ಪಾಲಬಾವಿ 15: ಸಮೀಪದ ಕಪ್ಪಲಗುದ್ದಿ ಗ್ರಾಮದ ಆರಾಧ್ಯ ದೇವರಾದ   ಬರಮಲಿಂಗೇಶ್ವರ ದೇವರ ಜಾತ್ರಾ ಮಹೋತ್ಸವವು ಸೋಮವಾರ ಸಡಗರ ಸಂಭ್ರಮದಿಂದ ಜರುಗಿತು. ಮುಂಜಾನೆ ದೇವಸ್ಥಾನದ ಅರ್ಚಕ ನಾಮದೇವ ನಾಯಿಕ ಅವರ ನೇತೃತ್ವದಲ್ಲಿ ದೇವರ ಕರ್ತೃ ಗದ್ದಿಗೆಗೆ ಅಭಿಷೇಕ, ವಸ್ತ್ರಧಾರಣೆ, ವಿಶೇಷ ಪೂಜೆ ಹಾಗೂ ನೈವೇದ್ಯ ಸಮರೆ​‍್ಣ ನೆರವೇರಿತು. ಬಳಿಕ ನಾಲ್ಕು ದೇವರ ಗುಡಿಯಿಂದ   ಬರಮಲಿಂಗೇಶ್ವರ ಹಾಗೂ ಭೀರದೇವರ ಪಲ್ಲಕ್ಕಿಗಳ ಉತ್ಸವವು ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಡೊಳ್ಳಿನ ವಾಲಗ ಹಾಗೂ ಕುಂಭ ಆರತಿಯೊಂದಿಗೆ ವಿಜೃಂಭಣೆಯಿಂದ ನಡೆಯಿತು. ಪಲ್ಲಕ್ಕಿ ಉತ್ಸವದಲ್ಲಿ ಭಕ್ತರು ಭಂಡಾರ ಎರಚಿ, ಉರುಳು ಸೇವೆ ಸಲ್ಲಿಸುವ ಮೂಲಕ ದೇವರಿಗೆ ಹೊತ್ತ ಹರಕೆ ತೀರಿಸಿದರು. ನಂತರ ರಾಯಬಾಗ ತಾಲೂಕಿನ ನಿಡಗುಂದಿ ಹಾಗೂ ಮುಗಳಖೋಡದ ಡೊಳ್ಳಿನ ಗಾಯನ ಸಂಘಗಳ ಕಲಾವಿದರಿಂದ ‘ಹರದೇಶಿ-ನಾಗೇಶಿ’ ಡೊಳ್ಳಿನ ಪದಗಳ ಗಾಯನ ನಡೆಯಿತು. ಮಧ್ಯಾಹ್ನ ದಾಸೋಹದ ಮಹಾಮನೆಯಲ್ಲಿ ಅನ್ನಸಂತರೆ​‍್ಣ ಏರಿ​‍್ಡಸಲಾಗಿತ್ತು. ಜಾತ್ರಾ ಮಹೋತ್ಸವದಲ್ಲಿ ಗ್ರಾಮದ ಅನೇಕ ಭಕ್ತರು ಪಾಲ್ಗೊಂಡಿದ್ದರು.