ಶಿರಹಟ್ಟಿ 20 : ಪ್ರಧಾನಿ ನರೇಂದ್ರ ಮೋದಿಯವರ 75 ನೇ ಹುಟ್ಟು ಹಬ್ಬದ ಪ್ರಯುಕ್ತ ನಗರ ಬಿಜೆಪಿ ಘಟಕದ ವತಿಯಿಂದ ಪಟ್ಟಣದ ಸರಕಾರಿ ಆರೋಗ್ಯ ಕೇಂದ್ರದಲ್ಲಿರುವ ರೋಗಿಗಳಿಗೆ ಹಾಲು, ಹಣ್ಣು ಹಾಗೂ ಬ್ರೇಡ್ ವಿತರಣೆ ಮಾಡಿದರು. 

ಈ ವೇಳೆ ಬಿಜೆಪಿ ನಗರ ಘಟಕದ ಅಧ್ಯಕ್ಷ ನಾಗರಾಜ ಲಕ್ಕುಂಡಿ ಮಾತನಾಡುತ್ತಾ, ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ತ್ಯಾಗ ಮತ್ತು ಸಮರೆ​‍್ಣಯ ಸಂಕೇತವಾಗಿದ್ದು, ಲಕ್ಷಾಂತರ ದೇಶವಾಸಿಗಳಿಗೆ ಸ್ಫೂರ್ತಿಯಾಗಿದ್ದಾರೆ. ತಮ್ಮ ಐದು ದಶಕಗಳ ಸಾರ್ವಜನಿಕ ಜೀವನದಿಂದ ದೇಶವಾಸಿಗಳ ಕಲ್ಯಾಣಕ್ಕಾಗಿ ನಿರಂತರವಾಗಿ ಮತ್ತು ದಣಿವರಿಯದೆ ಶ್ರಮಿಸುತ್ತಿದ್ದಾರೆ. ಪ್ರತಿಯೊಬ್ಬ ನಾಗರಿಕನಿಗೂ 'ರಾಷ್ಟ್ರ ಮೊದಲು' ಎಂಬುದನ್ನು ತೋರಿಸಿದಕೊಟ್ಟಿದ್ದಾರೆ ಎಂದರು. 

ಲಕ್ಷಾಂತರ ದೇಶವಾಸಿಗಳ ಜೀವನದಲ್ಲಿ ಊಹಿಸಲಾಗದ ಬದಲಾವಣೆಯನ್ನು ತಂದ ಮತ್ತು ಅವರು 'ಅಭಿವೃದ್ಧಿ ಹೊಂದಿದ' ಮತ್ತು 'ಸ್ವಾವಲಂಬಿ ಭಾರತ'ವನ್ನು ನಿರ್ಮಿಸುವ ಪ್ರಯಾಣದೊಂದಿಗೆ ಸಂಪರ್ಕಿಸಿದ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ ಬಗ್ಗೆ ಇಡೀ ದೇಶವು ಹೆಮ್ಮೆಪಡುತ್ತಿದೆ. ಇವರು ವಿಶ್ವಕಂಡ ಮಹಾನನಾಯಕ ಎಂದು ಹೇಳಿದರು. 

ಈ ಸಂದರ್ಭದಲ್ಲಿ ಜೆ ಆರ್‌. ಕುಲಕರ್ಣಿ, ಸಂದೀಪ ಕಪ್ಪತ್ತನವರ, ರಾಮಣ್ಣ ಕಂಬಳಿ, ಪರಶುರಾಮ ಡೊಂಕಬಳ್ಳಿ, ನಂದಾ ಪಲ್ಲೇದ, ಯಲ್ಲಪ್ಪ ಇಂಗಳಗಿ, ಬಸವರಾಜ ವಡವಿ, ಪ್ರವೀಣ ಹೊಸೂರ, ವಿಠ್ಠಲ ಬಿಡವೆ, ಶರಣು ಹೊಸೂರ, ಪ್ರವೀಣಗೌಡ ಪಾಟೀಲ, ಫಕ್ಕೀರೇಶ ಕರಿಗಾರ, ಅಕ್ಬರಸಾಬ ಯಾದಗಿರಿ, ಮಂಜುನಾಥ ಕಾಳಗಿ ಹಾಗೂ ನರೇಂದ್ರ ಮೋದಿ ಅಭಿಮಾನಿ ಬಳಗದವರು ಇದ್ದರು.