ಪೋಷಕರು ಮಕ್ಕಳ ವಿದ್ಯಾಭ್ಯಾಸದ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸಬೇಕು.:  ನಾಗರಾಜ್ ಬಣಕಾರ

ರಾಣೇಬೆನ್ನೂರು 15 :  ಪೋಷಕರು ಮಕ್ಕಳ ವಿದ್ಯಾಭ್ಯಾಸದ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸಬೇಕು. ಶಿಕ್ಷಕರು ಜೊತೆಗೂಡಿ ವಿದ್ಯಾಭ್ಯಾಸದ ಜೊತೆ  ಕೈ ಜೋಡಿಸಿ ತಮ್ಮ ಮಕ್ಕಳು ಓದುವದರ ಕಡೆಗೆ ಗಮನಹರಿಸಿದಾಗ ಮಾತ್ರ ಮಕ್ಕಳು ಉತ್ತಮ ಗುಣಮಟ್ಟದ ಶಿಕ್ಷಣ ಪಡೆಯಲು ಸಹಕಾರಿಯಾಗಲಿದೆ ಎಂದು ಶಾಲಾ ಮುಖ್ಯೋಪಾಧ್ಯಾಯ ನಾಗರಾಜ್ ಬಣಕಾರ ಹೇಳಿದರು. ಅವರು, ಶುಕ್ರವಾರ ಹುಲಿಕಟ್ಟಿ ಗ್ರಾಮದ ಸರ್ಕಾರಿ ಪ್ರೌಢಶಾಲೆಯಲ್ಲಿ  ನಡೆದ ಮಕ್ಕಳ ದಿನಾಚರಣೆ- ಪಾಲಕರ ಮಹಾಸಭೆ ಹಾಗೂ ಜವಾಹರಲಾಲ್ ನೆಹರು ಅವರ ಜನ್ಮ ದಿನಾಚರಣೆ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.  ಗ್ರಾಮದ ಹೆಸರು ಉನ್ನತ ಮಟ್ಟದಲ್ಲಿ ಬರಬೇಕಾದರೆ ಮಕ್ಕಳ ಪಾಲಕರು ತಮ್ಮ ಮಕ್ಕಳಿಗೆ ಶಿಕ್ಷಣ ಪೂರೈಕೆ ಕುರಿತು ಮಾಹಿತಿ ಮತ್ತು ಮಾರ್ಗದರ್ಶನ ನೀಡಬೇಕು. ಶಿಕ್ಷಣ ಕೊಡಿಸುವುದು ಪಾಲಕರ ಹಕ್ಕಾದರೇ ಶಿಕ್ಷಣ ಕಲಿಯುವುದು ಮಕ್ಕಳ ಹಕ್ಕು ಅದಕ್ಕೆ ಶಿಕ್ಷಕರು ಅತ್ಯಂತ ಉತ್ಸಾಹದಿಂದ ಗುಣಮಟ್ಟದ ಶಿಕ್ಷಣ ನೀಡಲು ಮುಂದಾಗುತ್ತಾರೆ ಎಂದರು. ಕಾರ್ಯಕ್ರಮವು ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆ, ಕ್ಷೇತ್ರ ಶಿಕ್ಷಣಾಧಿಕಾರಿಗಳ, ಕ್ಷೇತ್ರ ಸಮನ್ವಯಾಧಿಕಾರಿಗಳ ಕಾರ್ಯಾಲಯ, ಶಾಲಾಭಿವೃದ್ಧಿ ಮೇಲುಸ್ತುವಾರಿ ಸಮಿತಿ   ಸಂಯುಕ್ತವಾಗಿ ಆಯೋಜಿಸಿತ್ತು. ಎಸ್ಡಿಎಂಸಿ ಅಧ್ಯಕ್ಷ ಹಾಲಸಿದ್ದಪ್ಪ ಕುಡುಪಲಿ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು.  ವೇದಿಕೆಯಲ್ಲಿ ನಾಮ ನಿರ್ದೇಶನ ಸದಸ್ಯ ಚಂದ್ರ​‍್ಪ ಬಣಕಾರ,  ಎಸ್‌. ಡಿ.ಎಂ. ಸಿ  ಉಪಾಧ್ಯಕ್ಷ ಚಂದ್ರಗೌಡ ಕೆಂಚನಗೌಡ್ರ, ಸದಸ್ಯರುಗಳಾದ ರೇವಣಸಿದ್ದಪ್ಪ ಮುರುಡಪ್ಪನವರ, ರೇವಣಪ್ಪ ಗಡ್ಡದವರ, ರಾಜಪ್ಪ ಹೊಳಲು,  ಚಂದ್ರಮ್ಮ ಮಸಲಾಡದ,  ಜ್ಯೋತಿ ಮುದಿಗೌಡ್ರು,  ಸುಮಾ ಕೋಲಕಾರ, ಹನುಮಂತಪ್ಪ ಕೋಲಕಾರ, ಸೇರಿದಂತೆ ಮಕ್ಕಳ ಪಾಲಕರು  ಗ್ರಾಮಸ್ಥರು ಶಾಲಾ  ಶಿಕ್ಷಕರು ಸಿಬ್ಬಂದಿ ಮತ್ತು ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.