ಲೋಕದರ್ಶನ ವರದಿ 

ಗೋಕಾಕ 16 : ನಗರದ ಗೋಕಾಕ ಶಿಕ್ಷಣ ಸಂಸ್ಥೆಯ ಜೆ. ಎಸ್‌. ಎಸ್ ಪದವಿ ಮಹಾವಿದ್ಯಾಲಯದಲ್ಲಿ ಹಮ್ಮಿಕೊಂಡಿದ್ದ ಡಾ. ಬಿ. ಆರ್‌. ಅಂಬೇಡ್ಕರ್‌ರವರ 135 ನೇ ಜನ್ಮ ದಿನದ ಅಂಗವಾಗಿ ಎನ್‌.ಎಸ್‌.ಎಸ್ ಘಟಕ(1 ಮತ್ತು 2) ಹಾಗೂ ಯುವ ರೆಡ್‌ಕ್ರಾಸ್ ಘಟಕಗಳ ಅಡಿಯಲ್ಲಿ “ಮನೆ ಮನೆಗೆ, ಮನ ಮನಕೆ ಡಾ. ಬಾಬಾಸಾಹೇಬರು ಅಭಿಯಾನ-2026” ಎಂಬ ಕಾರ್ಯಕ್ರಮದಲ್ಲ್ಲಿ ವಾಣಿಜ್ಯ ವಿಭಾಗದ ಮುಖ್ಯಸ್ಥರಾದ     ಡಾ. ಅಭಯ್ ಆರ್ ಮುಖ್ಯ ಅಥಿತಿಗಳಾಗಿ ಭಾಗವಹಿಸಿ ಅಂಬೇಡ್ಕರ ವಿಚಾರಧಾರೆಗಳು ಎಂದೆಂದಿಗೂ ಪ್ರಸ್ತುತವಾಗಿದ್ದು, ಅವರ ತತ್ವಾದರ್ಶಗಳನ್ನು ಪ್ರತಿಯೊಬ್ಬರು ನಿತ್ಯ ಜೀವನದಲ್ಲಿ ಅಳವಡಿಸಿಕೊಳ್ಳಬೇಕೆಂದು ಹೇಳಿದರು.  ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಮಹಾವಿದ್ಯಾಲಯದ ಪ್ರಾಂಶುಪಾಲರಾದ ಡಾ. ಬಿ. ಎಮ್‌. ತುರಡಗಿ ಮಾತನಾಡಿ ಡಾ. ಅಂಬೇಡ್ಕರವರು ಶೋಷಿತ ವರ್ಗದ ಧ್ವನಿಯಾಗಿ, ವಿಶಿಷ್ಟ ಸಂವಿಧಾನವನ್ನು ರಚಿಸಿ ಆಧುನಿಕ ಭಾರತದ ನಿರ್ಮಾಣ ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು ಎಂದು ಹೇಳಿದರು.  

ಕಾರ್ಯಕ್ರಮದಲ್ಲಿ ಉಪಪ್ರಾಚಾರ್ಯರಾದ ಡಾ.ಆರ್‌.ಎಸ್‌.ಬಳಿಗಾರ, ಎನ್‌.ಎಸ್‌.ಎಸ್ ಘಟಕ-1 ಕಾರ್ಯಕ್ರಮಾಧಿಕಾರಿ ಡಾ. ಸಿ. ಎ. ಮಸರಗುಪ್ಪಿ, ಋಂಅ ಸಂಯೋಜಕರಾದ ಡಾ. ಎನ್‌. ಎಲ್‌. ತೇರದಾಳ, ಯುವ ರೆಡ್‌ಕ್ರಾಸ್ ಘಟಕ(ಮಹಿಳಾ) ಕಾರ್ಯಕ್ರಮಾಧಿಕಾರಿ ಶ್ರೀಮತಿ. ಜ್ಯೋತಿ. ಜಿ. ಪೋಲಾಶಿ, ದೈಹಿಕ ನಿರ್ದೇಶಕಿಯರಾದ ಶ್ರೀಮತಿ.ಎ.ಎಲ್‌.ದರಗದ ಉಪಸ್ಥಿತರಿದ್ದರು. ಯುವ ರೆಡ್‌ಕ್ರಾಸ್ ಘಟಕ (ಪುರುಷ) ಕಾರ್ಯಕ್ರಮಾಧಿಕಾರಿ ಡಾ. ಕೃಷ್ಣಮೂರ್ತಿ ಎಂ. ಎಸ್ ಸ್ವಾಗತಿಸಿದರು. ಎನ್‌.ಎಸ್‌.ಎಸ್ ಘಟಕ-2 ಕಾರ್ಯಕ್ರಮಾಧಿಕಾರಿ ಶ್ರೀ. ಎಂ. ವ್ಹಿ. ಗೊರಗುದ್ದಿ ವಂದಿಸಿದರು. ವಿದ್ಯಾರ್ಥಿನಿ ಲಕ್ಷಿ-್ಮ ಬಾಗಡಿ ಕಾರ್ಯಕ್ರಮ ನಿರೂಪಿಸಿದರು. ಮಹಾವಿದ್ಯಾಲಯದ ಎಲ್ಲ ಬೋಧಕ ಮತ್ತು ಬೋಧಕೇತರ ಸಿಬ್ಬಂದಿ ಹಾಗೂ ವಿದ್ಯಾರ್ಥಿಗಳು ಭಾಗವಹಿಸಿ ಕಾರ್ಯಕ್ರಮ ಯಶಸ್ವಿಗೊಳಿಸಿದರು.