ವಿಜಯಪುರ 23: ನಗರ ಹಾಗೂ ತಾಲೂಕು ಕೊಳಚೆ ಪ್ರದೇಶಗಳಲ್ಲಿನ ಜನರ ಬೇಡಿಕೆಗಳನ್ನು ಆಲಿಸುವಂತೆ ದಲಿತ ಸ್ವರಾಜ್ಯ ಸೇನೆ- ಕರ್ನಾಟಕ ಸಂಘಟನೆಯಿಂದ ಜಿಲ್ಲಾಧಿಕಾರಿಗಳಿಗೆ ಮನವಿ ಸಲ್ಲಿಸಿದರು. ಸಂಘಟನೆ ಅಧ್ಯಕ್ಷ ಗೌಡಪ್ಪ ಬಡಿಗೇರ ಮಾತನಾಡಿ, ಜಿಲ್ಲೆಯಲ್ಲಿ 38ಅ ಕ್ಕೂ ಹೆಚ್ಚು ಕುಟುಂಬಗಳು ಕೊಳಚೆ ಪ್ರದೇಶಗಳಲ್ಲಿ ಕನಿಷ್ಠ ನಾಗರಿಕ ಸೌಲಭ್ಯಗಳಿಂದಲೂ ವಂಚಿತರಾಗಿ ಬದುಕುತ್ತಿದ್ದಾರೆ. ಇವರುಗಳ ಬದುಕು ನಿತ್ಯ ನರಕವಾಗಿದೆ ಎಂದರು. 

ಗೌರವಯುತ ಜೀವನ ಮತ್ತು ಆರೋಗ್ಯಕರ ವಾತಾವರಣ ಪ್ರತಿಯೋರ್ವನ ಹಕ್ಕು. ಸಂವಿಧಾನ ಒದಗಿಸಿದ ಬದುಕುವ ಹಕ್ಕುಗಳನ್ನು ರಕ್ಷಿಸುವಂತೆ ಜಿಲ್ಲಾಧಿಕಾರಿಗಳಿಗೆ ಒತ್ತಾಯಿಸಿದ್ದೆವೆ. ಅವರು ಕೂಡ ಸಮಸ್ಯೆ ಆಲಿಸುವುದಾಗಿ ಸಕಾರಾತ್ಮಕವಾಗಿ ಸ್ಪಂದಿಸಿದ್ದಾರೆ ಎಂದರು. ಕೊಳಚೆ ನಿವಾಸಿಗಳ ಕುಂದು ಕೊರತೆ ಆಲಿಸಲು ಸಂಬಂಧಿಸಿದ ಇಲಾಖೆಗಳ ಅಧಿಕಾರಿಗಳನ್ನೂಳಗೊಂಡ ಸಭೆ ಕರೆಯುವಂತೆ ಜಿಲ್ಲಾಧಿಕಾರಿಗಳಿಗೆ ಹಕ್ಕೊತ್ತಾಯ ಗಳ ಪಟ್ಟಿ ಮೂಲಕ ಕೋರಿದರು. ಈ ಸಂದರ್ಭದಲ್ಲಿ ಸಂಘಟನೆಯ ಪದಾಧಿಕಾರಿಗಳಾದ ಅಮೃತ್, ಪರಶುರಾಮ್, ಆದಿತ್ಯ, ಶರಣು, ಸಾಗರ್, ತೌಫಿಕ್, ಕಿರಣ್, ಇಮ್ರಾನ್, ಚನ್ನು, ಸುಭಾಷ್, ಪರಮೇಶ್, ಆನಂದ್, ಬಾಳು, ಗೋಪಾಲ್, ಸದು, ಅರ್ಜುನ್ ಇತರರಿದ್ದರು.