ಇಂಡಿ 28 :  ಪಿಎಂ ಕಿಸಾನ ಯೋಜನೆಯ ಸಹಾಯಧನ ಪಡೆಯಲು ರೈತರು ಫುಟ್ ತಂತ್ರಾಂಶದಲ್ಲಿ ನೊಂದಾಯಿಸುವದು ಹಾಗೂ ಫುಟ್ ನೊಂದಣಿ ಸಂಖ್ಯೆಗಳಿಗೆ ರೈತರ ಎಲ್ಲ ಭೂ ಹಿಡುವಳಿಗಳನ್ನು ಜೋಡಣೆ ಮಾಡಲು ತಿಳಿಸಿದ ಪ್ರಯುಕ್ತ ರಜಾ ದಿನವಾದ ಶನಿವಾರವೂ ಸಹ ಕೃಷಿ ಇಲಾಖೆಯ ಸಿಬ್ಬಂದಿಗಳು ಕಾರ್ಯ ಪ್ರವೃತ್ತರಾಗಿ, ನೋಂದಣಿ ಕಾರ್ಯದಲ್ಲಿ ತೊಡಗಿದ್ದನ್ನು ರೈತರು ಶ್ಲಾಘಿಸಿದ್ದಾರೆ. ನಗರದ ರೈತಸಂಪರ್ಕ ಕೇಂದ್ರದಲ್ಲಿ ಹಾಗೂ ಬಳ್ಳೊಳ್ಳಿ ರೈತ ಸಂಪರ್ಕ್‌ ಕೇಂದ್ರದಲ್ಲಿ ಕೇಂದ್ರದಲ್ಲಿ ಕಂಪ್ಯೂಟರ್ ಆಪರೇಟರ್ಗಳಾದ ಮನೋಜ ಪತ್ತಾರ, ಶ್ರೀಕಾಂತ ಚವ್ಹಾಣ, ಮಹಾಂತೇಶ ಮೇಲಿನಮನಿ ಹಾಗೂ ಬಳ್ಳೊಳ್ಳಿ ಕೃಷಿ ಆಪರೇಟರಗಳಾದ ಅಕ್ಬರ್ ಬರಡೋಲ ಸುನೀಲ ರಜಪೂತ ಮಂಜುನಾಥ ಘಂಟಿ ವಿಷ್ಣು ತಳವಾರ ಹಾಗೂ ಸಿಬ್ಬಂದಿಗಳು ಅಧಿಕಾರಿಗಳ ಮಾರ್ಗದರ್ಶನದ ಮೇರೆಗೆ ರೈತರ ಈ ಕೆವೈಸಿ ಮಾಡುತ್ತಿದ್ದಾರೆ. ರೈತರು ಫುಟ್ ಹಾಗೂ ಭೂಮಿ ದತ್ತಾಂಶಗಳನ್ನು ನಿಯಮಿತವಾಗಿ ನವಿಕರಿಸುವದು ಅವಶ್ಯವಾಗಿರುತ್ತದೆ.  ಇದರೊಂದಿಗೆ ಫುಟ್ ತಂತ್ರಾಂಶದಲ್ಲಿ ರೈತರ ಫೂಟ್ ಐಡಿ ಮತ್ತು ಸಹಮತಿ ಪತ್ರವನ್ನು ವಿದ್ಯುನ್ಮಾನ  ರೀತಿಯಲ್ಲಿ ತೆಗೆದುಕೊಳ್ಳುವದು ಕಡ್ಡಾಯವಾಗಿರುವುದರಿಂದ ಈ ನೋಂದಣಿ ಕಡ್ಡಾಯವಾಗಿದೆ ಎಂದು ಕೃಷಿ ಇಲಾಖೆಯ ಅಧಿಕಾರಿ ಮಹಾಂತೇಶ ಶಟ್ಟೆಣ್ಣನವರ ಹಾಗೂ ಬಳ್ಳೊಳ್ಳಿ ಕೃಷಿ ಇಲಾಖೆಯ ಅಧಿಕಾರಿ ಎನ್ ಎಮ್ ಹಿಟ್ನಳ್ಳಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.