ಬೆಂಗಳೂರು 31 :  ಖ್ಯಾತ ಸಂಗೀತ ನಿರ್ದೆಶಕರಾದ ಬೆಂಗಳೂರಿನ ಲಕ್ಷ್ಮಣ ಸುವರ್ಣ ಅವರಿಗೆ ಇದೇ ದಿ. 26 ರಂದು ದುಬೈ ನಲ್ಲಿ ನಡೆದ 55 ನೇ ಕಲ್ಚರಲ್ ಪೆಸ್ಟ್‌ ಮತ್ತು ಕಲ್ಚರಲ್ ಎಕ್ಸೆಂಜ್  ಕಾರ್ಯಕ್ರಮದಲ್ಲಿ ಅವರಿಗೆ ಗೋಲ್ಡನ್ ಐಕಾನಿಕ್ ಅವಾರ್ಡ ನೀಡಿ ಗೌರವಿಸಿದರು. ಹಲವಾರು  ವರ್ಷಗಳಿಂದ ಸಂಗೀತಕ್ಷೇತ್ರದಲ್ಲಿ ತಮ್ಮದೇ ಸೇವೆ ಸಲ್ಲಿಸುತ್ತಿರುವದನ್ನು ಗುರುತಿಸಿ ದುಬೈನಲ್ಲಿ ಗೋಲ್ಡನ್ ಐಕಾನಿಕ್ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿತ್ತು. ಲಕ್ಷ್ಮಣ ಸುವರ್ಣ ಅವರಿಗೆ ಈಗಾಗಲೇ ಕರ್ನಾಟಕ ನಾಟಕ ಅಕಾಡೆಮಿ ಪ್ರಶಸ್ತಿ, ಕೆಂಪೇಗೌಡ ಪ್ರಶಸ್ತಿ ಸೇರಿದಂತೆ ನೂರಾರು ಪ್ರಶಸ್ತಿಗಳು ಲಭಿಸಿವೆ. ದುಬೈನಲ್ಲಿ ಕೊಡ ಮಾಡುವ ಇಂತಹ ಉತ್ಕೃಷ್ಠ ಪ್ರಶಸ್ತಿ ಲಭಿಸಿರುವದಕ್ಕೆ ವಿಕೆಎಂ ಕಲಾವಿದರ ಸಂಘಟನೆ, ಸಂಗೀತ ಕ್ಷೇತ್ರದ ಹಲವು ಮಹನೀಯರು ಲಕ್ಷ್ಮಣ ಸುವರ್ಣ ಅವರನ್ನು ಅಭಿನಂದಿಸಿದ್ದಾರೆ.