ಶಿಗ್ಗಾವಿ 22 : ಸದಾ ಗ್ರಾಮೀಣ ಅಭಿವೃದ್ಧಿ, ಧಾರ್ಮಿಕ ಸಾಂಸ್ಕೃತಿಕ ಪರಂಪರೆಯ ಸಂರಕ್ಷಣೆ ಮತ್ತು ಜನಕಲ್ಯಾಣಕ್ಕೆ ಆದ್ಯತೆ ನೀಡುತ್ತಿರುವ ಸಚಿವರ ಎಂ.ಪಿ.ಎಲ್‌.ಎ.ಡಿ ನಿಧಿಯಿಂದ ದೊರೆತ ಈ ಅನುದಾನವು ಹುಲಗೂರ ಗ್ರಾಮದ ಸಮಗ್ರ ಅಭಿವೃದ್ಧಿಗೆ ಮತ್ತೊಂದು ಮಹತ್ವದ ಹೆಜ್ಜೆಯಾಗಿದೆ ಎಂದು ಪುತ್ರಣ್ಣ ಹೊನ್ನಣ್ಣನವರ ಹೇಳಿದರು.   ತಾಲೂಕಿನ ಹುಲಗೂರ ದೇವಿಯ ದೇವಸ್ಥಾನಕ್ಕೆ ಸಂಬಂಧಿಸಿದಂತೆ ಸಾಂಸ್ಕೃತಿಕ ಭವನ ನಿರ್ಮಾಣ ಕಾರ್ಯಕ್ಕೆ ಮಹತ್ವದ ಮುನ್ನಡೆ ದೊರೆತಿದ್ದು, ಈ ಕಾರ್ಯಕ್ಕಾಗಿ ಕೇಂದ್ರ ಸಚಿವ ಪ್ರಲ್ಹಾದ ಜೋಶಿ ಎಂ.ಪಿ.ಎಲ್‌.ಎ.ಡಿ ನಿಧಿಯಿಂದ ರೂ15 ಲಕ್ಷ ಅನುಧಾನ ಮಂಜೂರಾಗಿದೆ.

              ಈ ಭವನವು ಯುವಕರು, ಮಹಿಳಾ ಸಂಘಗಳು ಹಾಗೂ ಗ್ರಾಮಸ್ಥರ ಸಾಮಾಜಿಕ ಚಟುವಟಿಕೆಗಳಿಗೆ ಸಹ ವೇದಿಕೆಯಾಗಲಿದ್ದು, ಗ್ರಾಮದಲ್ಲಿ ಸಂಸ್ಕೃತಿ ಮತ್ತು ಏಕತೆಯನ್ನು ಮತ್ತಷ್ಟು ಬಲಪಡಿಸುವಲ್ಲಿ ಮಹತ್ವದ ಪಾತ್ರ ವಹಿಸಲಿದೆ. ಚುನಾವಣಾ ಪೂರ್ವದಲ್ಲಿ ಕೆಂದ್ರ ಸಚಿವರು ಮಾತು ಕೊಟ್ಟಂತೆ ನಡೆದಿದ್ದಾರೆ ಎಂದರು. ಈ ಸಂದರ್ಭದಲ್ಲಿ ಪುತ್ರಣ್ಣ ಹೊನ್ನಣ್ಣವರ,ಬಸಣ್ಣ ಪಟ್ಟಣ ಶೆಟ್ಟರ, ಮನೋಹರ ಕುಲಕರ್ಣಿ,ಶೇಖಣ್ಣ ಗಣಾಚಾರಿ, ಚಂದ್ರು ಆಚೇಬಣದ,ರುದ್ರಯ್ಯ ತವರಿ ಮಠ, ಜಗದೀಶ ತವರಿಮಠ ಗ್ರಾಮದ ಹಿರಿಯರು, ದೇವಾಲಯ ಸಮಿತಿ ಸದಸ್ಯರು ಹಾಗೂ ಭಕ್ತವೃಂದ ಉಪಸ್ಥಿತರಿದ್ದರು.