ತಾಳಿಕೋಟಿ 2: ರಾಷ್ಟ್ರೀಯ ವೈದ್ಯರ ದಿನಾಚರಣೆ ಪ್ರಯುಕ್ತ ಲೋಟಸ್ ಫಾರ್ಮ್ಸಿ ಹಾಗೂ ನರ್ಸಿಂಗ್ ಕಾಲೇಜ್ ವತಿಯಿಂದ ಪಟ್ಟಣದ ಸಮುದಾಯ ಕೇಂದ್ರ ಹಾಗೂ ಖಾಸಗಿ ಆಸ್ಪತ್ರೆಯ ವೈದ್ಯರಿಗೆ ಸನ್ಮಾನಿಸಿ ಗೌರವ ಸಮರ್ಪಣೆ ಸಲ್ಲಿಸಲಾಯಿತು.

ಮಂಗಳವಾರ ರಾಷ್ಟ್ರೀಯ ವೈದ್ಯರ ದಿನಾಚರಣೆ ಅಂಗವಾಗಿ ಪಟ್ಟಣದ ಲೋಟಸ್ ಕಾಲೇಜ್ ಆಡಳಿತ ಮಂಡಳಿ ಸದಸ್ಯರು ಉಪನ್ಯಾಸಕರು ಹಾಗೂ ವಿದ್ಯಾರ್ಥಿಗಳು ಸ್ಥಳೀಯ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ಭೇಟಿ ನೀಡಿ ಅಲ್ಲಿರುವ ಮುಖ್ಯ ವೈದ್ಯಾಧಿಕಾರಿ ಡಾ.ವಿಜಯಲಕ್ಷ್ಮಿ ಹಜೇರಿ,ಡಾ.ಅರುಣ ಕುಮಾರ ಮದರಕಲ್ಲ, ಸಾಯಿ ಆಸ್ಪತ್ರೆಯ ಡಾ. ಗಂಗಾಂಬಿಕಾ ಪಾಟೀಲ ಹಾಗೂ ಮಕ್ಕಳ ಆಸ್ಪತ್ರೆಯ ಡಾ. ಪ್ರಕಾಶ ಪಾಟೀಲ ಇವರನ್ನು ರಾಷ್ಟ್ರೀಯ ವೈದ್ಯರ ದಿನಾಚರಣೆಯ ಶುಭಾಶಯಗಳನ್ನು ತಿಳಿಸಿ ಸನ್ಮಾನಿಸಿ ಗೌರವಿಸಿದರು. ಈ ಸಮಯದಲ್ಲಿ ಲೋಟಸ್ ಕಾಲೇಜ ಆಡಳಿತಾಧಿಕಾರಿ ಡಾ.ಎ.ಎಂ.ನಮಾಜಕಟ್ಟಿ, ಪ್ರಾಚಾರ್ಯ ಚೌಧರಿ,ಕಾರ್ಯದರ್ಶಿ ಎನ್‌.ಎಂ. ಸಮಾಜಕಟ್ಟಿ, ಉಪನ್ಯಾಸಕಿಯರಾದ ಈಶ್ವರಿ,ಅರ್ಬಾಜ್ ಹಾಗೂ ವಿದ್ಯಾರ್ಥಿಗಳು ಇದ್ದರು.