ಮುಂಡಗೋಡ  29: ಮುಂಡಗೋಡ  ತಾಲೂಕು ಒಕ್ಕಲುತನ ಹುಟ್ಟುವಳಿ ಮಾರಾಟ ಸಹಕಾರ ಸಂಘ (ಮಾರ್ಕೆಟಿಂಗ್ ಸೊಸೈಟಿ)ದ ನಿರ್ದೇಶಕರ ಚುನಾವಣೆಯಲ್ಲಿ ಶಾಸಕ ಶಿವರಾಮ ಹೆಬ್ಬಾರ ಬೆಂಬಲಿಗರು ಜಯ ಸಾಧಿಸಿದ್ದು  ಬಿಜೆಪಿ ಬೆಂಬಲಿತ ಅಭ್ಯರ್ಥಿಗಳು ಭಾರಿ ಮುಖಭಂಗವಾಗಿದೆ. 

ಇಲ್ಲಿನ ಮಾರ್ಕೇಟಿಂಗ್ ಸೊಸೈಟಿ ಚುನಾವಣೆಯಲ್ಲಿ ಆಯ್ಕೆಯಾದ ನೂತನ ನಿರ್ದೇಶಕರಾಗಿ ಪರಶುರಾಮ ತಹಶೀಲ್ದಾರ, ಕಾಂತರಾಜ ನಾಯ್ಕ, ಮಹಮ್ಮದ್ ರಫೀಕ್ ದೇಸಳ್ಳಿ, ವಿಠ್ಠಲ್ ಚಿಗಪ್ಪನವರ, ಸುರೇಶ ಸುಭಾಂಜಿ, ಸಿದ್ದಪ್ಪ ಹಡಪದ, ರವಿಗೌಡ  ಪಾಟೀಲ, ಅಮರ ಗಾಣಗೇರ, ತಿರುಪತಿ ವಡ್ಡರ, ಹನುಮಂತಪ್ಪ ಕಂಬಾರ, ರತ್ನಾ ಕೊಳಗಿ, ರೇಖಾ ಭದ್ರಾಪುರ, ಮಹೃದಗೌಸ ಮತಾಂದಾರ, ಬಾಬುರಾಯ ಲಾಡನವರ್ ಆಯ್ಕೆಯಾಗಿದ್ದಾರೆ. ಶನಿವಾರ ನಡೆದ ಚುನಾವಣೆಯಲ್ಲಿ ಶಾಸಕ ಶಿವರಾಮ ಹೆಬ್ಬಾರ್ ಬೆಂಬಲಿಗರು 14 ಅಭ್ಯರ್ಥಿಗಳು 14 ಸ್ಥಾನಗಳಲ್ಲಿಯೂ ಭರ್ಜರಿ ಜಯ ಸಾಧಿಸಿದ್ದಾರೆ.ಮಾರ್ಕೆಟಿಂಗ್ ಸೊಸೈಟಿ ಚುನಾವಣೆಯಲ್ಲಿ ಬಿಜೆಪಿ ಬೆಂಬಲಿತ ಅಭ್ಯರ್ಥಿಗಳು ಸೋಲನ್ನು ಅನುಭವಿಸಿದ್ದಾರೆ. ಬಿಜೆಪಿ ಬೆಂಬಲಿತರಿಗೆ ಮುಜುಗರವಾಗಿದೆ. ಮುಂಡಗೋಡ ಮಾರ್ಕೇಟಿಂಗ್ ಸೊಸೈಟಿ ಚುನಾವಣೆಯಲ್ಲಿ ಕಾಂಗ್ರೆಸ್ ಬೆಂಬಲಿತ 14 ಅಭ್ಯರ್ಥಿಗಳು 14 ಸ್ಥಾನಗಳನ್ನೂ ಭರ್ಜರಿ ಬಹುಮತದಿಂದ ಗೆದ್ದು ಮತ್ತೊಮ್ಮೆ ಜನರ ನಂಬಿಕೆ ಗಳಿಸಿದ್ದಾರೆ. ಈ ಜಯವು ಜನಸಾಮಾನ್ಯರ ವಿಶ್ವಾಸಕ್ಕೆ ಪ್ರತೀಕವಾಗಿದ್ದೆ. ಶಾಸಕ ಶಿವರಾಮ ಹೆಬ್ಬಾರ ರವರು ಮುಂಡಗೋಡ  ಮಾರ್ಕೆಟಿಂಗ್ ಸೊಸೈಟಿಗೆ ಆಯ್ಕೆಯಾದ ನೂತನ ನಿರ್ದೇಶಕರಿಗೆ ಅಭಿನಂದನೆ ಸಲ್ಲಿಸಿದ್ದರು. 

ಈ ಸಂದರ್ಭದಲ್ಲಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಕೃಷ್ಣ ಹಿರೇಹಳ್ಳಿ, ಧುರೀಣ ರವಿಗೌಡ ಪಾಟೀಲ, ಧರ್ಮರಾಜ ನಡಗೇರಿ, ಮುಂತಾದವರು ಉಪಸ್ಥಿತರಿದ್ದರು.