ಬೆಳಗಾವಿ 22 : ನಗರದ ಈಫಾ ಹೋಟೆಲ್ನಲ್ಲಿ ಲರ್ನಿಂಗ್ ಲಿಂಕ್ಸ್‌ ಫೌಂಡೇಶನ್ ವತಿಯಿಂದ ಶೆಲ್ ನೆಕ್ಸ್‌ ಪ್ಲೋರರ್ಸ್‌ ಶಿಕ್ಷಕರ ವೃತ್ತಿಪರ ಅಭಿವೃದ್ಧಿ ರಿಫ್ರೆಶರ್ ತರಬೇತಿ-7 ಕಾರ್ಯಕ್ರಮ ನಡೆಯಿತು. ಬೆಳಗಾವಿಯ 20 ಶಾಲೆಗಳ 25 ಶಿಕ್ಷಕರು ತರಬೇತಿಯಲ್ಲಿ ಭಾಗವಹಿಸಿದ್ದರು. ಸೀನಿಯರ್ ಫೌಂಡೇಶನ್ ವಿಷಯವಸ್ತು, ಪ್ರಾಜೆಕ್ಟ್‌ ಅಭಿವೃದ್ಧಿ, ಸ್ಪರ್ಧೆಗಳು, ಎನರ್ಜಿ ಕ್ಲಬ್ಗಳ ಪರಿಣಾಮಗಳು ಹಾಗೂ ವಿಶ್ವಸಂಸ್ಥೆಯ ಸುಸ್ಥಿರ ಅಭಿವೃದ್ಧಿ ಗುರಿಗಳ ಕುರಿತು ತರಬೇತಿ ನೀಡಲಾಯಿತು. ನೈಜ ಜೀವನದ ಸಮಸ್ಯೆಗಳನ್ನು ಗುರುತಿಸಿ ನವೀನ ಪರಿಹಾರಗಳನ್ನು ರೂಪಿಸಲು ಹಾಗೂ ವಿವಿಧ ಸ್ಪರ್ಧೆಗಳಲ್ಲಿ ಭಾಗವಹಿಸಲು ವಿದ್ಯಾರ್ಥಿಗಳನ್ನು ಪ್ರೇರೇಪಿಸುವ ವಿಧಾನಗಳ ಕುರಿತು ಶಿಕ್ಷಕರಿಗೆ ಪ್ರಾಯೋಗಿಕ ಮಾರ್ಗದರ್ಶನ ನೀಡಲಾಯಿತು. ಸೃಜನಶೀಲತೆ, ವಿಮರ್ಶಾತ್ಮಕ ಚಿಂತನೆ, ಸಂವಹನ, ಸಹಯೋಗ ಮತ್ತು ಸಮಸ್ಯೆ ಪರಿಹಾರದಂತಹ 21ನೇ ಶತಮಾನದ ಕೌಶಲ್ಯಗಳ ಮೂಲಕ ವಿದ್ಯಾರ್ಥಿಗಳಲ್ಲಿ ನಾವೀನ್ಯತೆ ಬೆಳೆಸಲು ಒತ್ತು ನೀಡಲಾಯಿತು. ಕಾರ್ಯಕ್ರಮಕ್ಕೆ ಸಂಬಂಧಿಸಿದ ಸಿಬ್ಬಂದಿ ಸಹಕಾರ ನೀಡಿದರು.