ಲೋಕದರ್ಶನ ವರದಿ 

ಯರಗಟ್ಟಿ 05 :  ಪಟ್ಟಣದ ಮಹಾಂತ ದುರದುಂಡಿಶ್ವರ ಮಠ ಪೀಠಾಧಿಪಿಗಳಾದ ಲಿಂ. ಮಹಾಂತ ಶಿವಯೋಗಿಗಳ 156ನೇ ಜಯಂತ್ಯೋತ್ಸವದ ನಿಮಿತ್ಯ ಜು. 07 ರಂದು ಬೆಳಿಗ್ಗೆ 06-00 ಗಂಟೆಗೆ ಶ್ರೀಗಳ ಕರ್ತೃ ಗದ್ದುಗೆಗೆ ರುದ್ರಾಭಿಷೇಕ ಹಾಗೂ ಸಹಸ್ರ ಬಿಲ್ವಾರ್ಚನೆ ಜರಗುವುದು. ಸಂಜೆ 04-00 ಗಂಟೆಗೆ ಸಕಲ ವಾಧ್ಯಗೋಷ್ಠಿಗಳೊಂದಿಗೆ ಶ್ರೀಗಳ ಭಾವಚಿತ್ರ ಮೆರವಣಿಗೆ ಹಾಗೂ ಪಲ್ಲಕ್ಕಿ ಉತ್ಸವ ನಂತರ ತೋಟ್ಟಿಲೋತ್ಸವ ಕಾರ್ಯಕ್ರಮ ಹಾಗೂ ಸಂಜೆ ಶ್ರೀಗಳಿಗೆ ನುಡಿ ನಮನ ವೇದಿಕೆ ಕಾರ್ಯಕ್ರಮ ಜರಗುವುದು. 

ಕಾರ್ಯಕ್ರಮದಲ್ಲಿ ಮುನವಳ್ಳಿ ಸೋಮಶೇಖರ ಮಠ ಪೂಜ್ಯ ಮುರಘೇಂದ್ರ ಮಹಾಸ್ವಾಮಿಗಳು, ಉಪ್ಪಿನಬೇಟಗೇರಿ ಮೂರು ಸಾವಿರ ವಿರಕ್ತಮಠದ ಕುಮಾರ ವಿರುಪಾಕ್ಷ ಮಹಾಸ್ವಾಮಿಗಳು ಸಾನಿಧ್ಯವನ್ನು ವಹಿಸುವವರು, ಉದ್ಘಾಟಕರಾಗಿ ಶಾಸಕರ ವಿಶ್ವಾಸ ವೈದ್ಯ, ಅಧ್ಯಕ್ಷತೆಯನ್ನು ಶ್ರೀಮಠದ ಅಧ್ಯಕ್ಷ ಮಹಾಂತೇಶ ಜಕಾತಿ, ಮುಖ್ಯತಿಥಿಗಳಾಗಿ ತಹಶೀಲ್ದಾರ ಎಮ್‌. ವ್ಹಿ. ಗುಂಡಪ್ಪಗೋಳ, ಮಾಜಿ ಗ್ರಾ. ಪಂ. ಅಧ್ಯಕ್ಷರಾದ ಅಶೋಕ ಹಾದಿಮನಿ, ವಿಠ್ಠಲ ತಡಸಲೂರ, ಪ್ರಕಾಶ ಸತ್ತಿಗೇರಿ, ಕುಮಾರ ಹಿರೇಮಠ ಸೇರಿದಂತೆ ಅನೇಕ ಗಣ್ಯ ಮಾನ್ಯರು ಪಾಲಗೊಳ್ಳುವವರು ಎಂದು ಶ್ರೀಮಠದ ಮೂಲಗಳು ಪ್ರಕಟಣ ಮೂಲಕ ತಿಳಿಸಿದ್ದಾರೆ.