ಲೋಕದರ್ಶನ ವರದಿ 

ಜಮಖಂಡಿ 15: ನಗರದ ಸಂಜಯ ಚಲವಾದಿ ದಂಪತಿ ಮಗಳಾದ ಪ್ರೇರಣಾ ಚಲವಾದಿ ಅವರು ದ್ವೀತಿಯ ಪಿಯುಸಿಯಲ್ಲಿ 600ಕ್ಕೆ 592 ಅಂಕಗಳನ್ನು ಪಡೆದುಕೊಂಡು ತಾಲೂಕಿಗೆ ಕೀರ್ತಿಯನ್ನು ತಂದಿದ್ದಾಳೆಂದು ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷ ಸಂತೋಷ ತಳಕೇರಿ ಹೇಳಿದರು. 

ನಗರದ ಹೊರವಲಯದಲ್ಲಿ ಇರುವ ಸಂಜಯ ಚಲವಾದಿ ಅವರ ಮನೆಗೆ ಭೇಟಿ ನೀಡಿ. ಬಸವ ಟ್ರಸ್ಟ್‌ ಸಮಿತಿ ವತಿಯಿಂದ ಪ್ರೇರಣಾ ತಂದೆ-ತಾಯಿಯವರಿಗೆ ಸನ್ಮಾನಿಸಿ ಮಾತನಾಡಿದ ಅವರು, ಪ್ರೇರಣಾ ಅವರು ತಮ್ಮ ಕಠಿಣ ಪರಿಶ್ರಮದ ವಿದ್ಯಾಭ್ಯಾಸವನ್ನು ಮಾಡುವ ಜೊತೆಗೆ ಮನೆಯಲ್ಲಿ ತಂದೆ-ತಾಯಿಗಳ ಪ್ರೋತ್ಸಾಹದಿಂದ ದ್ವೀತಿಯ ಪಿಯುಸಿಯಲ್ಲಿ ಹೆಚ್ಚು ಅಂಕಗಳನ್ನು ಪಡೆದುಕೊಂಡು ಸಾಧನೆಯನ್ನು ಮಾಡಿದ್ದಾಳೆ ಮುಂದೆಬರುವ ಮಕ್ಕಳಿಗೆ ಸ್ಪೂರ್ತಿಯಾಗಿದ್ದಾಳೆ ಎಂದರು. 

ಪ್ರೇರಣಾ ತಂದೆಯವರು ತಮ್ಮ ಮಕ್ಕಳ ಕುರಿತು ಅವಳ ಪರಿಶ್ರಮ, ಸಾಧನೆ, ಓದುವ ಅಭಿರುಚಿಯ ಬಗ್ಗೆ ಅನಿಸಿಕೆಗಳನ್ನು ಹಂಚಿಕೊಂಡರು. ಇದೇ ಸಂದರ್ಭದಲ್ಲಿ ಬಸವ ಟ್ರಸ್ಟ್‌ ಸಮಿತಿಯ ಪದಾಧಿಕಾರಿಗಳಾದ ಎ,ಆರ್,ಹೊಸಮನಿ, ಪ್ರಭು ಬಿದರಿ, ಅರವಿಂದ ನವನಿ, ಮಹದೇವ ಪೋತರಾಜ, ಜಗದೀಶ ಕಾಂಬಳೆ, ಟಿ,ಎಸ್,ನಾಗರಾಳ, ಶ್ರೀಶೈಲ್ ಚಲವಾದಿ, ನಿಜವ್ವ ಚಲವಾದಿ ಹಾಗೂ ಚಲವಾದಿ ಸಮಾಜದ ಅಧ್ಯಕ್ಷ ಶಶಿಕಾಂತ ತೇರದಾಳ, ಪತ್ರಕರ್ತರಾದ ಯಶವಂತ ಕಲೂತಿ, ರವಿ ದೊಡಮನಿ ಇದ್ದರು.