ಕ್ಷಯರೋಗ ತಿಳುವಳಿಕೆ ಮತ್ತು ಸಿವೈ-ಟಿಬಿ ಪರೀಕ್ಷೆ ಆಂದೋಲನಕ್ಕೆ ಚಾಲನೆ 

ಕ್ಷಯರೋಗ ತಡೆಗೆ ಸಮನ್ವಯದಿಂದ ಕಾರ್ಯನಿರ್ವಹಿಸಿ-ಶಾಸಕ ರುದ್ರ​‍್ಪ ಲಮಾಣಿ 

ಹಾವೇರಿ 07:  ಕ್ಷಯರೋಗ ಬರದಂತೆ ತೆಡೆಯುವುದು ಅಗತ್ಯವಾಗಿದ್ದು, ಕ್ಷಯ  ತಡೆಗೆ ಎಲ್ಲರೂ ಸಮನ್ವಯದಿಂದ ಕಾರ್ಯನಿರ್ವಹಿಸಬೇಕು ಹಾಗೂ ಸಾರ್ವಜನಿಕರಿಗೆ ಹೆಚ್ಚಿನ ತಿಳುವಳಿಕೆ ನೀಡಬೇಕು ಎಂದು ಶಾಸಕರು ಹಾಗೂ ವಿಧಾನಸಭೆ ಉಪ ಸಭಾಧ್ಯಕ್ಷರಾದ ರುದ್ರ​‍್ಪ ಮಾನಪ್ಪ ಲಮಾಣಿ ಅವರು ಹೇಳಿದರು. 

ನಗರದ ಜಿಲ್ಲಾ ಆರೋಗ್ಯ ಭವನದಲ್ಲಿ ಶನಿವಾರ ಡಿಸೆಂಬರ್ 7 ರಿಂದ 17 ಮಾರ್ಚ್‌ 2025ರವರೆಗೆ ಹಮ್ಮಿಕೊಳ್ಳಲಾದ ನೂರು ದಿನಗಳ ಕ್ಷಯರೋಗ ತಿಳುವಳಿಕೆ ಮತ್ತು ಸಿವೈ-ಟಿಬಿ ಪರೀಕ್ಷೆ ಆಂದೋಲನ ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡಿದರು.  

ಕ್ಷಯರೋಗಿಗಳನ್ನು ಪತ್ತೆ ಹಚ್ಚಿ ಸೂಕ್ತ ಚಿಕಿತ್ಸೆ ನೀಡಬೇಕು ಹಾಗೂ ಅಂಗನವಾಡಿ ಕಾರ್ಯಕರ್ತೆಯರು, ಆಶಾ ಕಾರ್ಯಕರ್ತೆಯರು ಸಂಬಂಧಿಸಿದ ಅಧಿಕಾರಿಗಳು  ತಳಹಂತದಲ್ಲೇ  ಜಾಗೃತಿ ಮೂಡಿಸುವ ಕೆಲಸ ಮಾಡುವ ಮೂಲಕ ಕ್ಷಯ ನಿರ್ಮೂಲನೆಗೆ ಕೈಜೋಡಿಸಬೇಕು ಎಂದು ಹೇಳಿದರು. 

ಮಕ್ಕಳಿಗೆ ನಾಯಿ ಕಡಿತ ಪ್ರಕರಣಗಳು ಹೆಚ್ಚಾಗಿ ಕಂಡು ಬರುತ್ತಿದ್ದು, ಈ ಕುರಿತು ಗಮನಹರಿಸಬೇಕು ಹಾಗೂ ನಾಯಿ ಕಡಿತಕ್ಕೆ  ಒಳಗಾದವರ ಚಿಕಿತ್ಸೆಗೆ ಆಸ್ಪತ್ರೆಗಳಲ್ಲಿ  ಹೆಚ್ಚಿನ ಆದ್ಯತೆ ನೀಡಬೇಕು. ಚಿಕಿತ್ಸೆಗೆ ಬೇಕಾದ  ಅಗತ್ಯ ಓಷಧಗಳನ್ನು ಸಂಗ್ರಹಿಸಿಟ್ಟುಕೊಳ್ಳಬೇಕು  ಎಂದು ಆರೋಗ್ಯ ಇಲಾಖೆ ಅಧಿಕಾರಿಗಳಿಗೆ ಸಲಹೆ ನೀಡಿದರು.  

ಹುಕ್ಕೇರಿಮಠದ ಸದಾಶಿವ ಸ್ವಾಮೀಜಿ ಸಾನಿಧ್ಯ ವಹಿಸಿದ್ದರು.  ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ.ರಾಜೇಶ ಸುರಗಿಹಳ್ಳಿ, ಜಿಲ್ಲಾ ಶಸ್ತ್ರ ಚಿಕಿತ್ಸಕ ಡಾ.ಪಿ.ವೈ.ಹಾವನೂರ, ಡಿ.ಟಿ.ಒ  ಡಾ.ನಿಲೇಶ ಎಂ.ಎನ್‌.,  ಜಿಲ್ಲಾ ಆಸ್ಪತ್ರೆಯ ಡಾ.ವಿಶ್ವನಾಥ ಸಾಲಿ, ತಾಲೂಕಾ ಆರೋಗ್ಯಾಧಿಕಾರಿ  ಡಾ.ಪ್ರಭಾಕರ ಕುಂದೂರ, ಡಾ.ಮೃತ್ಯುಂಜಯ ತುರಕಾಣಿ, ಡಾ.ಅಂಜನಕುಮಾರ ಇತರರು ಉಪಸ್ಥಿತರಿದ್ದರು.