ಲೋಕದರ್ಶನ ವರದಿ 

ಬೀಳಗಿ  08: ಮಾನವ ಸೇರಿದಂತೆ ಇತರೆ ಪ್ರಾಣಿ, ಪಕ್ಷಿಗಳು, ಸೇರಿದಂತೆ ಪ್ರತಿಯೊಂದು ಜೀವ ಸಂಕುಲ ಆಹಾರ, ಗಾಳಿ, ನೀರು ಇತರೆ ಅಗತ್ಯತೆಗಳಿಗಾಗಿ ಪರಿಸರವನ್ನ ಅವಲಂಭಿಸಿದೆ ಎಂದರೆ ತಪ್ಪಾಗಲಾರದು. ಆದರೆ ಇತ್ತೀಚಿನ ದಿನಗಳಲ್ಲಿ ಮಾನವನು ಆಧುನಿಕ ಬದುಕಿನ ಗೀಳಿಗೆ ಬಿದ್ದು ಪರಿಸರವನ್ನು ನಾಶ ಮಾಡುತ್ತಿದ್ದಾನೆ ಎಂದು ಬೀಳಗಿ ಶುಗರ್ ಮಿಲ್ ಪೂರ್ಣಾವಧಿ ನಿರ್ದೇಶಕ ಸುರೇಶಗೌಡ ಪಾಟೀಲ್ ಹೇಳಿದರು. ತಾಲೂಕಿನ ಬಾಡಗಂಡಿಯ ಬೀಳಗಿ ಶುಗರ್ ಮಿಲ್ ಆವರಣದಲ್ಲಿ ಆಯೋಜಿಸಿದ ಪರಿಸರ ದಿನಾಚರಣೆಯ ಸಸಿ ನೆಟ್ಟು ನೀರುನಿಸಿ ಅವರು ಮಾತನಾಡಿದರು. ಈಗ ಮಾನವನ ಈ ದುರಾಸೆಯಿಂದ ಗಾಳಿ, ನೀರು, ಮಣ್ಣು ಮುಂತಾದ ಪರಿಸರದ ಪ್ರತಿಯೊಂದು ಅಂಶವೂ ಕಲುಷಿತಗೊಂಡಿದೆ. ಮನುಷ್ಯ ತನ್ನ ಅಭಿವೃದ್ಧಿಗಾಗಿ ತನಗೆ ಅರಿವಿಲ್ಲದಂತೆ ಪರಿಸರವನ್ನು ಹಾಳು ಮಾಡುತ್ತಿದ್ದಾನೆ. ಹೀಗಾಗಿ ಪ್ರತಿಯೊಬ್ಬರಲ್ಲೂ ಪರಿಸರದ ಬಗ್ಗೆ ಕಾಳಜಿ ಮೂಡಿಬೇಕಾಗಿದೆ. ಪ್ರತಿ ಮನುಷ್ಯನಲ್ಲೂ ಜಾಗೃತಿ ಮೂಡಿಸುವುದು ಮತ್ತು ಪರಿಸರವನ್ನು ಹಾಳು ಮಾಡುವುದನ್ನ  ತಡೆಯಬೇಕಾಗಿದೆ ಎಂದರು. ಆಡಳಿತಾಧಿಕಾರಿ ರಾಹುಲ್ ನಾಡಗೌಡ, ಮಾನವ ಸಂಪನ್ಮೂಲ ಅಧಿಕಾರಿ ಮಾಧವ ಜೋಶಿ, ಪ್ರದೀಪ ಗುರಾಣಿ, ಸಂಗಮೇಶ ಕುಡ್ಲಿ, ಎಸ್‌.ಆರ್ ಕೆ ಹುಸೇನ್, ಡಿ.ಆರ್‌.ಮುದರಡ್ಡಿ, ರಮೇಶ್ ಹಿರೇಕುರಬರ, ಶೇಖರ ಶಿಂಗರಡ್ಡಿ, ಬಿ.ಜಿ.ಗುರವ, ಸಿದರಾಯಿ ಪಾಟೀಲ್, ಶ್ರೀಶೈಲ ನಂದಿಹಾಳ ಇತರರು ಇದ್ದರು.