ಏಕದೇವೋಪಾಸಕರಾಗಿದ್ದರು ಬಸವಾದಿ ಶರಣರು: ಡಾ. ಅಲ್ಲಮಪ್ರಭುಶ್ರೀ 

ಬೆಳಗಾವಿ 30: ಇಟ್ಟಿಗೆ, ಮಣ್ಣಿನಲ್ಲಿ ಶಿವನಿದ್ದರೆ ಗುರು ಏಕೆ ಬೇಕು ಲಿಂಗವ ಕೊಡುವುದಕ್ಕೆ? ಜಂಗಮನೇಕೆ ಬೇಕು ಭಕ್ತಿಯ ಪರೀಕ್ಷಿಸುವದಕ್ಕೆ? ಕಂಡ ಕಂಡುದನೆಲ್ಲ ದೇವರೆಂದು ಅಡ್ಡ ಉದ್ದ ಬೀಳುವ ಜನರನ್ನು ನೋಡಬಾರದೆಂದು ನನ್ನ ಕಣ್ಣು ಮುಚ್ಚಿಸಿದೆಯಯ್ಯಾ ಗುರುಕುಮಾರ ಪಂಚಾಕ್ಷರೇಶ್ವರಾ. ತ್ರಿಕಾಲ ಪೂಜಾ ನಿಷ್ಠರಾದ ಡಾ. ಪುಟ್ಟರಾಜ ಗವಾಯಿಗಳು ರಚಿಸಿದ ವಚನ.  

ಅಲ್ಲಿ ಇಲ್ಲಿ ಹುಡುಕಿದರೆ ಭಗವಂತ ಸಿಗಲಾರ. ಅನು, ರೇಣು ತೃಣಕಾಷ್ಟದಲ್ಲಿ ಭಗವಂತನಿದ್ದಾನೆ. ಪ್ರತಿಯೊಂದು ಜೀವರಾಶಿಗಳಲ್ಲಿ ಭಗವಂತನಿರುವಾಗ ಕಂಡ ಕಂಡಲ್ಲಿ ಅಡ್ಡ ಉದ್ದ ಬೀಳುವ ಭಕ್ತರ ನೋಡಬಾರದೆಂದು ನನ್ನನ್ನು ಅಂಧಕನ ಮಾಡಿದೇನು ? ಅನ್ನುವ ಭಾವ. ಹನ್ನೆರಡನೆಯ ಶತಮಾನದ ಬಸವಾದಿ ಶರಣರು ಏಕದೇವೋಪಾಸಕರಾಗಿದ್ದರು. ಬಸವಣ್ಣನವರು ನಮ್ಮೊಳಗಿರುವ ಭಗವಂತನ ಜೊತೆ ಅನುಸಂಧಾನ ಮಾಡುವ ಸಲುವಾಗಿ ಇಷ್ಟಲಿಂಗ ಕೊಟ್ಟರು. ಜಾತಿ ಧರ್ಮ, ವರ್ಣ ವರ್ಗರಹಿತ ವಾದ ಸಮ ಸಮಾಜದ ಪರಿಕಲ್ಪನೆ ಬಸವಾದಿ ಶರಣದ್ದಾಗಿತ್ತು. ಭಗವಂತ ಮತ್ತು ಭಕ್ತನ ನಡುವೆ ಯಾವದೇ ಮದ್ಯವರ್ತಿ ಇಲ್ಲ. ನೇರಾ ನೇರ ಲಿಂಗಾಂಗ ಸಾಮರಸ್ಯವನ್ನು ಕಾಣಬಹುದು. ಇದರಿಂದ ನೀವೇ ಗುರುವಾಗಬಹುದು, ಜಂಗಮನಾಗಬಹುದು, ಅನಭಾವಿಗಳಾಗಬಹುದು ಎಂದು, ನಮಗೆ ಒಂಭತ್ತು ನೂರು ವರ್ಷಗಳ ಹಿಂದೆನೆ ಬಸವಾದಿ ಶಿವಶರಣರು ತಿಳಿಸಿಕೊಟ್ಟಿದ್ದಾರೆ. ಪ್ರತಿ ತಿಂಗಳ ಮೊದಲ ರವಿವಾರದಂದು ಇಷ್ಟಲಿಂಗ ದೀಕ್ಷೆ ಮತ್ತು ಪ್ರಾತ್ಯಕ್ಷಿಕೆ ನೀಡುವ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ. ತಾವೆಲ್ಲರೂ ಇದರ ಸದುಪಯೋಗ ಪಡೆದುಕೊಳ್ಳಿರಿ ಎಂದು ಬೆಳಗಾವಿ ನಾಗನೂರ ಡಾ. ಅಲ್ಲಮಪ್ರಭು ಮಹಾಸ್ವಾಮಿಗಳು ರುದ್ರಾಕ್ಷಿಮಠ ಅವರು ಹೇಳಿದರು.ಜಾಗತಿಕ ಲಿಂಗಾಯತ ಮಾಹಾಸಭಾ ಜಿಲ್ಲಾ ಘಟಕ ಬೆಳಗಾವಿ ಅವರು ಮಹಾಂತೇಶ ನಗರದ ಮಹಾಂತ ಭವನದಲ್ಲಿ ದಿ. 29ರಂದು ಹಮ್ಮಿಕೊಂಡ ಮಾಸಿಕ ಅನುಭಾವ ಗೋಷ್ಠಿಯ ಸಾನಿದ್ಯ ವಹಿಸಿ ಅವರು ಆಶೀರ್ವಚನ ನೀಡಿದರು.  

ಇಂದಿನ ಗೋಷ್ಠಿಯಲ್ಲಿ ಶರಣರ ಏಕದೇವೋಪಾಸನೆ ವಿಷಯ ಕುರಿತು ಎಸ್ ಜಿ ಬಾಳೇಕುಂದ್ರಿ ತಾಂತ್ರಿಕ ಮಹಾವಿದ್ಯಾಲಯದ ವಿದ್ಯಾರ್ಥಿನಿ ಶೀವಲೀಲಾ ಪ್ರಕಾಶ ಅರಳಿಕಟ್ಟಿ ಅವರು ಬಸವಣ್ಣನವರ ವಚನಗಳನ್ನು ಆಧರಿಸಿ ನಾವೆಲ್ಲರೂ ಏಕದೇವೋಪಾಸರಾಗಬೇಕು ಎಂದು ಹೇಳಿದರು.  

ಅಧ್ಯಕ್ಷತೆಯನ್ನು ವಹಿಸಿದ್ದ ಜಾ.ಲಿಂ ಮಹಾಸಭಾದ ಜಿಲ್ಲಾ ಘಟಕದ ಅದ್ಯಕ್ಷರಾದ ಬಸವರಾಜ ರೊಟ್ಟಿ ಹಿರಿಯ ನ್ಯಾಯವಾದಿಗಳು ಮಾತನಾಡುತ್ತಾ, ಇತ್ತೀಚಿನ ದಿನಗಳಲ್ಲಿ ಬಸವಾದಿ ಶರಣರ ವಚನಗಳನ್ನು ಕೆಲವರು ಪ್ರಕ್ಷುಬ್ಧ ಗೊಳಿಸುತ್ತಿದ್ದಾರೆ. ಹನ್ನೆರಡನೆಯ ಶತಮಾನದ ಬಸವಾದಿ ಶರಣರ ಹೋರಾಟವೇ ನಡೆದಿಲ್ಲ. ಅದೊಂದು ಭಕ್ತಿಯ ಚಳುವಳಿ ಅಂತಾ ಬಿಂಬಿಸಲು ಕೆಲವು ಪಟ್ಟಭದ್ರ ಹಿತಾಸಕ್ತಿಗಳಿಂದ ಪ್ರಯತ್ನಗಳು ನಡೆದಿವೆ. ವಚನ ಸಾಹಿತ್ಯಕ್ಕಾಗಲಿ, ಲಿಂಗಾಯತ ಧರ್ಮದ ಮೇಲೆ ದಾಳಿ ಮಾಡುವದನ್ನು ಜಾಗತಿಕ ಲಿಂಗಾಯತ ಮಹಾಸಭಾವು ಖಂಡಿಸುತ್ತದೆ. ವಚನ ದರ್ಶನ ಪುಸ್ತಕವನ್ನು ಪ್ರಕಟಿಸಿ, ವಚನ ಸಾಹಿತ್ಯದ ಬಗ್ಗೆ ಅಪಪ್ರಚಾರ ಮಾಡುತ್ತಿರುವವರಿಗೆ ನಾವೂ ಕೂಡ ಗ್ರಂಥಗಳ ಮೂಲಕ ಉತ್ತರಿಸಬೇಕಾಗಿದೆ. ನಿವೃತ್ತ ಪ್ರಾದ್ಯಾಪಕ  ಡಾ.ಟಿ.ಆರ್‌.ಚಂದ್ರಶೇಖರ ಬೆಂಗಳೂರು ಅವರ ಸಂಪಾದಕತ್ವದಲ್ಲಿ ನಾಡಿನ ಹಿರಿಯ ವಿದ್ವಾಂಸರು ಬರೆದ ಲೇಖನಗಳನ್ನು ಸಂಗ್ರಹಿಸಿದ ಗ್ರಂಥಗಳನ್ನು ರಾಜ್ಯಾದಂತ ದೊಡ್ಡ ಪ್ರಮಾಣದಲ್ಲಿ ಬಿಡುಗಡೆಗೊಳಿಸುವ ತಯಾರಿ ನಡೆದಿದೆ. ನಾವು ಇದಕ್ಕೆಲ್ಲ ಸಂಘಟಿಕರಾಗಬೇಕಾಗಿದೆ ಎಂದು ಹೇಳಿದರು.  

ಪ್ರಸಾದ ದಾಸೋಹಿಗಳಾದ ಮುರುಗೇಶ ಶಿವಪೂಜಿ ದಂಪತಿ ಷಟ್ ಸ್ಥಲ ಧ್ವಜಾರೋಹಣ ಮಾಡಿದರು. ಜಾ.ಲಿಂ ಮ ಉಪಾಧ್ಯಕ್ಷ ನ್ಯಾಯವಾದಿ ಬಸವರಾಜ ಸುಲ್ತಾನಪೂರ, ಹಾಗೂ ಜಿಲ್ಲಾ ಮಹಿಳಾ ಘಟಕದ ಅಧ್ಯಕ್ಷೆ ಪ್ರೇಮಕ್ಕ ಅಂಗಡಿ ಅವರ ಗೌರವ ಉಪಸ್ಥಿತರಾಗಿ ವೇದಿಕೆಯಲ್ಲಿ ಇದ್ದರು. ಬೆಳಗಾವಿ ತಾಲೂಕು ಘಟಕದ ಅಧ್ಯಕ್ಷೆ ಅನೀತಾ ಚೆಟ್ಟರ ಅವರು ಪ್ರಸ್ತಾವಿಕ ನುಡಿಗಳೊಂದಿಗೆ ಸ್ವಾಗತಿಸಿದರು. ದ್ರಾಕ್ಷಾಯಣಿ ಹೂಗಾರ ಅವರು ಶರಣು ಸಮರೆ​‍್ಣ ಮಾಡಿದರು. ಮಹಾನಂದಾ ಪರುಶೆಟ್ಟಿ ಅವರು ಕಾರ್ಯಕ್ರಮ ನಿರೂಪಣೆ ಮಾಡಿದರು. ಪ್ರಾರಂಭದಲ್ಲಿ ಬಸಮ್ಮ ಮಠದ ಮತ್ತು ಜಾ.ಲಿಂ.ಮ ದ ಮಹಿಳಾ ಸದಸ್ಯರು ವಚನ ಪ್ರಾರ್ಥನೆಯನ್ನು ಮಾಡದರು.  

ಜಾ.ಲಿಂ ಮ ದ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಅಶೋಕ ಮಳಗಲಿ, ಎಸ್‌.ಜಿ. ಸಿದ್ನಾಳ, ಬಸವರಾಜ ಕರಡಿಮಠ, ಎಮ್ ವಿ.ಕೋರಿಶೆಟ್ಟಿ, ಚಂದ್ರ​‍್ಪ ಬೂದಿಹಾಳ, ಎಫ್ ಆರ್ ಪಾಟೀಲ, ಅರವಿಂದ ಪರುಶೆಟ್ಟಿ, ಮುರಿಗೆಪ್ಪ ಬಾಳಿ, ಡಾ. ಅಡಿವೆಪ್ಪ ಇಟಗಿ, ಯರಗಟ್ಟಿಯ ಅಶೋಕ ಹಾದಿಮನಿ, ಸುಧಾ ರೊಟ್ಟಿ, ಶೋಭಾ ಶಿವಳ್ಳಿ, ಅನ್ನಪೂರ್ಣ ಮಳಗಲಿ, ಸುಲೋಚನ ವಸ್ತ್ರದ, ಪ್ರೀತಿ ಮಠದ, ಕೆಂಪಣ್ಣ ರಾಮಾಪೂರಿ, ನೇತ್ರಾ ರಾಮಾಪೂರಿ, ಪ್ರವೀಣ ಚಿಕಲಿ, ಬಸವರಾಜ ಚಟ್ಟರ, ವಿವಿಧ ಬಡಾವಣೆಯ ಬಸವ ಅಭಿಮಾನಿಗಳು ಉಪಸ್ಥಿತರಿದ್ದರು.