ಮೋಳೆ ಗ್ರಾ.ಪಂ.ಗೆ ಶೋಭಾ ಕೌಲಗಿ ಅವಿರೋಧ ಆಯ್ಕೆ  

ಕಾಗವಾಡ 15 : ತಾಲೂಕಿನ ಮೋಳೆ ಗ್ರಾಮ ಪಂಚಾಯತಿ ಒಂದನೇ ವಾರ್ಡಿನ ಸದಸ್ಯೆಯಾಗಿದ್ದ ಅಲಖಾ ಭೂಪಾಲ ಕೌಲಗಿ  ಹೃದಯಾಘಾತದಿಂದ ಇತ್ತಿಚಿಗೆ ಮೃತಳಾಗಿದ್ದು, ಸ್ಥಾನಕ್ಕೆ ಚುನಾವಣೆ ಘೋಷಣೆಯಾಗಿದ್ದು, ಮೋಳೆ ಗ್ರಾ.ಪಂ. ಒಂದನೇ ವಾರ್ಡಿನ ಸದಸ್ಯ ಸ್ಥಾನಕ್ಕೆ ಮೂರು ಜನ ನಾಮಪತ್ರ ಸಲ್ಲಿಕೆ ಮಾಡಿದ್ದರು. ಅನಿತಾ ಸುಭಾಸ ಕಣವಿ, ಇಂದುಮತಿ ಅಣ್ಣಪ್ಪ ಬೊರಗಾಂವೆ ಹಾಗೂ ಶೋಭಾ ಅಣ್ಣಪ್ಪ ಕೌಲಗಿ ಮೂವರು ನಾಮಪತ್ರ ಸಲ್ಲಿಕೆ ಮಾಡಿದರು.ಶುಕ್ರವಾರ ದಿ. 15 ರಂದು ನಾಮ ಪತ್ರ ಹಿಂಪಡೆಯುವ ಕೊನೆಯ ದಿನವಾಗಿದ್ದು, ಇಂದು ಅನಿತಾ ಸುಭಾಸ ಕಣವಿ ಹಾಗೂ ಇಂದುಮತಿ ಅಣ್ಣಪ್ಪ ಬೊರಗಾಂವೆ ತಮ್ಮ ನಾಮ ಪತ್ರಗಳನ್ನು ಹಿಂಪಡೆದಿದ್ದು, ಶೋಭಾ ಅಣ್ಣಪ್ಪ ಕೌಲಗಿ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.  

ಈ ಸಂಧರ್ಭದಲ್ಲಿ ಚುನಾವಣೆಯಾಧಿಕಾರಿಯಾದ ಚೇತನ ದೇವಮೋರೆ, ಸಹಾಯಕ ಚುನಾವಣಾಧಿಕಾರಿ ದಾನಮ್ಮ ಸಜ್ಜನ್ನ, ಮೋಳೆ ಗ್ರಾಮ ಲೆಕ್ಕಾಧಿಕಾರಿ ಕೆ.ಕೆ. ಕುಲಕರ್ಣಿ ಹಾಗೂ ಗ್ರಾ.ಪಂ. ಸಿಬ್ಬಂದಿ ಗುರಪಾದಯ್ಯ ಮಠದ ಉಪಸ್ಥಿತರಿದ್ದರು.