ಬೆಳಗಾವಿ, ಏ.11: ನಗರದ ಜೆಜಿಐ ಸಂಸ್ಥೆಯ ಜೈನ ಪದವಿ ಪೂರ್ವ ಕಾಲೇಜಿನ ದ್ವಿತೀಯ ಪಿಯುಸಿಯ ಉತ್ತಮ ಫಲಿತಾಂಶ ಆಗಿದ್ದು, ವಿಜ್ಞಾನ ವಿಭಾಗದಲ್ಲಿ ಪ್ರತಿಶತ ಶೇ. 86.52 ಹಾಗೂ ವಾಣಿಜ್ಯ ವಿಭಾಗದಲ್ಲಿ ಶೇಕಡಾ 83.92 ರಷ್ಟು ಫಲಿತಾಂಶ ಲಭಿಸಿದೆ.   

ವಿಜ್ಞಾನ ವಿಭಾಗದಲ್ಲಿ ಸಿಂಚನ ಸುರೇಶ್ ಹುಕ್ಕೇರಿ ಶೇ. 98.67 ಸಿದ್ಧಾರ್ಥ್‌ ಕರೆಗಾರ ಶೇ. 97.83 ಹಾಗೂ ಗೌರಿ ಕೀರ್ತಿ ನೇರಲಕರ್ ಶೇ. 94.80 ಅಂಕಗಳನ್ನು ಪಡೆದು ಕಾಲೇಜಿಗೆ ಕ್ರಮವಾಗಿ ಪ್ರಥಮ, ದ್ವಿತೀಯ ಹಾಗೂ ತೃತೀಯ ಸ್ಥಾನ ಪಡೆದುಕೊಂಡಿದ್ದಾರೆ.   

ಅದೇ ರೀತಿ ವಾಣಿಜ್ಯ ವಿಭಾಗದಲ್ಲಿ ಉನ್ನತಿ ರಾಹುಲ್ ಬಾಂಗ ಶೇ. 98ಅ, ಶ್ವೇತಾ ಜಿ. ಶೇ. 97.67 ಹಾಗೂ ಅನುಜ್ ಆನಂದ ಬೋಸ್ಲೆ ಶೇ. 96.83 ಅಂಕಗಳನ್ನು ಪಡೆದು ಕ್ರಮವಾಗಿ ಪ್ರಥಮ, ದ್ವಿತೀಯ ಹಾಗೂ ತೃತೀಯ ಸ್ಥಾನಗಳನ್ನು ಪಡೆದುಕೊಂಡಿದ್ದಾರೆ. ಭಾಷಾ ವಿಷಯಗಳು ಹಾಗೂ ಸಂಖ್ಯಾಶಾಸ್ತ್ರದಲ್ಲಿ ಪ್ರತಿಶತ ನೂರರಷ್ಟು ಫಲಿತಾಂಶ ಆಗಿದ್ದು, ಉಳಿದ ವಿಷಯಗಳಲ್ಲಿ ಶೇಕಡಾ 95 ರಿಂದ 99ರಷ್ಟು ಫಲಿತಾಂಶ ಆಗಿದೆ.   

ವಿದ್ಯಾರ್ಥಿಗಳ ಸಾಧನೆಗೆ ಜೆಜಿಐ ಆಡಳಿತ ಮಂಡಳಿ ಮೆಚ್ಚುಗೆ ವ್ಯಕ್ತಪಡಿಸಿದ್ದು, ನಿರ್ದೇಶಕ ಶ್ರದ್ಧಾ ಕಟವಾಟೆ ಪ್ರಚಾರ್ಯ ಪ್ರೊ. ವಿಶ್ವನಾಥ್ ಪಾಟೀಲ ಹಾಗೂ ಸಿಬ್ಬಂದಿ ವರ್ಗ ಹರ್ಷ ವ್ಯಕ್ತಪಡಿಸಿದ್ದಾರೆ.