ಲೋಕದರ್ಶನ ವರದಿ 

ಆಲಮೇಲ, ಆ. 29: ಪಟ್ಟಣದ ಪ್ರಜಾಪಿತ ಬ್ರಹ್ಮಕುಮಾರಿ ಈಶ್ವರೀಯ ವಿಶ್ವವಿದ್ಯಾಲಯ ಕೇಂದ್ರದಲಿ ಸಹೋದರ-ಸಹೋದರಿಯರಿಗಾಗಿ ರಕ್ಷಾಬಂಧನ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು.  ಕಾರ್ಯಕ್ರಮದಲ್ಲಿ ಬಿ.ಕೆ. ರೇಣುಕಾ ಅಕ್ಕನ ಸಹೋದರ-ಸಹೋದರಿಯರಿಗೆ ರಕ್ಷೆ ಕಟ್ಟಿ, ಹಣೆಗೆ ತಿಲಕವಿಟ್ಟು ರಕ್ಷಾಬಂಧನ ಆಚರಿಸಿದರು.  ಬಳಿಕ ಮಾತನಾಡಿದ ಅವರು, ಬಾಬಾ ಅವರ ಜೀವನ ಚರಿತ್ರೆ ಹಾಗೂ ಮಹಾತ್ಮರ ಸ್ಮರಣೆ ಮೂಲಕ ಮಾನವನಲ್ಲಿ ಪರಮಾತ್ಮನ ಧ್ಯಾನದ ಅರಿವು ಮೂಡಿಸಿ, ಶಾಂತಿಯ ಮಾರ್ಗದರ್ಶನ ನೀಡಬಹುದು. ಸ್ವಯಂ ಪರಿವರ್ತನೆಯಿಂದ ವಿಶ್ವ ಪರಿವರ್ತನೆ ಸಾಧ್ಯ ಎಂದು ಹೇಳಿದರು.  ಡಾ. ಮಂಜುಷಾ ಪಾಟೀಲ, ಅಪ್ಪು ಶೆಟ್ಟಿ ಹಾಗೂ ಭಾಗ್ಯಶ್ರೀ ಅಕ್ಕ ಅವರು ಪ್ರಾಸ್ತಾವಿಕವಾಗಿ ಮಾತನಾಡಿದರು.  ಕಾರ್ಯಕ್ರಮದ ನಂತರ ಸಹೋದರ-ಸಹೋದರಿಯರು ಪ್ರಸಾದ ಸ್ವೀಕರಿಸಿದರು.