ಸವದತ್ತಿ  12: ಬೆಳಗಾವಿ ಜಿಲ್ಲಾ ಮಹಿಳಾ ಕಾಂಗ್ರೆಸ್‌ನ ನೂತನ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಂಡ ಹಿನ್ನೆಲೆಯಲ್ಲಿ, ಶಾಸಕ ವಿಶ್ವಾಸ ವೈದ್ಯ ಅವರು ನೂತನ ಅಧ್ಯಕ್ಷರನ್ನು ತಮ್ಮ ಗೃಹ ಕಚೇರಿಗೆ ಶನಿವಾರ ರಂದು ಆಹ್ವಾನಿಸಿ ಆತ್ಮೀಯವಾಗಿ ಸನ್ಮಾನಿಸಿ ಗೌರವಿಸಿದರು.ಸನ್ಮಾನದ ನಂತರ ಮಾತನಾಡಿದ ಅವರು ಪಕ್ಷದ ಸಂಘಟನೆಯಲ್ಲಿ ಮಹಿಳೆಯರ ಪಾತ್ರ ದೊಡ್ಡದಿದೆ. ಜನರೊಂದಿಗೆ ಬೆರೆತು, ಉತ್ಸಾಹದಿಂದ ಕೆಲಸ ಮಾಡುವ ಮೂಲಕ ಸಂಘಟನೆಯನ್ನು ಮತ್ತಷ್ಟು ಬಲಪಡಿಸಬೇಕು, ಎಂದು ಹೇಳಿದರು.

ಸನ್ಮಾನ ಸ್ವೀಕರಿಸಿದ ತದನಂತರ ಅಶ್ವಿನಿ ಬೆಳವಡಿ ಮಾತನಾಡಿದ ಅವರು ನನ್ನನ್ನು ಆಹ್ವಾನಿಸಿ ಸನ್ಮಾನಿಸಿರುವುದು ಅತ್ಯಂತ ಸಂತೋಷ ತಂದಿದೆ. ಮುಂಬರುವ ದಿನಗಳಲ್ಲಿ ಪಕ್ಷದ ಸಂಘಟನೆಯನ್ನು ಮತ್ತಷ್ಟು ಬಲಪಡಿಸಲು ಶ್ರಮಿಸುತ್ತೇನೆ. ಸೇರಿದಂತೆ ಪಕ್ಷದ ಹಿರಿಯರ ಆಶೀರ್ವಾದ ಮತ್ತು ಸಹಕಾರವನ್ನು ಪಡೆದು ಜವಾಬ್ದಾರಿಯುತವಾಗಿ ಕಾರ್ಯನಿರ್ವಹಿಸುತ್ತೇನೆ," ಎಂದು ಹೇಳಿದರು. ಈ ಸಂಭ್ರಮ ಸಂದರ್ಭದಲ್ಲಿ ನೂತನ ಅಧ್ಯಕ್ಷರು, ಶಾಸಕರು, ಹಾಗೂ ಕಾಂಗ್ರೆಸ್ ಪಕ್ಷದ ಕಾರ್ಯಕರ್ತರಿಗೆ ಮುಖಂಡರಿಗೆ ಸಿಹಿ ಹಂಚಿ ಸಂಭ್ರಮಿಸಿದರು.

ಈ ಕಾರ್ಯಕ್ರಮದಲ್ಲಿ ಸವದತ್ತಿ ತಾಲೂಕು ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಮಲ್ಲು ಜಕಾತಿ, ಮಂಜುಳಾ ಕಾಳಿಂಗಗೌಡರ, ಉಪಾಧ್ಯಕ್ಷ ವನಜಾಕ್ಷಿ, ಮುಖಂಡರಾದ ಮಲ್ಲಪ್ಪ ಹನಸಿ, ಮಹದೇವಜ್ಜಾ ಹೆಬ್ಬಳ್ಳಿ, ಶಂಕರ ದೊಡವಾಡ, ಮಾರುತಿ ಸಾಳುಂಖೆ, ಶಂಕರ ಗುಡಿ, ಚಂದ್ರು ಹೊಂಗಲ, ಮಹಾಂತೇಶ ಬೀರಂಜನವರ, ರಾಜಣ್ಣ ಜಾಲಿಕೊಪ್ಪ, ರಾಯಣ್ಣನವರ, ಟಿಪ್ಪುಉಸ್ತಾದ್, ಗದಿಗ್ಯಪ್ಪ ಕುರಿ, ಹಳಮನಿ ಸೇರಿದಂತೆ ಅನೇಕ ಕಾಂಗ್ರೆಸ್ ಪಕ್ಷದ ಕಾರ್ಯಕರ್ತರು ಮತ್ತು ಮುಖಂಡರು ಉಪಸ್ಥಿತರಿದ್ದರು.