ಬೆಳಗಾವಿ 27: ಕೋಲಾರ ಜಿಲ್ಲೆಯಲ್ಲಿ ನ.24 ಮತ್ತು ನ.25, 2025 ರಂದು ಜರುಗಿದ 2025-26ನೇ ಶೈಕ್ಷಣಿಕ ಸಾಲಿನ ಪದವಿ ಪೂರ್ವ ವಿದ್ಯಾರ್ಥಿಗಳ ರಾಜ್ಯ ಮಟ್ಟದ ವೇಟ್ ಲಿಫ್ಟಿಂಗ್ ಪಂದ್ಯಾವಳಿಯಲ್ಲಿ ಜಿಲ್ಲೆಯ ವೇಟ್‌ಲಿಫ್ಟಿಂಗ್ ಕ್ರೀಡಾ ಪಟುಗಳ ಸಾಧನೆ ಮಾಡಿರುತ್ತಾರೆ. ಬಾಲಕಿಯರ ವಿಭಾಗದಲ್ಲಿ ಸಮೀಕ್ಷಾ ಮನಮೋಡೆ ಹಾಗೂ ಶೃದ್ಧಾ ಕಾಸರ ಬೆಳ್ಳಿ ಪದಕ ಸಾಯಿಶಾ ಗೌಂಡವಾಡಕರ ಅವರು 4ನೇ ಸ್ಥಾನ ಪಡೆದಿರುತ್ತಾರೆ. 

ಬಾಲಕರ ವಿಭಾಗದಲ್ಲಿ ರೋಣಿತ ಮುರಕುಟೆ ಚಿನ್ನದ ಪದಕ, ನಾಗೇಶ ಅನಗೋಳಕರ ಹಾಗೂ ಆದರ್ಶ ದಾಯಗೊಂಡೆ ಬೆಳ್ಳಿ ಪದಕ, ವರುಣ ಬೆನಕೆ ಹಾಗೂ ಶ್ರೇಯಸ್ ಸಾಮಜಿ ಕಂಚಿನ ಪದಕ ವಿಜೇತರಾಗಿರುತ್ತಾರೆ ಎಂದು ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆ ಉಪ ನಿರ್ದೇಶಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.