ಯರಗಟ್ಟಿ 27: ಬದುಕಿನಲ್ಲಿ ಧಾರ್ಮಿಕ ಆಚರಣೆಗಳು ನೆಮ್ಮದಿ ನೀಡುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ ಎಂದು ಹೊಸಕೋಟಿ ಗುತ್ತಿಗೋಳಿ ಅಭಿನವ ರೇವಯ್ಯ ಸ್ವಾಮೀಜಿ ಹೇಳಿದರು. 

 ಸಮೀಪದ ಜೀವಾಪೂರ ಗ್ರಾಮದಲ್ಲಿ ಶುಕ್ರವಾರ ಹಮ್ಮಿಕೊಂಡಿದ್ದ ಶ್ರೀ ದ್ಯಾಮಮ್ಮದೇವಿ ಪುರ ಪ್ರವೇಶ ಕಾರ್ಯಕ್ರಮದಲ್ಲಿ ನೇತೃತ್ವ ವಹಿಸಿ ಮಾತನಾಡಿದ ಅವರು, ಜಗತ್ತಿನ ಇತಿಹಾಸದಲ್ಲಿ ನಮ್ಮ ಸಂಸ್ಕೃತಿ ಹಾಗೂ ಪರಂಪರೆಗೆ ವಿಶೇಷ ಸ್ಥಾನವಿದೆ ಇದನ್ನು ಗ್ರಾಮೀಣ ಜನತೆ ಉಳಿಸಿಕೊಂಡು ಹೋಗುತ್ತಿರುವುದು ಸಂತಸದ ಸಂಗತಿ ಎಂದು ಹೇಳಿದರು. 

ಇದಕ್ಕೂ ಮುಂಚೆ ಬೆಳಗ್ಗೆ ಹೋಮ ಹವನ ನಡೆದವು. ನಂತರ ಶ್ರೀ ದ್ಯಾಮಮ್ಮದೇವಿ ಮೂರ್ತಿಯನ್ನು ಬೆಳ್ಳಿ ರಥದಲ್ಲಿ ಕುಡ್ರಿಸಿ ಸುಮಂಗಲೆಯರಿಂದ ಪೂರ್ಣಕುಂಭ, ಆರತಿ ವಿವಿಧ ವಾದ್ಯಮೇಳದೊಂದಿಗೆ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆ ಜರುಗಿತು. ಮೂರ್ತಿ ದೇವಸ್ಥಾನಕ್ಕೆ ಬರಮಾಡಿಕೊಂಡರು. 

ವಕೀಲ ಶಿವಾನಂದ ಪಾಟೀಲ, ಮುಖಂಡ ವೆಂಕಣ್ಣ ಯರಡ್ಡಿ, ಪ್ರಕಾಶ ನರಿ, ಗೌಡಪ್ಪ ನಾಯ್ಕರ, ರಮೇಶ ನರಿ,ಸದಾಶಿವ ಗೋಪಾಳಿ, ಮುದಕಪ್ಪ ಯರಡ್ಡಿ, ಮುತ್ತನಗೌಡ ನಾಯ್ಕರ, ಕಲ್ಮೇಶ ಬಾಲರಡ್ಡಿ, ಹನಮಂತ ಅರಳಿಕಟ್ಟಿ, ವೆಂಕಪ್ಪ ಕಮಕೇರಿ, ವೀರಬದ್ರ​‍್ಪ ನರಿ, ಬಸವರಾಜ ಅರೆಬೆಂಚಿ, ಬಸು ನರಿ, ಲಕ್ಮಣ ಅರಳಿಕಟ್ಟಿ ಸೇರಿದಂತೆ ಗ್ರಾಮದ ಹಿರಿಯರು ಇದ್ದರು.