ್ಪಂದನೆಗೆ ಉತ್ತಮ ಉದಾಹರಣೆಯಾಗಿದೆ.ಅಲ್ಲದೆ, ಸದರಿ ಮನೆಯ ಹತ್ತಿರ ಒಂದೇ ವಾರದ ಅವಧಿಯಲ್ಲಿ ಒಟ್ಟು ಐದು ವಿಷಕಾರಿ ಹಾವುಗಳನ್ನು ಅರಣ್ಯ ಇಲಾಖೆ ಸಿಬ್ಬಂದಿಗಳು ಸುರಕ್ಷಿತವಾಗಿ ರಕ್ಷಿಸಿರುವುದು ಗಮನಾರ್ಹ ಸಂಗತಿಯಾಗಿದೆ.