ಕೊಲ್ಹಾರ 29 :  ಪಟ್ಟಣದ ಅಂಜುಮನ್ ಕಮಿಟಿ ಮಾಜಿ ಸದಸ್ಯರಾದ ನಜೀರ ಅಹಮದ ಕಾಜಿ ಅವರ ಅಳಿಯ ಪ್ರಸ್ತುತ ರಾಯಬಾಗ ಪೊಲೀಸ ಠಾಣೆಯಲ್ಲಿ ಕಾನ್ಸ್ಟೇಬಲ್ ಆಗಿ ಕರ್ತವ್ಯ ನಿರ್ವಹಿಸುತ್ತಿರುವ ಆರೀಫ್ ಮುದಾಲ್ ಅವರು ’ಮುಖ್ಯಮಂತ್ರಿ ಪದಕ’ ಗೌರವಕ್ಕೆ ಭಾಜನರಾಗಿದ್ದಾರೆ. ಸುಮಾರು ಎಂಟು ವರ್ಷಗಳಿಂದ ಪೊಲೀಸ ಇಲಾಖೆಯಲ್ಲಿ ಸೇವೆ ಸಲ್ಲಿಸುತ್ತಿರುವ ಆರೀಫ್ ಮುದಾಲ್ ಅವರಿಗೆ ಮುಖ್ಯಮಂತ್ರಿ ಪದಕ ದೊರೆತಿರುವುದಕ್ಕೆ ಪಟ್ಟಣದ ಖಾನ್ ಕಾಯೇ ಗಪ್ಫಾರಿಯಾದ ಪೀಠಾಧಿಪತಿಗಳಾದ ಡಾ. ಬಕ್ತಿಯಾರಖಾನ್ ಪಠಾಣ, ಪಟ್ಟಣದ ಪ್ರಮುಖರಾದ ಅನ್ಸರ್ ಜಮಖಂಡಿ, ಅಮೀರಖಾನ್ ಮುಲ್ಲಾ, ಅಯ್ಯುಬಖಾನ್ ಪಠಾಣ, ನೂರ ಕಂಕರಪೀರ, ಸರ್ದಾರ್ ಪಟೇಲ್ ಖಾನ್ ಹರ್ಷ ವ್ಯಕ್ತಪಡಿಸಿದ್ದಾರೆ.