ಕಿತ್ತೂರ ರಾಣಿ ಚನ್ನಮ್ಮ ಬಾಲಕಿಯರ ವಸತಿ ಸೈನಿಕ ಶಾಲೆಯ ವಿದ್ಯಾರ್ಥಿಗಳ ಆಲ್ ಇಂಡಿಯಾ ಐ.ಪಿ.ಎಸ್‌.ಸಿ ಯೋಗ ಸ್ಪರ್ಧೆಯಲ್ಲಿ ಅದ್ಭುತ ಸಾಧನೆ 

ಬೆಳಗಾವಿ, ಅ.17 : ಕಿತ್ತೂರ ರಾಣಿ ಚನ್ನಮ್ಮ ಬಾಲಕಿಯರ ವಸತಿ ಸೈನಿಕ ಶಾಲೆಯ ಯೋಗ ತಂಡವು ಆಲ್ ಇಂಡಿಯಾ ಐ.ಪಿ.ಎಸ್‌.ಸಿ ಯೋಗ ಸ್ಪರ್ಧೆಯಲ್ಲಿ ಅದ್ಭುತ ಪ್ರದರ್ಶನ ನೀಡುವ ಮೂಲಕ ಶಾಲೆಗೆ ಕೀರ್ತಿ ತಂದಿದೆ. ಈ ಸ್ಪರ್ಧೆಯು 2025ರ ಅಕ್ಟೋಬರ್ 13 ರಿಂದ 15 ರ ವರೆಗೆ ‘ದಿ ರಾಜಕುಮಾರ್ ಕಾಲೇಜ್, ರಾಜಕೋಟ (ಗುಜರಾತ್)’ ನಲ್ಲಿ ನಡೆಯಿತು.  ಶಾಲೆಯ ಪ್ರತಿಭಾವಂತ ವಿದ್ಯಾರ್ಥಿನಿಯರು ಸಾಂಪ್ರದಾಯಿಕ ವೈಯಕ್ತಿಕ ಯೋಗಾಸನ, ಕಲಾತ್ಮಕ ವೈಯಕ್ತಿಕ ಯೋಗಾಸನ, ಕಲಾತ್ಮಕ ಜೋಡಿ ಯೋಗಾಸನ ಮತ್ತು ಲಯಬದ್ಧತೆಯ ಜೋಡಿ ಯೋಗಾಸನ ಸೇರಿದಂತೆ 14, 17 ಮತ್ತು 19 ವಯೋವರ್ಗದ ವಿಭಾಗಗಳಲ್ಲಿ ಭಾಗವಹಿಸಿದರು.  ವಿದ್ಯಾರ್ಥಿನಿಯರು ತಮ್ಮ ಸಮತೋಲನ, ಶಿಸ್ತಿನ ಮನೋಭಾವ ಮತ್ತು ಕೌಶಲ್ಯವನ್ನು ತೋರಿಸಿ, 4 ಚಿನ್ನ, 2 ಬೆಳ್ಳಿ ಮತ್ತು 3 ಕಂಚು ಸೇರಿದಂತೆ ಒಟ್ಟು 9 ಪದಕಗಳನ್ನು ಪಡೆದುಕೊಂಡರು.