ಹಾವೇರಿ 22  :  ಬಸವ ಜಯಂತಿಯಂದು ಪ್ರತಿ ವರ್ಷದಂತೆ ಮಠದಿಂದ ಮಕ್ಕಳಿಗೆ ಹಾಗೂ ಸಾರ್ವಜನಿಕರಿಗೆ ರಾಗಿ ಅಂಬಲಿ ವಿತರಣೆ ಮಾಡಲಾಯಿತು ಎಂದು  ಹೊಸಮಠದ  ಬಸವಶಾಂತಲಿಂಗ ಸ್ವಾಮೀಜಿ ಹೇಳಿದರು.ನಗರದ  ಹೊಸಮಠದ ಮುಂಭಾಗದಲ್ಲಿರುವ  ಬಸವೇಶ್ವರರ ಪುತ್ಥಳಿಗೆ ಮಾಲಾರೆ​‍್ಣ ಮಾಡಿ,ರಾಗಿ ಅಂಬಲಿ ಉಣಬಡಿಸಿ ಅವರು ಮಾತನಾಡಿದರು. ಹನ್ನೆರಡನೆ ಶತಮಾನದಲ್ಲಿ ಕರ್ನಾಟಕದ ಕಲ್ಯಾಣದಲ್ಲಿ ಮಾನವೋದ್ದಾರದ ಒಂದು ಮಹಾಕ್ರಾಂತಿ ನಡೆಯಿತು. ಅದು ಏಕಮುಖ ಚಳುವಳಿಯಲ್ಲ, ಬದುಕಿನ ಎಲ್ಲ ಸಂಗತಿ- ಸಮಸ್ಯೆಗಳನ್ನು ಒಳಗೊಂಡ ಸಮಗ್ರ ಸಾಂಸ್ಕೃತಿಕ ಕ್ರಾಂತಿ,ಶ್ರಮ ಸಂಸ್ಕೃತಿಯ ಎಲ್ಲ ಕಾಯಕ ಜೀವಿಗಳು ಅದರಲ್ಲಿ ಸಕ್ರಿಯವಾಗಿ ಪಾಲ್ಗೊಂಡಿದ್ದರು. ಸಕಲ ಜೀವಾತ್ಮರ ಲೇಸು,ಸರ್ವಸಮಾನತೆಯ ಸುಂದರ ಸಮಾಜ ನಿರ್ಮಿತಿ, ಸತ್ಯಶುದ್ಧ ಕಾಯಕ -ದಾಸೋಹದ ಆರ್ಥಿಕ ಸಮಾನತೆಯ ಸ್ವಾವಲಂಬಿ ಸ್ವಾಭಿಮಾನ ಬದುಕಿಗೆ ಪ್ರೇರಣೆ ನೀಡಿದರು ಮಹಾತ್ಮ ಬಸವಣ್ಣನವರುಎಂದು ಶ್ರೀಗಳು ತಿಳಿಸಿದರು. ಈ ಸಂದರ್ಭದಲ್ಲಿ ಸಾಹಿತಿ ಸತೀಶ ಕುಲಕರ್ಣಿ,ಮಲ್ಲಿಕಾರ್ಜುನ ಹಿಂಚಿಗೇರಿ,ವಿ,ಜಿ,ಯಳಗೆರಿ,ಎನ್,ಬಿ, ಕಾಳೆ,ಮುರುಗೆಪ್ಪ ಕಡಕೊಪ್ಪ,ಶಿವಯೋಗಿ ಅಂಗಡಿ,ಗಂಗಣ್ಣ ಮಾಸೂರ ಸಾರ್ವಜನಿಕರು ಹಾಗೂ ಭಕ್ತರು ಪಾಲ್ಗೊಂಡಿದ್ದರು