ಸವಣೂರು, ಜು. 24: ತಾಲ್ಲೂಕಿನ ಹಿರೇಮುಗದೂರ ಗ್ರಾಮದ ಬ್ಯಾಂಕ್ ಆಫ್ ಬರೋಡಾ ಶಾಖೆಯಲ್ಲಿ ಬ್ಯಾಂಕಿನ 119ನೇ ಸಂಸ್ಥಾಪನಾ ದಿನವನ್ನು ಸಂಭ್ರಮದಿಂದ ಆಚರಿಸಲಾಯಿತು.  ಈ ಸಂದರ್ಭದಲ್ಲಿ ಬ್ಯಾಂಕ್ ಸಿಬ್ಬಂದಿ ಗ್ರಾಹಕರೊಂದಿಗೆ ಕೇಕ್ ಕತ್ತರಿಸಿ, ಸಿಹಿ ಹಂಚುವ ಮೂಲಕ ಸಂಸ್ಥಾಪನಾ ದಿನವನ್ನು ಸಂಭ್ರಮಿಸಿದರು. ಇದೇ ವೇಳೆ ಬ್ಯಾಂಕಿನ ಹಿರಿಯ ಹಾಗೂ ನಿಷ್ಠಾವಂತ ಗ್ರಾಹಕರನ್ನು ಗೌರವಿಸಿ ಸನ್ಮಾನಿಸಲಾಯಿತು.  

ಕಾರ್ಯಕ್ರಮದಲ್ಲಿ ಶಾಖಾ ವ್ಯವಸ್ಥಾಪಕ ಬಿ. ಸುರೇಶ್, ಎಬಿಎಂ ಸೂರ್ಯಪ್ರಕಾಶ್, ಶ್ರೀಕಾಂತಗೌಡ ಪಾಟೀಲ, ಸೋಮಯ್ಯ ಹಿರೇಮಠ, ಶ್ರೀಧರ ದೊಡ್ಡಮನಿ, ಶಿವಯೋಗಯ್ಯ ಹಿರೇಮಠ, ಪರಮಯ್ಯ ಹಿರೇಮಠ, ಫಕ್ಕೀರಗೌಡ ಕುಂದೂರ, ಮಂಜು ಮಾಳಿ, ರಾಜಶೇಖರ ಮಾದರ, ಮರಿಯಪ್ಪ ನಡುವಿನಮನಿ, ಈರಣ್ಣ ಚಪ್ಪರದಹಳ್ಳಿ ಮಠ, ಶಿವಬಸವಸ್ವಾಮಿ ಕೆಂಭಾವಿಮಠ, ಶರಣಪ್ಪ ಕೆಂಭಾವಿಮಠ ಹಾಗೂ ಬ್ಯಾಂಕಿನ ಸಿಬ್ಬಂದಿಗಳಾದ ಕೆ.ಎನ್‌. ಸದಾಶಿವ, ಪ್ರಕಾಶ್ ದೇವರಗುಡ್ಡ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.