ರಾಯಬಾಗ, 07 : ಮತಕ್ಷೇತ್ರದ ಎಲ್ಲ ಗ್ರಾಮಗಳಿಗೆ ರಸ್ತೆ, ಚರಂಡಿ, ಅಂಗನವಾಡಿ ಕೇಂದ್ರಗಳು ಸೇರಿ ಎಲ್ಲ ಮೂಲಭೂತ ಸೌಕರ್ಯ ಕಲ್ಪಿಸಲಾಗುತ್ತಿದೆ ಎಂದು ಶಾಸಕ ಡಿ ಎಮ್‌.ಐಹೊಳೆ ಹೇಳಿದರು. 

ಶುಕ್ರವಾರ ತಾಲೂಕಿನ ಯಡ್ರಾಂವ ಗ್ರಾಮದಲ್ಲಿ ಡಿ.ಎಮ್‌.ಎಫ್ ಯೋಜನೆಯಡಿ ಮಂಜೂರಾದ 50 ಲಕ್ಷ ರೂ. ಅನುದಾನದಲ್ಲಿ ನಂದಿಕುರಳಿ ರಸ್ತೆಯಿಂದ ಯಡ್ರಾಂವ ಬಸ್ ನಿಲ್ದಾಣ ವರೆಗೆ ರಸ್ತೆ ಸುಧಾರಣೆ ಕಾಮಗಾರಿ ಹಾಗೂ ನಸಲಾಪುರ ಗ್ರಾಮದಲ್ಲಿ ಜಿ.ಪಂ.ಇಲಾಖೆಯಿಂದ ಮಂಜೂರಾದ 20 ಲಕ್ಷ ರೂ.ಅನುದಾನದಲ್ಲಿ ಅಂಗನವಾಡಿ ಕೇಂದ್ರ ನಿರ್ಮಾಣ ಕಾಮಗಾರಿಗೆ ಚಾಲನೆ ನೀಡಿ ಮಾತನಾಡಿದ ಅವರು, ಗುತ್ತಿಗೆದಾರರು ಗುಣಮಟ್ಟದ ಕಾಮಗಾರಿ ಮಾಡಿ, ನಿಗದಿತ ಸಮಯದಲ್ಲಿ ಪೂರ್ಣಗೊಳಿಸಬೇಕೆಂದು ಸೂಚಿಸಿದರು.  

ಜಿ.ಪಂ.ಎಇಇ ವಿ.ಆರ್‌.ಭಜಂತ್ರಿ, ಎಇ ಎಸ್‌.ಎಸ್‌.ಹೊಸಮನಿ, ಸಿ.ಬಿ.ಕೆ.ಎಸ್‌.ಎಸ್‌.ಕೆ ನಿರ್ದೇಶಕ ಭರತೇಶ ಬನವನೆ, ಸದಾಶಿವ ಘೋರೆ​‍್ಡ, ಯಡ್ರಾಂವ ಗ್ರಾ.ಪಂ.ಅಧ್ಯಕ್ಷೆ ಅಶ್ವಿನಿ ಧನಗರ, ಉಪಾಧ್ಯಕ್ಷೆ ಅಕ್ಕಾತಾಯಿ ಐಹೊಳೆ,  ಕಲ್ಲಪ್ಪ ನಿಂಗನೂರೆ, ನಸಲಾಪುರ ಗ್ರಾ.ಪಂ.ಅಧ್ಯಕ್ಷ ಅರುಣ ನಾಯಿಕ, ರಾಜಗೌಡ ಪಾಟೀಲ,  ಅಜೀತ ಸಂಗಮೇಶ್ವರ, ಮಾರುತಿ ನಿಂಗನೂರೆ, ಚೌಗೊಂಡ ಪಾಟೀಲ, ಬಸಪ್ಪ ಪಡಲಾಳೆ, ಸುರೇಶ ಐಹೊಳೆ, ಜ್ಯೋತೆಪ್ಪ ಮಾಳಿ, ಹನಮಂತ ಧನಗರ, ಮಹೇಶ ಬೆಳಸೆ, ಮಹಾದೇವ ಕಾಂಬಳೆ, ಸುರೇಂದ್ರ ಸಮಾಜೆ, ಯಾಕೂಬ ತಾಂಬಟ, ಪ್ರಕಾಶ ಖೊಂಬಾರೆ, ರಾಜು ಪರಮಾಜೆ, ಶಿವಾನಂದ ಕುಂಬಾರ, ಅನೀಲ ಪಾಟೀಲ, ರಾಜು ಕಾಂಬಳೆ, ನಿಂಗಪ್ಪ ಕುಂಬಾರ, ಗುತ್ತಿಗೆದಾರ ಕಿರಣ ಕಾಂಬಳೆ ಸೇರಿ ಅನೇಕರು ಇದ್ದರು.