ಧಾರವಾಡ 06: ಚಿಲಿಪಿಲಿ ಸಂಗೀತ ಸಾಂಸ್ಕೃತಿಕ ಕಲಾ ಅಕಾಡಮಿ, ಧಾರವಾಡ ನೀಡುವ 2025 ನೇ ಸಾಲಿನ ತಬಲಾ ಮಾಂತ್ರಿಕ ಪಂ. ರವಿ ಕೂಡ್ಲಿಗಿ ಪ್ರಶಸ್ತಿಗೆ ಧಾರವಾಡದ ಖ್ಯಾತ ತಬಲಾ ಕಲಾವಿದರಾದ ಡಾ. ರಾಚಯ್ಯ ಹಿರೇಮಠ ಆಯ್ಕೆಯಾಗಿದ್ದಾರೆ. 

 ಪ್ರಶಸ್ತಿಯು 10 ಸಾವಿರ ನಗದು, ಪ್ರಶಸ್ತಿ ಫಲಕ ಒಳಗೊಂಡಿದ್ದು. ದಿ. 21 ರಂದು ಸಂಜೆ 5 ಗಂಟೆಗೆ ದ. ರಾ. ಬೇಂದ್ರೆ ಭವನ, ಧಾರವಾಡದಲ್ಲಿ ಪಂ. ರವಿ ಕೂಡ್ಲಿಗಿಯವರ 11ನೇ ಪುಣ್ಯಸ್ಮರಣೋತ್ಸವದ ಅಂಗವಾಗಿ ಜರಗುವ ಸಂಗೀತ ಕಾರ್ಯಕ್ರಮದಲ್ಲಿ ಪ್ರಶಸ್ತಿ ನೀಡಿ ಗೌರವಿಸಲಾಗುವುದು.  

ಶಂಕರ ಹಲಗತ್ತಿಯವರ ಅಧ್ಯಕ್ಷತೆಯ ಸಮಿತಿಯಲ್ಲಿ ಡಾ. ಜ್ಯೋತಿ ಕೂಡ್ಲಿಗಿ, ಡಾ. ಗುರುಬಸವ ಮಹಾಮನೆ, ಡಾ. ಚಿದಾನಂದ ಮಾಸನಕಟ್ಟಿ, ವಿಜಯಲಕ್ಷ್ಮೀ ಸುಭಾಂಜಿ ಸಮಿತಿಯಲ್ಲಿ ಇದ್ದರು ಎಂದು ಸಂಸ್ಥೆಯ ಅಧ್ಯಕ್ಷರಾದ ಡಾ. ಎ. ಎಲ್‌. ದೇಸಾಯಿ ತಿಳಿಸಿದರು.