ಬಾಗಲಕೋಟೆ 17 : ಕಳೆದ ದಿ.25.3.2025 ರಂದು ಸಂಸತ್ತಿನಲ್ಲಿ ಕೇಂದ್ರ ಸರಕಾರದ ಆರ್ಥಿಕ ಮಂತ್ರಿಗಳಾದ ನಿರ್ಮಲಾ ಸೀತಾರಾಮ್ ಅವರು ಮಂಡಿಸಿದ ನಿವೃತ್ತರ ಆರ್ಥಿಕ ಬಿಲ್ಲನ್ನು ಮರಳಿ ಪಡೆಯಲು ಆಗ್ರಹಿಸಿ ಗುರವಾರ ಜಿಲ್ಲಾಧಿಕಾರಿಗಳಿಗೆ ಜಿಲ್ಲಾ ನಿವೃತ್ತ ನೌಕರರ ಸಂಘದ ವತಿಯಿಂದ ಮನವಿ ಪತ್ರ ಸಲ್ಲಿಸಲಾಯಿತು. 

ಈ ಕುರಿತು ಅಖಿಲ ಭಾರತ ನಿವೃತ್ತರ ಪೇಢರೇಷನ್ ನಿರ್ದೇಶಿಸಿದಂತೆ ಜಿಲ್ಲಾಧಿಕಾರಿಗಳಿಗೂ ತಾಲೂಕು ಸಂಘದಿಂದ ತಹಶೀಲದಾರ್ ಅವರ ಮುಖಾಂತರ ಮಾನ್ಯ ಪ್ರಧಾನ ಮಂತ್ರಿ ಅವರಿಗೆ ತಲುಪುವಂತೆ ಉದ್ದೇಶಿಸಿ ಜಿಲ್ಲಾಧಿಕಾರಿಗಳಾದ ಎಂ.ಸಂಗಪ್ಪನವರಿಗೆ ಜಿಲ್ಲಾ ನೌಕರರ ಸಂಘದ ಅಧ್ಯಕ್ಷರಾದ ವಿ.ಬಿ.ಗೋವಿಂದಪ್ಪನವರ ಮನವಿ ಅರ​‍್ಿಸಿದರು. ಈ ಬಿಲ್ಲು ಜಾರಿಗೆಯಾದರೆ ನಿವೃತ್ತ ನೌಕರರಿಗೆ ಡಿ.ಎ. ಹಾಗೂ ಎಂಟನೇ ವೇತನ ಆಯೋಗದಿಂದ ಬಹಳಷ್ಟು ಹಾನಿಯಾಗುತ್ತದೆ ಎಂದು ಮನವಿಯಲ್ಲಿ ಉಲ್ಲೇಖಿಸಲಾಗಿದೆ. 

ಈ ಸಂದರ್ಭದಲ್ಲಿ ಜಿಲ್ಲಾ ಸಂಘದ ಗೌರವಾಧ್ಯಕ್ಷರಾದ ಎಸ್‌.ಆರ್‌.ಮನಹಳ್ಳಿ, ಪ್ರಧಾನ ಕಾರ್ಯದರ್ಶಿ ವಿಜಯರಾವ ಕುಲಕರ್ಣಿ, ಜಿ.ಎಸ್‌.ಬಡಿಗೇರ, ಎಚ್‌.ವಿ.ಮಾಗನೂರ, ಡಾ.ಪ್ರಕಾಶ ಖಾಡೆ, ಬಿ.ಜಿ.ಚಿಪ್ಪಲಕಟ್ಟಿ,ಚೆನ್ನಪ್ಪಗೋಳ, ಮೇಟಿ,ದಂಡಣ್ಣವರ,ಬಿ.ವಿ.ಕುಲಕರ್ಣಿ, ನಾಡಗೌಡ, ಬಂದಕೇರಿ, ವಿಜಯಲಕ್ಷ್ಮಿ ಮುರ್ನಾಳ, ಶ್ರೀಮತಿ ಗೊಂಗಡಶೆಟ್ಟಿ, ಶ್ರೀಮತಿ ಮಹೇಂದ್ರಕರ, ಮೊದಲಾದ ನಿವೃತ್ತ ನೌಕರರು ಹಾಜರಿದ್ದು ಮನವಿ ಸಲ್ಲಿಸಿದರು. ಇದೇ ಸಂದರ್ಭದಲ್ಲಿ ಲೋಕಸಭಾ ಸದಸ್ಯರಾದ ಪಿ.ಸಿ.ಗದ್ದಿಗೌಡರ ಅವರಿಗೆ ಸಂಸದರ ಕಛೇರಿ ತೆರಳಿ  ಮನವಿ ಸಲ್ಲಿಸಿ ವಿತ್ತ ಸಚಿವರ ಗಮನಕ್ಕೆ ತರಲು ತಿಳಿಸಲಾಯಿತು.