ಕಸದ ಸಮಸ್ಯೆಗೆ ಶಾಶ್ವತ ಪರಿಹಾರ ಇಲ್ಲವೇ? ನಾಗರಿಕರ ಪ್ರಶ್ನೆ  

ಯಲಬುರ್ಗಾ 21: ಪಟ್ಟಣದಲ್ಲಿ ವಿದ್ಯಾರ್ಥಿಗಳು ಹಾಗೂ ನಾಗರಿಕರು ಓಡಾಡುವ ರಸ್ತೆ ಸಮರೆ​‍್ಕ ನಿರ್ವಹಣೆಯಿಲ್ಲದೆ ಕಸದ ತೊಟ್ಟಿಯಾಗಿ ಮಾರ​‍್ಪಟಟಿದೆ.  ಗಲೀಜು, ದುರ್ವಾಸನೆ ನಡುವೆ ಒಲ್ಲದ ಮನಸ್ಸಿನಿಂದ ಓಡಾಡುವಂತಾಗಿದೆ. ಸ್ವಚ್ಛತೆ ಕಾಣದ ಗಟಾರಗಳ ಕೊಳಚೆ ನೀರುರಸ್ತೆ ಮೇಲೆ ಹರಿಯುತ್ತದೆ.  

ಇನ್ನು ಸಂಜೆಯಾಗುತ್ತಲೇ ಮನೆಗಳಿಗೆ ದಾಳಿ ಇಡುವ ಸೊಳ್ಳೆಗಳ ಕಾಟವನ್ನು ಸಹಿಸಿಕೊಳ್ಳಲು ಆಗುತ್ತಿಲ್ಲ. ಮಳೆಗಾಲದ ಸಮಯದಲ್ಲಿ ಒಂದೇ ಕಡೆ ನೀರು ಸಂಗ್ರಹವಾಗುವುದರಿಂದ ಸಾಂಕ್ರಾಮಿಕ ರೋಗಗಳಾದ ಕಾಲರಾ, ಕರಳು ಬೇನೆ, ವಾಂತಿ ಬೇಧಿ, ಅತಿಸಾರ ಹಾಗೂ ಕಾಮಾಲೆ ಹರಡುವ ಸಾಧ್ಯತೆ ಹೆಚ್ಚಿರುತ್ತದೆ.ಎಚ್ಚರಿಕಾ ಕ್ರಮ ಕೈಗೊಳ್ಳಬೇಕಾದ ಇಲಾಖೆ, ಸ್ಥಳೀಯ ಸಂಸ್ಥೆಗಳು ಪೂರ್ಣ ಪ್ರಮಾಣದಲ್ಲಿತಮ್ಮ ಕೆಲಸ ಮಾಡಿಲ್ಲ. ಎಂದು ಇಲ್ಲಿನ ನಿವಾಸಿಗಳು ಅಸಮಾಧಾನ ವ್ಯಕ್ತಪಡಿಸುತ್ತಾರೆ.