ಮುಂಡಗೋಡ 03:  ಸುಮಾರು 60 ಕೆಜಿ ಶ್ರೀಗಂಧವನ್ನು ದಾಸ್ತಾನು ಮಾಡಿಕೊಂಡಿದ್ದ ವ್ಯಕ್ತಿಯ ಮನೆ ಮೇಲೆ ದಾಳಿ ನಡೆಸಿದ ಮುಂಡಗೋಡ ವಲಯ ಅರಣ್ಯಾಧಿಕಾರಿ ಅಪ್ಪಾಸಾಹೇಬ ಕಲ್ಲಶೆಟ್ಟಿ ನೇತೃತ್ವದ ತಂಡ ಮಂಗಳವಾರ ಶ್ರೀಗಂಧವನ್ನು ವಶಪಡಿಸಿಕೊಂಡ ಕುರಿತು ವರದಿಯಾಗಿದೆ.  

ದಾಸ್ತಾನು ಮಾಡಿಕೊಂಡಿದ್ದ ವ್ಯಕ್ತಿಯನ್ನು ಅಗಡಿ ಗ್ರಾಮದ ಪರಶುರಾಮ ಲಮಾಣಿ ಎಂದು ಹೇಳಲಾಗುತ್ತಿದೆ. ಮುಂಡಗೋಡ ವಲಯದ ಇಂದೂರ ಶಾಖೆಯ  ನಂದಿಕಟ್ಟಾಬೀಟ್ ವ್ಯಾಪ್ತಿಯ ಅಗಡಿ ಗ್ರಾಮದಲ್ಲಿ ಆರೋಪಿಪರಶುರಾಮ ತನ್ನ ಮನೆಯಲ್ಲಿ ಶ್ರೀಗಂಧವನ್ನುಅನಧಿಕೃತವಾಗಿ ದಾಸ್ತಾನು ಮಾಡಿಕೊಂಡಿರುವ ಖಚಿತ ಮಾಹಿತಿ ಮೇರೆ ದಾಳಿ ನಡೆಸಿದ ಅರಣ್ಯ ಇಲಾಖೆ ಸುಮಾರು 60 ಕೆಜಿ ಶ್ರೀ ಗಂಧದ ತುಂಡಗಳನ್ನು ವಶಪಡಿಸಿಕೊಂಡು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಆರೋಪಿ ಪರಾರಿಯಾಗಿದ್ದಾನೆ ಎಂದು ತಿಳಿದು ಬಂದಿದೆ.  

ಯಲ್ಲಾಪುರ ಉಪಅರಣ್ಯ ಸಂರಕ್ಷಾಣಾಧಿಕಾರಿಗಳಾದಹರ್ಷಾಬಾನು ಜೆ.ಪಿ, ಮುಂಡಗೋಡ  ಉಪವಿಭಾಗದ ಎಸಿಎಫ್ ರವಿ ಹುಲಕೋಟಿ  ಇವರ ಮಾರ್ಗದರ್ಶನದಲ್ಲಿ ಮುಂಡಗೋಡ ವಲಯ ಆರ್‌.ಎಫ್‌.ಒ ಅಪ್ಪಾರಾವಕಲ್ಲಶೆಟ್ಟಿ,  ಇಂದೂರ  ಉಪವಲಯ ಅರಣ್ಯಾಧಿಕಾರಿ ಶ್ರೀಕಾಂತ ವೆರ್ಣೇಕರ,  ಅರಣ್ಯ ರಕ್ಷಕರಾದ ಮರ್ದಾನಲಿ, ನಾರಾಯಣ ರಜಪೂತ ದಾಳಿ ನಡೆಸಿದರು.